Bakı Şəhəri Yasamal Rayon Məhkəməsi Qətnamə — İş №2(004)-2102/2021

Azərbaycan Respublikası adından QƏTNAMƏ Bakı şəhəri İş № 2(004)-2102/2021 18.03.2021 BAKI ŞƏHƏRİ YASAMAL RAYON MƏHKƏMƏSİ Hakim Babazadə Gülnar Vidadi qızının sədrliyi, X1 oğlunun katibliyi ilə, İddiaçı “xxxx” Məhdud Məsuliyyətli Cəmiyyətinin Cavabdeh qarşı pul tələbinə dair kiçik iddiası üzrə mülki işə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı “xxxx” Məhdud Məsuliyyətli Cəmiyyəti Cavabdeh qarşı pul tələbinə dair kiçik iddia ərizəsi ilə məhkəməyə müraciət edərək, xx xxx 2019-cu il tarixli 00683091 saylı müqavilə üzrə Alyans-Paris tv-altı, Doga Masa və Venetsiya mebel üçün 610 (altı yüz on) manat məbləğində ödənilməmiş hissə və 61 (altmış bir) manat məbləğində cərimə, xx xxx 2019-cu il tarixli 00683139 saylı müqavilə üzrə LG LCD TV və Hoffman musiqi mərkəzi üçün 1068 (bir min altmış səkkiz) manat məbləğində ödənilməmiş hissə və 106 (bir yüz altı) manat məbləğində cərimə, ümumilikdə 1845 (bir min səkkiz yüz qırx beş) manat və 30 (otuz) manat məbləğində ödənilmiş dövlət rüsumu olmaqla, cəmi 1875 (bir min səkkiz yüz yetmiş beş) manat məbləğində pul vəsaiti Cavabdeh alınaraq “xxxx” Məhdud Məsuliyyətli Cəmiyyətinə ödənilməsi barədə qətnamə çıxarılmasını məhkəmədən xahiş etmişdir. İddiaçı “xxxx” MMC kiçik iddia ərizəsini onunla əsaslandırmışdır ki, cavabdeh, “xxxx” MMC ilə xx.xx.2019-cu il tarixli müqaviləsinə əsasən, Alyans-Paris tv-alti, Doga Masa və Venetsıya mebel, LG LCD TV və Hoffmann musiqi mərkəzi almış və nəticədə 1845 (min səkkiz yüz qırx beş) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2019-cu il tarixli müqaviləsinə əsasən, alqı-satqı qiyməti 1300 (min iiç yüz) manat (20 ay x 65 manat + 0 manat ilkin ödəniş) Alyans-Paris tv-alti, Doga Masa və Venetsıya mebel üçün ümumilikdə, 671 (altı yüz yetmiş bir) manat olmaqla ondan, 610 (altı yiiz on) manat ödənilməmiş hissə, güzəşt olunaraq 61 (altmış bir) manat cərimə, xx.xx.2019-cu il tarixli müqaviləsinə əsasən, alqı-satqı qiyməti 1604 (min altı yüz dörd) manat (18 ay x 89 manat + 2 manat ilkin ödəniş) LG LCD TV və Hoffmann musiqi mərkəzi üçün ümumilikdə, 1174 (min yüz yetmiş dörd) manat olmaqla ondan, 1068 (min altmış səkkiz) manat ödənilməmiş hissə, güzəşt olunaraq 106 (yüz altı) manat cərimə miqdarında borc yaranmışdır. Cavabdehin cəmi ödədiyi məbləğ 1226 manat təşkil edir. Ödəniş cədvəlinin 2-ci bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Azərbaycan Respubikası Mülki Prosessual Məcəlləsinin: 284-cü maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə Azərbaycan Respublikası Mülki Prosessual Məcəlləsinin 23-1-ci fəslində təsbit edilmiş müddəaları rəhbər tutaraq, iddianın qiymətini nəzərə alıb, ərizəyə kiçik iddialara dair işlər üzrə sadələşdirilmiş icraat qaydasında tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmışdır. Məhkəmə tərəfindən Azərbaycan Respublikası Mülki Prosessual Məcəlləsinin 284-5ci maddəsinin tələblərinə uyğun olaraq iddiaçının ərizəsinə dair əsaslandırılmış etirazının olduğu halda öz dəlillərini və onları təsdiq edən sənədlərin təqdim olunması barədə bildiriş cavabdehə qanunvericiliklə müəyyən edilmiş qaydada və müddətdə göndərilmiş, lakin cavabdeh tərəfindən iddiaçının tələbinə dair hər hansı münasibət bildirilməmişdir. Məhkəmə iş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edir ki, iddia tələbi təmin edilməlidir. Belə ki, iş materiallarına əlavə olunmuş xx xxx 2019-cu il tarixli 00683091 nömrəli müqavilədən görünür ki, müqavilə əsasında Cavabdeh “xxxx” Məhdud Məsuliyyətli Cəmiyyətindən Alyans-Paris tv-altı, Doga Masa və Venetsiya mebel almış və nəticədə 671 (altı yüz yetmiş bir) manat məbləğində borc