Bakı Şəhəri Xəzər Rayon Məhkəməsi Qətnamə — İş №2(003)-2748/2020

Azərbaycan Respublikası adından QƏTNAMƏ Bakı şəhəri İş № 2(003)-2748/2020 12.10.2020 BAKI ŞƏHƏRİ XƏZƏR RAYON MƏHKƏMƏSİ Hakim Tağıyev Zaur Müzəffər oğlu iddiaçı «xxxxxxxxxx» MMC-nin Cavabdeh qarşıpul tələbinə dair kiçik iddia ərizəsi üzrə mülki işə baxaraq, müəyyən etdi: İddiaçı «xxxxxxxxxxx» MMC iddia ərizəsi ilə məhkəməyə müraciət edərək, Cavabdeh xx.xx.2019-cu il tarixli müqaviləyə əsasən İMEİ kodu **********85264 olan Xiaomi Mi A2 markalı telefon üçün 427 manat ödənilməmiş hissə, 42 manat cərimə pulu, cəmi 469 manat, xx.xx.2018-ci il tarixli müqaviləyə əsasən Sonorous Surefix 330, Samsung markalı LED televizor üçün 829 manat ödənilməmiş hissə, 82 manat cərimə borcu, cəmi 911 manat və 30 manat dövlət rüsumu, ümumilikdə 1410 manat alınaraq «xxxxxxxxxxx» Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, Cavabdeh «xxxxxxxxxxx» MMC arasında bağlanmış xx.xx.2019-cu il, xx.xx.2018-ci il tarixli müqavilələrinə əsasən o, İMEİ kodu **********85264 olan Huawei P Smart Z markalı telefon, Sonorous Surefix 330, Samsung markalı LED televizor almış və nəticədə 1380 (min üç yüz səksən) manat borc yaranmışdır. Cavabdeh xx.xx.2019-cu il tarixli müqaviləsinə əsasən alqı-satqı qiyməti 648 (altı yüz qırx səkkiz) (yəni 12 ay x 54 manat + 0 manat ilkin ödəniş) manat olan İMEİ kodu **********85264 olan Huawei P Smart Z markalı telefon üçün ümumilikdə 469 (dörd yüz altmış doqquz) manat olamaqla ondan 427 (dörd yüz iyirmi yeddi) manat ödənişməmiş hissə, 42 (qırx iki) manat cərimə, xx.xx.2018-ci il tarixli müqaviləsinə əsasən alqı-satqı qiyməti 1455 (min dörd yüz əlli beş) (yəni 18 ay x 80 manat + 15 manat ilkin ödəniş) manat olan Sonorous Surefix 330, Samsung markalı LED televizor üçün ümumilikdə 911 (doqquz yüz on bir) manat olmaqla ondan, 829 (səkkiz yüz iyirmi doqquz) manat ödənilməmiş hissə, 82 (səksən iki) manat cərimə borcu hesablanmışdır. Cavabdehin cəmi ödədiyi məbləğ 847 manat təşkil edir. Azərbaycan Respublikası Mülki Prosessual Məcəlləsinin 284-5.1-ci maddəsinə uyğun olaraq cavabdehə rəsmi qaydada bildiriş göndərilmiş, cavabdeh xx.xx.2020-ci tarixdə həmin bildirişi qəbul etmiş, lakin cavabdeh tərəf bildirişi rəsmi qaydada aldığı gündən 10 (on) iş günü müddətində iddiaya qarşı etirazlarını göndərməməklə iddiaçının tələbinə dair hər hansı münasibət bildirməmişdir. Məhkəmə iş materiallarını tədqiq edərək hesab edir ki, iddia tələbi təmin edilməlidir. İş materiallarından görünür ki, «xxxxxxxxxxx» MMC ilə Cavabdeh arasında xx.xx.2019-cu il tarixdə 00830567 saylı müqavilə bağlanmışdır. Göstərilən müqaviləyə əsasən dəyəri 648 manat olan İMEİ **********85264 olan Huawei P Smart Z telefon Cavabdeh nisyə satılmış və cavabdeh 12 ay müddətində ödəniş cədvəli üzrə hər ay 54 manat məbləğində pulu ödəməyi öhdəsinə götürmüşdür. İş materiallarından görünür ki, «xxxxxxxxxxx» MMC ilə Cavabdeh arasında xx.xx.2019-cu il tarixdə 00616319 saylı müqavilə bağlanmışdır. Göstərilən müqaviləyə əsasən dəyəri 1455 manat olan Sonorous Surefix 330, Samsung markalı LED televizor Cavabdeh nisyə satılmış və cavabdeh 18 ay müddətində ödəniş cədvəli üzrə hər ay 80 manat məbləğində pulu ödəməyi öhdəsinə götürmüşdür. İş materiallarında olan maliyyə və ödəniş cədvəlindən görünür ki, cavabdehin xx.xx.2019-cu il tarixli müqavilə üzrə 427 manat ödənilməmiş hissə və 