Bakı Şəhəri Yasamal Rayon Məhkəməsi Qətnamə — İş №2(004)-3709/2021

Azərbaycan Respublikası adından QƏTNAMƏ Bakı şəhəri İş № 2(004)-3709/2021 23.06.2021 BAKI ŞƏHƏRİ YASAMAL RAYON MƏHKƏMƏSİ Hakim Məmmədov Ayaz Süleyman oğlunun sədrliyi, Əlisoy Züleyxa Səlim qızının katibliyi, İddiaçının nümayəndəsi X1 iştirakı ilə, İddiaçı “xxxx” MMC-nin Cavabdeh qarşı “pul tələbinə dair” iddia ərizəsi üzrə mülki işə Bakı şəhəri Yasamal Rayon Məhkəmə binasında açıq məhkəmə iclasında baxaraq, məhkəmə M Ü Ə Y Y Ə N E T D İ: İddiaçı xxxx” MMC iddia ərizəsi ilə məhkəməyə müraciət edərək, Cavabdeh 25.10.2018-ci il tarixli müqavilə üzrə İMEİ Kodu **********22363 olan iPhone 8 markalı telefon üçün 56 manat ödənilməmiş hissə, 25.12.2019-cu il tarixli müqavilə üzrə İMEİ Kodu **********08162 olan iPhone Xs markalı telefon üçün 2021 manat ödənilməmiş hissə, 600 manat dəbbə pulu olmaqla, 2621 manat, 23.03.2020-ci il tarixli müqavilə üzrə İMEİ Kodu **********80761 olan Xiaomi Redmi 7A markalı telefon, Lenovo İdeapad, Microsoft Windows 10, Antivirus Kaspersky KİS və X3 üçün 2563,20 manat ödənilməmiş hissə, 553 manat dəbbə pulu olmaqla, 3116,20 manat, ümumilikdə 5793,20 manat borcun və 30 manat ödənilmiş dövlət rüsumunun alınaraq, iddiaçıya ödənilməsi barədə məhkəmə qətnaməsi qəbul edilməsini xahiş etmişdir. İddia tələbi onunla əsaslandırılmışdır ki, Cavabdeh xxxx” MMC ilə bağlanmış 25.10.2018-ci il, 25.12.2019-cu il və 23.03.2020-ci il tarixli müqavilələrə əsasən, İMEİ Kodu **********22363, **********08162 və **********80761 olan iPhone 8, iPhone Xs və Xiaomi Redmi 7A markalı telefon, Lenovo İdeapad, Microsoft Windows 10, Antivirus Kaspersky KİS, X3 almış və nəticədə 5793,20 manat borc yaranmışdır. Cavabdehin cəmi ödədiyi məbləğ 3644 manat təşkil edir. Məhkəmə iclasında iştirak edən iddiaçının nümayəndəsi X2 iddia tələbini müdafiə edərək, onun təmin edilməsini məhkəmədən xahiş etmişdir. Məhkəmə iclasının vaxtı və yeri barədə lazimi qaydada məlumatlandırılmış cavabdeh məhkəmə iclasına gəlməmiş və işə onun iştirakı olmadan baxılmasını xahiş etməmişdir. Məhkəmə AR MPM-nin 185.5-ci maddəsini rəhbər tutaraq, cavabdehin iştirakı olmadan baxıımasını mümkün hesab etmişdir. Məhkəmə iddiaçının nümayəndəsinin izahatını dinləyib, iş materiallarını araşdıraraq, hesab edir ki, iddia tələbi qismən təmin edilməlidir. Belə ki, məhkəmə, Azərbaycan Respublikasının Mülki Məcəlləsinin 385.1, 386.1, 427.3, 429.1.3, 442, 445.2.1, 448.1, 449.1, 449.4, 467, 577.1, 577.2, 600.1, 600.2, 600.5-ci maddələrini nəzərə alaraq, müəyyən etdi ki, Cavabdeh, “xxxx” MMC ilə bağladığı 25.10.2018-ci il, 25.12.2019-cu il və 23.03.2020-ci il tarixli müqavilələrə əsasən, İMEİ Kodu **********22363, **********08162 və **********80761 olan iPhone 8, iPhone Xs və Xiaomi Redmi 7A markalı telefon, Lenovo İdeapad, Microsoft