Bakı Şəhəri Yasamal Rayon Məhkəməsi Qətnamə — İş №2(004)-203/2021

Azərbaycan Respublikası adından QƏTNAMƏ Bakı şəhəri İş № 2(004)-203/2021 03.02.2021 BAKI ŞƏHƏRİ YASAMAL RAYON MƏHKƏMƏSİ Hakim Məmmədli Orxan Qədir oğlunun sədrliyi, Əfəndiyeva Aygül Fikrət qızının katibliyi, Ərizəçi iştirakı ilə Ərizəçi “şəxsin fəaliyyət qabiliyyəti olmayan hesab edilməsi” barədə ərizəsi üzrə mülki işə Bakı şəhər Yasamal Rayon İcra Hakimiyyəti yanında Qəyyumluq və Himayəçilik Komissiyası maraqlı şəxs qismində cəlb edilməklə Yasamal Rayon Məhkəməsinin binasında açıq məhkəmə iclasında baxaraq, məhkəmə M Ü Ə Y Y Ə N E T D İ : Ərizəçi “şəxsin fəaliyyət qabiliyyəti olmayan hesab edilməsi” barədə ərizə ilə məhkəməyə müraciət edərək, bacısı oğlu xx.xx.1991-ci il təvəllüdlü X4 fəaliyyət qabiliyyəti olmayan şəxs hesab edilməsinə dair qətnamə qəbul edilməsini xahiş etmişdir. İddia tələbi onunla əsaslandırılmışdır ki, o, hal-hazırda ünvan 1 ünvanında yerləşən mənzildə mərhum bacısı oğlu X8 birlikdə yaşayır. Hal-hazırda yaşadığı Bakı şəhəri, Yasamal rayonu, 14-cü Nərimanov Döngə, ev 2-də yerləşən mənzildə 2-ci qrup əlil Şizofereniya paranoy xəstəsi olan, özünü tam sərbəst idarə edə bilmiyəm və daim kənar şəxlərin köməyinə ehtiyacı olan mərhum bacısı X3 oğlu xx.xx.1991-ci il təvəllüdlü X5 qulluq edir. Bunu qonşuları da təsdiq edə bilər. Bacısı oğlu onun himayəsində qalır və bütün tələbatları o ailəsi ilə birlikdə ödəyir. X8 artıq hazırda yetkinlik yaşına çatsa da onun gələcək həyatının sağlamlığı və inkişafı üçün özü tərəfindən heç bir tədbir görmək qabiliyyətində olmadığından o ərizəçinin himayəsində saxlanılmalıdır. Məhkəmə iclasında iştirak edən ərizəçi yuxarıda qeyd olunan məzmunda izahat verərək ərizənin təmin olunması barədə qətnamə qəbul edilməsini xahiş etmişdir. Məhkəmə iclasının vaxtı və yeri barədə lazımi qaydada xəbərdar olunmuş maraqlı şəxs məhkəmə iclasının vaxtı və yeri barədə lazımi qaydada xəbərdar edilməsinə baxmayaraq məhkəmə iclasında səlahiyyətli nümayəndəsinin iştirakını təmin etməmiş və bunun səbəbi barədə məlumat verməmişdir. Azərbaycan Respublikası MPM-nin 185 maddəsinə əsasən işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə ərizəçinin izahatını dinləyib, iş materiallarını araşdırıb, iş üzrə toplanmış sübutlara hüquqi qiymət verərək hesab edir ki, ərizə əsaslıdır və təmin edilməlidir. Belə ki, iş materiallarında olan Doğum haqqında şəhadətnamənin surətindən görünür ki, X8 xx.xx.1991-ci il tarixdə Bakı şəhərində anadan olmuşdur. X1, anası X7r. İş materiallarında olan Ölüm haqqında şəhadətnamədən görünür ki, X9 xx.xx.2010cu il tarixdə vəfat etmişdir. İş materiallarında olan 5LPWPEH0003 saylı Əlillik haqqında arayışdan görünür ki, X8 2-ci qrup əlildir. İş materiallarında olan X2 3728 saylı Epikpizindən görünür ki, X5 Ensetalopatiyanevrozabənzər sindrom (baş ağrıları ilə), Anemiya diaqnozu qoyulmuşdur. İş materiallarında olan Azərbaycan Respublikası Səhiyyə Nazirliyinin Məhkəmə Psixiatrik Ekspertizası Mərkəzinin xx.xx.2020-ci il tarixli, 2251 saylı ambulator məhkəməpsixiatrik ekspertizasının rəyinə əsasən, X8 hazırkı psixi vəziyyətinə görə, yəni onda aşkar olunan “Şizofreniya. Paranoid forma” xroniki psixi xəstəliyi kəskinləşmə mərhələsində olduğundan o, öz hərəkətlərinin mənasını dərk etmək və onları idarə etmək iqtidarında deyil. X8 hazırkı psixi vəziyyətinə görə fəaliyyət qabiliyyəti olmayan şəxs hesab oluna bilər. X4 fəaliyyət qabiliyyəti olmayan şəxs hesab edilməsinə kifayət qədər əsaslar vardır. Buna görə də X8 fəaliyyət qabiliyyəti olmayan şəxs hesab edilməlidir. Azərbaycan Respublikası Mülki Məcəlləsinin 28.8-ci maddəsinə əsasən ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər də məhkəmə tərəfindən fəaliyyət qabiliyyəti olmayan sayıla bilər. Azərbaycan Respublikası MPM-in 317.2-ci maddəsinə əsasən məhkəmədə psixi qüsurlarına görə şəxsin fəaliyyət qabiliyyəti olmayan hesab edilməsi haqqında iş, ailə üzvlərinin birgə yaşamasından asılı olmayaraq, yaxın qohumların (valideynlərin, uşaqların, qardaş-bacıların), müvafiq icra hakimiyyəti orqanının, psixiatriya (psixonevroloji) müəssisəsinin ərizəsi üzrə qaldırılır. Məhkəmədə X4 psixi xəstəliyi nəticəsində öz hərəkətlərinin mənasını başa düşməməsi və hərəkətlərinə rəhbərlik edə bilməməsi faktı öz təsdiqini tapdığından məhkəmə hesab edir ki, ərizə əsaslı olduğu üçün təmin edilməlidir. Şərh olunanlara əsasən və Azərbaycan Respublikası MPM-nin 216-220, 227 və 360-cı maddələrini rəhbər tutaraq, məhkəmə Qət etdi: Ərizə təmin edilsin. xx.xx.1991-ci il tarixdə Bakı şəhərində anadan olmuş X8 fəaliyyət qabiliyyəti olmayan şəxs hesab edilsin. Qətnamədən rəsmi qaydada verildiyi gündən 1 (bir) ay müddətində Bakı Şəhəri Yasamal Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Hakim Orxan Məmmədli