42 manat dəbbə borcu, xx.xx.2018-ci il tarixli müqavilə üzrə 829 manat ödənilməmiş hissə, 82 manat dəbbə borcu mövcuddur. İş materialları ilə müəyyən edilir ki, kreditalan kredit müqaviləsi ilə üzərinə götürdüyü öhdəliyi lazimi qaydada icra etməmiş, ödəniş cədvəlini pozmuşdur. Onun iddiaçı qarşısında yuxarıda göstərilən məbləğində icra edilməmiş pul öhdəliyi vardır. Hazırkı iş üzrə iddiaçının təqdim etdiyi sübutlar isə borcun ödənilməsi barədə tələbin əsaslı olduğunu təsdiq edir. Qeyd edilənlərə əsasən və Mülki Məcəllənin 385.1, 442, 462.1, 600.1, 600.4-cü maddələrinin göstərişinə əsaslanaraq məhkəmə hesab edir ki, həmin pul cavabdehdən iddiaçının xeyrinə tutulmalıdır. Tədqiq edilmiş iş materialları ilə müəyyən edildi ki, cavabdeh tərəfindən nisyə alğısatqı müqavilələri üzrə öhdəliklərini vaxtında və lazımi qaydada icra etməmiş və onun ümumilikdə hər iki müqavilə üzrə 350 manat ödənilməmiş əsas borcu və müqavilə şərtlərinə uyğun olaraq hesablanmış 35 manat cərimə borcu qalmışdır. Göstərilən qanunvericilik aktı normalarına əsasən məhkəmə hesab edir ki, iddiaçı göstərilən nisyə alqı-satqı müqaviləsinin şərtlərinin icrasını, yəni ödənilməmiş məbləğin qaytarılmasını tələb etməkdə haqlı olmuşdur. Eyni zamanda hazırkı iddia ərizəsi cavabdehə rəsmi qaydada verilsə də, 10 (on) iş günü müddətində iddia tələbinə qarşı etiraz etməməklə onu mübahisələndirməmişdir. Beləliklə, məhkəmə hesab edir ki, cavabdehdən iddiaçının xeyrinə hər iki müqavilə üzrə ümumilikdə ödənilməmiş 1256 manat əsas borc və müqavilə şərtlərinə uyğun olaraq gecikdirilmiş hərgün üçün hesablanmış 124 manat cərimə (dəbbə) tutulmalıdır. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən kiçik iddialara dair ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Azərbaycan Respublikası Mülki Prosessual Məcəlləsinin 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmin Məcəllənin 119.1-ci maddəsinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. İş materiallarına əlavə olunmuş hökumət ödəniş portalından görünür ki, iddiaçı tərəfindən 30 (otuz) manat dövlət rüsumu ödənilmişdir. Məhkəmə xərcləri ilə bağlı məsələni müzakirə edərək məhkəmə hesab edir ki, iddiaçı tərəfindən ödənilmiş 30 (otuz) manat dövlət rüsumu cavabdehdən iddiaçının xeyrinə tutulmalıdır. Beləliklə, məhkəmə hesab edir ki, iddia təmin edilməli, Cavabdehxx.xx.2019-cu il tarixdə 00830567 nömrəli nisyə alqı-satqı müqaviləsinə əsasən 427 manat ödənilməmiş hissə, 42 manat cərimə, xx.xx.32019-cu il tarixdə 00616319 saylı alqı-satqı müqaviləsinə əsasən 829 manat ödənilməmiş hissə, 82 manat cərimə və ödənilmiş dövlət rüsumuna görə 30 (otuz) manat iddiaçının xeyrinə tutulmalıdır. Qeyd olunanlara əsasən və Azərbaycan Respublikası MPM-in 216-220, 227, 233, 360-cı maddələrini rəhbər tutaraq, məhkəmə qət etdi: İddia təmin edilsin. Cavabdeh xx.xx.2019-cu il tarixdə 00830567 saylı nisyə alqı-satqı müqaviləsinə əsasən 427 manat ödənilməmiş hissə, 42 manat cərimə, xx.xx.2018-ci il tarixdə 00616319 saylı alqı-satqı müqaviləsinə əsasən 829 manat ödənilməmiş hissə, 82 manat cərimə və ödənilmiş dövlət rüsumuna görə 30 (otuz), ümumilikdə 1410 (min dörd yüz on) manat alınaraq iddiaçı «xxxxxxxxxx» MMC-yə ödənilsin. Qətnamədən onun rəsmi qaydada verildiyi gündən 1 (bir) ay müddətində Bakı şəhəri Xəzər Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Sədrlik edən Zaur Tağıyev