Bakı Şəhəri Xəzər Rayon Məhkəməsi Qərardad — İş №2(003)-3741/2025

Azərbaycan Respublikası adından QƏRARDAD Bakı şəhəri İş № 2(003)-3741/2025 01.09.2025 BAKI ŞƏHƏRİ XƏZƏR RAYON MƏHKƏMƏSİ Bakı Şəhəri Xəzər Rayon Məhkəməsinin hakimi Qəhrəmanov Əkrəm Sabir oğlu, İddiaçı Cavabdeh İB-yə qarşı “əsassız hesablanmış borcun silinməsi və sair” tələbinə dair iddia ərizəsini və ona əlavə edilmiş sənədləri nəzərdən keçirərək, məhkəmə müəyyən etdi: İddiaçı Cavabdeh İB-yə qarşı iddia ərizəsi ilə məhkəməyə müraciət edərək ünvan 1 ünvanında yerləşən mənzildə (abonent kodu: **********00010) qaz sayğacının düzgün işləməməsi faktının tanınması, haqsız yerə hesablanmış qaz borcunun ləğv edilməsi, sayğacın müstəqil ekspert yolu ilə yoxlanılmasına qərar verilməsi və qaz xətlərinin yoxlanılması barədə qətnamə çıxarılmasını xahiş etmişdir. Ərizə nəzərdən keçirilərkən müəyyən edilmişdir ki, iddianın yolverilməzliyinə görə ərizənin qəbul edilməsindən imtina edilməlidir. Azərbaycan Respublikasının Mülki Prosessual Məcəlləsinin 153.2.1-ci maddəsinə əsasən ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə, iddianın yolverilməzliyinə görə iddia ərizəsini qəbul etməkdən imtina edir. İşin araşdırılmış hallarından müəyyən olundu ki, iddiaçının qaz sayğacının düzgün işləməməsi faktının tanınması, sayğacın müstəqil ekspert yolu ilə yoxlanılmasına qərar verilməsi və qaz xətlərinin yoxlanılması tələbləri məhkəmə qaydasında baxılmalı deyildir. Bu tələblərlə bağlı Cavabdeh İB-yə müraciət edilməlidir. Buna görə də iddianın yolverilməzliyinə görə iddia ərizəsinin qəbul edilməsindən imtina edilməli, iddia ərizəsi və ona əlavə edilmiş sənədlər iddiaçıya geri qaytarılmalıdır. Qeyd olunanlara əsasən və Azərbaycan Respublikası Mülki Prosessual Məcəlləsinin 153, 263-264 və 268-269-cu maddələrini rəhbər tutaraq, məhkəmə qərara aldı: İddiaçı Cavabdeh İB-yə qarşı “əsassız hesablanmış borcun silinməsi və sair” tələbinə dair iddia ərizəsinin qəbul edilməsindən imtina edilsin. İddia ərizəsi və ona əlavə edilmiş sənədlər İddiaçı geri qaytarılsın. Qərardaddan 10 (on) gün müddətində Bakı Şəhəri Xəzər Rayon Məhkəməsinə şikayət verilə bilər. Hakim Əkrəm Qəhrəmanov