yaranmışdır. Cavabdeh müqavilənin şərtlərini pozmuş və nəticədə alqı-satqı qiyməti 1300 (bir min üç yüz) manat (20 ay x 65 manat + 0 manat ilkin ödəniş) olan Alyans-Paris tv-altı, Doga Masa və Venetsiya mebel üçün ümumilikdə borcu 671 (altı yüz yetmiş bir) manat olmaqla, ondan 610 (altı yüz on) manat məbləğində ödənilməmiş hissə, müştəriyə güzəşt olunaraq 61 (altmış bir) manat məbləğində cərimə borcu yaranmışdır. Eyni zamanda, iş materiallarına əlavə olunmuş xx xxx 2019-cu il tarixli 00683139 nömrəli müqavilədən görünür ki, müqavilə əsasında Cavabdeh “xxxx” Məhdud Məsuliyyətli Cəmiyyətindən LG LCD TV və Hoffman musiqi mərkəzi üçün ümumilikdə 1174 (bir min yüz yetmiş dörd) manat borc yaranmışdır. Cavabdeh müqavilənin şərtlərini pozmuş və nəticədə alqı-satqı qiyməti 1604 (bir min altı yüz dörd) manat (18 ay x 89 manat + 2 manat ilkin ödəniş) olan LG LCD TV və Hoffman musiqi mərkəzi üçün ümumilikdə borcu 1174 (bir min yüz yetmiş dörd) manat olmaqla, ondan 1068 (bir min altmış səkkiz) manat məbləğində ödənilməmiş hissə, müştəriyə güzəşt olunaraq 106 (bir yüz altı) manat məbləğində cərimə borcu yaranmışdır. Cavabdehin cəmi ödədiyi məbləğ 1226 (bir min iki yüz iyirmi altı) manat təşkil edir. İş materiallarına əlavə olunmuş “xxxx” Məhdud Məsuliyyətli Cəmiyyəti tərəfindən cavabdehə ünvanlanmış xx xxx 2020-ci il tarixli xəbərdarlıqdan görünür ki, qısa zaman ərzində ödəniş etməyəcəyi təqdirdə iddiaçı məhkəmədə mülki iddia qaldıracağı barədə Cavabdeh xəbərdar etmişdir. İş materiallarına əlavə olunmuş xx xxxxxx 2021-ci il tarixli ********* nömrəli mədaxil qəbzindən görünür ki, məhkəmədə iddia qaldırılması üçün iddiaçının nümayəndəsi tərəfindən 30 (otuz) manat məbləğində dövlət rüsumu ödənilmişdir. Beləliklə, müəyyən olundu ki, “xxxx” Məhdud Məsuliyyətli Cəmiyyəti ilə Cavabdeh arasında bağlanmış xx xxx 2019-cu il tarixli 00683139 nömrəli müqavilə üzrə 1174 (bir min yüz yetmiş dörd) manat, xx xxx 2019-cu il tarixli 00683091 nömrəli müqavilə üzrə isə 671 (altı yüz yetmiş bir) manat, cəmi 1845 manat borcu yaranmışdır. Azərbaycan Respublikası Mülki Məcəlləsinin: 6.2-ci maddəsinə əsasən, fiziki və hüquqi şəxslər mülki hüquqları öz mənafelərini gerçəkləşdirmək üçün iradələrinə uyğun olaraq əldə edir və həyata keçirirlər. Onlar müqavilə əsasında öz hüquq və vəzifələrini müəyyənləşdirməkdə və qanunvericiliyə zidd olmayan hər hansı müqavilə şərtləri qoymaqda sərbəstdirlər; 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinin tələbinə görə, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır; 442-ci maddəsinin tələbinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Tərəflər arasında olan müqavilə münasibətlərindən göründüyü kimi, tərəflər əşyanın nisyə alınıb-satılması barədə razılığa gəlmişlər. Azərbaycan Respublikası Mülki Məcəlləsinin: 600.1-ci maddəsinin tələbinə görə, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinin tələbinə görə, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, məhkəmə hesab edir ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 284-5, 284-6, 216-220-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh xx xxx 2019-cu il tarixli 00683091 saylı müqavilə üzrə 610 (altı yüz on) manat əsas borc və 61 (altmış bir) manat cərimə, xx xxx 2019-cu il tarixli 00683139 saylı müqavilə üzrə 1068 (bir min altmış səkkiz) manat əsas borc və 106 (bir yüz altı) manat cərimə olmaqla, cəmi 1845 (bir min səkkiz yüz qırx beş) manat borc və 30 (otuz) manat ödənilmiş dövlət rüsumu tutularaq “xxxx” Məhdud Məsuliyyətli Cəmiyyətinə ödənilsin. Qətnamədən, onun rəsmi qaydada verildiyi gündən 1 (bir) ay müddətində Bakı şəhəri Yasamal Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim: Gülnar Babazadə