Windows 10, Antivirus Kaspersky KİS, X3 almışdır. İş materiallarına əlavə edilmiş maliyyə arayışından görünür ki, cavabdehin 25.10.2018-ci il tarixli müqavilə üzrə 56 manat ödənilməmiş hissə, 25.12.2019-cu il tarixli müqavilə üzrə 2021 manat ödənilməmiş hissə, 600 manat dəbbə pulu olmaqla, 2621 manat, 23.03.2020-ci il tarixli müqavilə üzrə 2563,20 manat ödənilməmiş hissə, 553 manat dəbbə pulu olmaqla, 3116,20 manat, ümumilikdə 5793,20 manat borcu yaranmışdır. Göründüyü kimi, cavabdehin hərəkətləri öhdəliyin lazımınca icra edilməməsi kimi qiymətləndirilməlidir. AR Mülki Məcəllənin 442-ci maddəsinə əsasən öhdəliyin icra edilməməsi dedikdə, onun pozulması və ya lazımınca icra edilməməsi başa düşülür. Qanunvericilik eyni zamanda nəzərdə tutur ki, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Belə olduğu halda, məhkəmə hesab edir ki, iddia tələbi qanuni və əsaslı olduğundan qismən təmin edilməli, Cavabdeh 25.10.2018-ci il tarixli müqavilə üzrə 56 manat ödənilməmiş hissə, 25.12.2019-cu il tarixli müqavilə üzrə 2021 manat ödənilməmiş hissə, 100 manat dəbbə pulu olmaqla, 2121 manat, 23.03.2020-ci il tarixli müqavilə üzrə 2563,20 manat ödənilməmiş hissə, 100 manat dəbbə pulu olmaqla, 2663,20 manat, ümumilikdə 4840,20 manat borc və 30 manat dövlət rüsumu tutularaq, iddiaçıya ödənilməlidir. Məhkəmə onu da qeyd edir ki, iddia cərimənin tutulmasının qalan hissəsinə münasibətdə təmin edilməməlidir. Belə ki, məhkəmə AR Mülki Məcəlləsinin 467-ci maddəsinə əsasən məhkəmə işin hallarını nəzərə alaraq, tənasübsüz surətdə yüksək dəbbə pulunun azaldılmasını məqbul saymışdır. Yuxarıdakılara əsasən və Azərbaycan Respublikası Mülki Prosessual Məcəlləsinin 14.2, 77.1, 88, 119.1, 216-220, 227, 358, 360 və 362-ci maddələrini rəhbər tutaraq, məhkəmə Q Ə T E T D İ: İddia tələbi qismən təmin edilsin. Cavabdeh 25.10.2018-ci il tarixli müqavilə üzrə İMEİ Kodu **********22363 olan iPhone 8 markalı telefon üçün 56 manat ödənilməmiş hissə, 25.12.2019-cu il tarixli müqavilə üzrə İMEİ Kodu **********08162 olan iPhone Xs markalı telefon üçün 2021 manat ödənilməmiş hissə, 100 manat dəbbə pulu olmaqla, 2121 manat, 23.03.2020-ci il tarixli müqavilə üzrə İMEİ Kodu **********80761 olan Xiaomi Redmi 7A markalı telefon, Lenovo İdeapad, Microsoft Windows 10, Antivirus Kaspersky KİS və X3 üçün 2563,20 manat ödənilməmiş hissə, 100 manat dəbbə pulu olmaqla, 2663,20 manat, ümumilikdə 4840,20 (dörd min səkkiz yüz qırx manat 20 qəpik) manat borc və 30 (otuz) manat dövlət rüsumu tutularaq, iddiaçı “xxxx” Məhdud Məsuliyyətli Cəmiyyətinin xeyrinə ödənilsin. İddia tələbi dəbbə pulunun qalan hissəsinə münasibətdə təmin edilməsin. Qətnamə təqdim olunan (alınan) gündən 1 (bir) ay müddətində Bakı Şəhəri Yasamal rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Sədrlik edən: Ayaz Məmmədov