Bakı Şəhəri Xəzər Rayon Məhkəməsi Qərardad — İş №2(003)-3639/2020

Azərbaycan Respublikası adından QƏRARDAD Bakı şəhəri İş № 2(003)-3639/2020 10.11.2020 BAKI ŞƏHƏRİ XƏZƏR RAYON MƏHKƏMƏSİ Bakı şəhəri Xəzər Rayon Məhkəməsinin hakimi Bəhrəmzadə Sabit Xanlar oğlu, İddiaçı iddia ərizəsini və ona əlavə edilmiş sənədləri nəzərdən keçirərək müəyyən etdi: İddiaçı cavabdehlər Cavabdeh1, Cavabdeh2 və Xəzər rayon Baş Polis İdarəsinə qarşı iddia ərizəsi ilə məhkəməyə müraciət edərək, Cavabdeh1 ünvan 1ünvanda yaşayış qeydiyyatının qanunsuz əsaslarla aparıldığı üçün ləğv edilməsinin cavabdeh Xəzər Rayon Baş Polis İdarəsinə həvalə edilməsi, cavabdehlər Cavabdeh1 və Cavabdeh2 tərəfindən evinə bitişik inşa edilən qanunsuz tikilinin cavabdehlərin hesabına sökülməsi, Kolxoz küçəsi, 21 saylı evə aid olan dəmir karkasının hissəsi, evin altındakı beton səkisi, özül cavabdehlər tərəfindən əvvəlki vəziyyətdə bərpa olunması və onun tərəfindən çəkilən məhkəmə xərclərinin cavabdehlər tərəfindən ödənilməsi barədə qətnamə çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirərək məhkəmə hesab edir ki, iddianın Cavabdeh1 ünvan 1ünvanda yaşayış qeydiyyatının qanunsuz əsaslarla aparıldığı üçün ləğv edilməsinin cavabdeh Xəzər Rayon Baş Polis İdarəsinə həvalə edilməsi hissəsinin yolverilməzliyinə görə iddia ərizəsinin qəbul edilməsindən imtina edilməli, qalan hissədə isə geri qaytarılmalıdır. Belə ki, “Yaşayış yeri və olduğu yer üzrə qeydiyyat haqqında” Azərbaycan Respublikasının Qanununun “şəxsin yaşayış yeri üzrə qeydiyyatdan çıxarılması”nı müəyyən edən 9-cu maddəsinə əsasən, müvafiq icra hakimiyyəti orqanları tərəfindən şəxs yaşayış yeri üzrə qeydiyyatdan aşağıdakı hallarda çıxarılır: 1) yaşayış yerini dəyişdikdəyeni yaşayış yeri üzrə qeydiyyata alınması barədə müvafiq icra hakimiyyəti orqanlarının məlumatına əsasən; 2) başqa ölkədə yaşayış yeri seçdikdə-müvafiq icra hakimiyyəti orqanlarının məlumatına əsasən; 3) ömürlük azadlıqdan məhrum edildikdə-məhkəmənin qanuni qüvvəyə minmiş hökmü əsasında; 4) öldükdə və ya məhkəmə qətnaməsi ilə ölmüş elan edildikdə-ölüm aktının qeydə alınması haqqında müvafiq dövlət orqanının məlumatı əsasında; 5) yaşayış sahəsindən çıxarıldıqda və ya yaşayış sahəsindən istifadə hüququna xitam verildikdə məhkəmənin qanuni qüvvəyə minmiş qətnaməsi əsasında; 6) qeydiyyata alınma üçün əsas olmuş sənədlərin və ya məlumatların həqiqətə uyğun olmadığı və ya qeydiyyat məsələsi həll edilərkən vəzifəli şəxs tərəfindən qanunsuz hərəkətə yol verildiyi aşkar edildikdə-məhkəmənin qanuni qüvvəyə minmiş qərarı əsasında. “Yaşayış yeri və olduğu yer üzrə qeydiyyat haqqında Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 493 saylı, xx.xx.1996-cı il tarixli Fərmanının 2.3-cü bəndinə əsasən, həmin Qanunun 9-cu maddəsinin birinci hissəsinin birinci abzasında və 1-ci bəndində nəzərdə tutulmuş “müvafiq icra hakimiyyəti orqanları”nın səlahiyyətlərini öz səlahiyyətləri