Bakı Şəhəri Xəzər Rayon Məhkəməsi Qərardad — İş №2(003)-2724/2025

Azərbaycan Respublikası adından QƏRARDAD Bakı şəhəri İş № 2(003)-2724/2025 12.06.2025 BAKI ŞƏHƏRİ XƏZƏR RAYON MƏHKƏMƏSİ Bakı şəhəri Xəzər Rayon Məhkəməsinin hakimi Tağıyev Zaur Müzəffər oğlu – İddiaçı iddia ərizəsini və ona əlavə edilmiş sənədləri nəzərdən keçirərək müəyyən etdi : İddiaçı iddia ərizəsi ilə müraciət edərək, Azərbaycan Respublikası Energetika Nazirliyinin tabeçiliyində olan X1 Agentliyinin əməkdaşları tərəfindən təbii qazdan istifadə qaydalarının pozulması haqqında **.04.2025-ci il tarixli MN № **76729 saylı qərarını və sayğacdan kənar qaz paylayıcı şəbəkəyə qoşulmaya görə 1704.2 manat məbləğində cərimənin ləğv edilməsini xahiş etmişdir. Məhkəmə iddia ərizəsini nəzərdən keçirib müəyyən etdi ki, ərizə Azərbaycan Respublikası Mülki Prosessual Məcəlləsinin (bundan sonra MPM) tələblərinə riayət edilmədən verilmişdir. Belə ki, iddiaçı Azərbaycan Respublikası Energetika Nazirliyinin tabeçiliyində olan X1 Agentliyi tərəfindən onun barəsində tərtib edilmiş inzibati protokol əsasən İnzibati təhbeh vermə haqqında qərarı mülki məhkəmə icraatı qaydasında mübahisələndirir. Məhkəmə qeyd edir ki, İnzibati təhbeh vermə haqqında qərardan şikayətə birinci instansiya məhkəmələri tərəfindən şikayət qaydasında baxılır. Məhkəmə qeyd edir ki, Azərbaycan Respublikası MPM-in 152.1.3-cü maddəsinə əsasən əgər iş ərazi aidiyyəti üzrə və ya məhkəmə adiyyatı üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Göstərilən qanunvericilik aktı normalarına əsasən məhkəmə hesab edir ki, iddia ərizəsi Azərbaycan Respublikası MPM–nin tələblərinə riayət edilməklə məhkəməyə verilməmişdir. Buna görə də iddia ərizəsinin məhkəmə icraatı mümkün deyildir. Odur ki, iddia ərizəsinin qəbulundan imtina edilməli və ona əlavə edilmiş sənədlər geri qaytarılmalıdır. Azərbaycan Respublikası MPM-in 151.1-ci maddəsinə əsasən ərizə bu Məcəllənin tələblərinə riayət edilməklə verildikdə, onun məhkəmə icraatı mümkündür. Məhkəmə həmçinin qeyd edir ki, Azərbaycan Respublikası MPM-in 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qeyd olunanlara əsasən və Azərbaycan Respublikası MPM-in 152, 263-264 və 268ci maddələrini rəhbər tutaraq, qərara aldı : İddiaçı **.04.2025-ci il tarixli MN № **76729 saylı qərardan verilmiş inzibati tənbehin ləğv edilməsi barədə iddia ərizəsi yolverilməzliyinə görə qəbul edilməsindən imtina edilsin. İddiaçı izah olunsun ki, onun İnzibati təhbeh vermə haqqında qərardan şikayət qaydasında ərazi aidiyyəti üzrə məhkəməyə müraciət etmək hüququ vardır. Qərardaddan 10 (on) gün müddətində Bakı şəhəri Xəzər Rayon Məhkəməsinə şikayət verilə bilər. Hakim Zaur Tağıyev