daxilində Azərbaycan Respublikasının Daxili İşlər Nazirliyi və Azərbaycan Respublikasının Dövlət Miqrasiya Xidməti həyata keçirirlər. Göstərilənlərə əsasən məhkəmə hesab edir ki, “Yaşayış yeri və olduğu yer üzrə qeydiyyat haqqında” Azərbaycan Respublikasının Qanununa əsasən, şəxsin yaşayış yeri üzrə qeydiyyatdan çıxarılması vəzifəsi Azərbaycan Respublikasının Daxili İşlər Nazirliyinin səlahiyyətinə aid edildiyindən, mövcud iddia ərizəsinə məhkəmə qaydasında baxılmalı deyildir. Buna görə də iddianın yolverilməzliyinə görə iddia ərizəsinin qəbul edilməsindən imtina edilməlidir. Belə ki, Azərbaycan Respublikası Mülki Prosessual Məcəlləsinin 153.2.1-ci maddəsinə əsasən, ərizəyə məhkəmə qaydasında baxılmalı deyildirsə, iddianın yolverilməzliyinə görə iddia ərizəsinin qəbul edilməsindən imtina edilir. Həmin Məcəllənin 153.3-cü maddəsinə əsasən, hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında baxılmalı deyildirsə, iddiaçının hansı orqana müraciət etməli olmasını orada göstərir. Həmin Məcəllənin 153.5-ci maddəsinə əsasən, ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. Sadalanan qanunvericilik aktı normalarına əsasən məhkəmə hesab edir ki, mövcud iddia ərizəsinə Cavabdeh1 ünvan 1ünvanda yaşayış qeydiyyatının qanunsuz əsaslarla aparıldığı üçün ləğv edilməsinin cavabdeh Xəzər Rayon Baş Polis İdarəsinə həvalə edilməsi hissədə məhkəmə qaydasında baxılmalı olmadığından, iddianın yolverilməzliyinə görə onlara aid hissədə iddia ərizəsinin qəbul edilməsindən imtina edilməli qalan hissədə isə iddia ərizəsi geri qaytarılaraq, ayrıca iddia ərizəsi ilə məhkəməyə müraciət etmək hüququ izah olunmalıdır. Azərbaycan Respublikası Mülki Prosessual Məcəlləsinin 152.1.7-ci maddəsinə əsasən, bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə hakim iddia ərizəsini və ona əlavə edilmiş sənədləri geri qaytarır. Qeyd olunanlara əsaslanaraq və Azərbaycan Respublikası Mülki Prosessual Məcəlləsinin 153-cü maddəsini rəhbər tutaraq qərara aldı: İddiaçı Cavabdeh1 ünvan 1ünvanda yaşayış qeydiyyatının qanunsuz əsaslarla aparıldığı üçün ləğv edilməsinin cavabdeh Xəzər Rayon Baş Polis İdarəsinə həvalə edilməsinə aid hissədə iddianın yolverilməzliyinə görə qəbul edilməsindən imtina edilsin. İddiaçıya Xəzər Rayon Baş Polis İdarəsinə müraciət etmək hüququnun olması izah olunsun. İddiaçı cavabdehlər Cavabdeh1 və Cavabdeh2 tərəfindən evinə bitişik inşa edilən qanunsuz tikilinin cavabdehlərin hesabına sökülməsi, Kolxoz küçəsi, 21 saylı evə aid olan dəmir karkasının hissəsi, evin altındakı beton səkisi, özül cavabdehlər tərəfindən əvvəlki vəziyyətdə bərpa olunması və onun tərəfindən çəkilən məhkəmə xərclərinin cavabdehlər tərəfindən ödənilməsinə aid hissədə ona əlavə edilmiş sənədlərlə birlikdə geri qaytarılsın. İddiaçıya izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində Bakı şəhəri Xəzər Rayon Məhkəməsinə şikayət verilə bilər. Hakim Sabit Bəhrəmzadə