Bakı Şəhəri Yasamal Rayon Məhkəməsi Qətnamə — İş №2(004)-4392/2020

Azərbaycan Respublikası adından QƏTNAMƏ Bakı şəhəri İş № 2(004)-4392/2020 07.10.2020 BAKI ŞƏHƏRİ YASAMAL RAYON MƏHKƏMƏSİ Hakim Əyyubov Fərid İlham oğlunun sədrliyi ilə, İddiaçı “xxxxxxxxxxx” MMC-nin Cavabdeh qarşı pul tələbinə dair iddia ərizəsinə kiçik iddialara dair işlər üzrə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı “xxxxxxxxxxx” MMC iddia ərizəsi ilə məhkəməyə müraciət edərək, Cavabdeh xx.xx.2019-cu il tarixli, 00945290 nömrəli müqaviləyə əsasən İMEİ kodu **********25116 olan “Xiaomi Redmi 7/32GB” markalı telefon, “X2 Headphones Black” markalı qulaqcıq üçün 451 manat ödənilməmiş hissə, 45 manat cərimə olmaqla, 496 manat, xx.xx.2019-cu il tarixli, 01034424 nğmrəli müqaviləyə əsasən, İMEİ kodu **********14773 olan “X1 7/64 GB” markalı telefon üçün 551 manat ödənilməmiş hissə, 55 manat cərimə olmaqla 606 manat, ümumilikdə 1102 manat borcun və 30 manat ödənilmiş dövlət rüsumunun alınaraq iddiaçıya ödənilməsi barədə qətnamə qəbul edilməsini xahiş etmişdir. Cavabdeh rəsmi qaydada bildiriş göndərilmiş, qanunvericiliklə müəyyən edilmiş müddət ərzində cavabdeh tərəfindən iddiaya qarşı etiraz daxil olmamışdır. İş materiallarında olan sübutlara əsasən məhkəmə tərəfindən müəyyən edilmişdir ki, “xxxxxxxxxxx” MMC ilə Cavabdeh arasında bağlanmış xx.xx.2019-cu il tarixli 00945290 saylı müqaviləyə əsasən iddiaçı İMEİ kodu **********25116 olan “Xiaomi Redmi 7/64 GB” markalı telefon, “X2 Headphones Black” markalı qulaqcığı cavabdehə verməyi, cavabdeh isə müəyyən edilmiş məbləği ödəməyi öz öhdəsinə götürmüşdür. xx.xx.2019-cu il tarixli ödəniş cədvəlinə əsasən, müəyyən edilmişdir ki, cavabdeh müqavilə ilə müəyyən edilmiş 492 manat pulu hissə-hissə ödəmək şərti ilə aylıq 41 manat olmaqla, xx xxxxxxx 2020-ci il tarixinə qədər ödəməyi öhdəsinə götürmüşdür. Eyni zamanda əşyaların təhvil-təslim aktına əsasən müəyyən olunur ki, “Xiaomi Redmi 7/32GB” markalı telefonu və “X2 Headphones Black” markalı qulaqcığı telefon quraşdırma xidməti daxil olmaqla 2 illik qızıl zəmanətlə cavabdeh tərəfindən təhvil alınmışdır. İş materiallarında olan xx.xx.2020-ci il tarixli maliyyə arayışına əsasən müəyyən edilmişdir ki, xx.xx.2019-cu il tarixli müqavilə üzrə Cavabdeh 451 manat əsas və 45 manat cərimə borcu olmaqla, cəmi 496 manat borcu vardır. xx.xx.2020-ci il tarixdə cavabdehə göndərilmiş xəbərdarlıq məktubuna əsasən məhkəmə tərəfindən məlum olur ki, iddiaçı tərəfindən borcun ödənilməsi barədə cavabdehə xəbərdarlıq edilmişdir. “xxxxxxxxxxx” MMC ilə Cavabdeh arasında bağlanmış xx.xx.2019-cu il tarixli 01034424 saylı müqaviləyə əsasən iddiaçı İMEİ kodu **********14773 olan “X1 7/64 GB” markalı telefonu cavabdehə verməyi öz öhdəsinə götürmüş, cavabdeh isə müəyyən edilmiş məbləği ödəməyi öz öhdəsinə götürmüşdür. xx.xx.2019-cu il tarixli ödəniş cədvəlinə əsasən məhkəmə tərəfindən müəyyən edilmişdir ki, cavabdeh müqavilə ilə müəyyən edilmiş 610 manat pulu hissə-hissə ödəmək şərti ilə aylıq 46 manat olmaqla xx.xx.2020-ci il tarixinə qədər ödəməyi öhdəsinə götürmüşdür. İş materiallarında olan əşyaların təhvil-təslim aktına əsasən meəyyən olunur ki, “Xiaomi Redmi 7/32GB” markalı telefon quraşdırma xidməti daxil olmaqla 2 illik qızıl zəmanətlə cavabdeh tərəfindən təhvil alınmışdır. xx.xx.2020-ci il tarixli maliyyə arayışına əsasən müəyyən edilmişdir ki, cavabdehin xx.xx.2019-cu il tarixli müqaviləyə əsasən, İMEİ kodu **********14773 olan “X1 7/64GB” markalı telefon üçün 551 manat ödənilməmiş hissə, 55 manat cərimə olmaqla 606 manat, ümumilikdə hər iki müqavilə üçün 1102 manat borcu vardır. “xxxxxxxxxxx” MMC-nin Cavabdeh ünvanladığı xəbərdarlığa əsasən məlum olur ki, iddiaçı tərəfindən borcun ödənilməsi barədə cavabdehə xəbərdarlıq edilmişdir. Məhkəmə iş materiallarını tədqiq edərək və iş üzrə sübutlara hüquqi qiymət verərək hesab edir ki, iddia təmin edilməli, xx.xx.2019-cu il tarixli müqaviləyə əsasən İMEİ kodu **********25116 olan “Xiaomi Redmi 7/32GB” markalı telefon, “X2 Headphones Black” markalı qulaqcıq üçün 451 manat ödənilməmiş hissə, 45 manat cərimə olmaqla, 496 manat, xx.xx.2019-cu il tarixli müqaviləyə əsasən, İMEİ kodu **********14773 olan “X1 7/64GB” markalı telefon üçün 551 manat ödənilməmiş hissə, 55 manat cərimə olmaqla 606 manat, ümumilikdə 1102 manat borc və 30 manat ödənilmiş dövlət rüsumu Cavabdeh tutularaq “xxxxxxxxxxx” MMC-yə ödənilməlidir. AR Mülki Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsində daxil olan öhdəliklərin icra edilmədiyi bütün hallar üçün cavabdehdir. Həmin maddənin 2-ci bəndinə əsasən borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Həmin Məcəllənin 600.1-ci maddəsinə əsasən, alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.2-ci maddəsinə əsasən, əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. Həmin Məcəllənin 600.4-cü maddəsinə əsasən, əşyanı təhvil almış alıcı onu alğısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Azərbaycan Respublikası MPM-nin 284-4-1-ci maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Mülki Prosessual Məcəllənin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən isə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Göstərilənlərə əsasən və Azərbaycan Respublikasının MPM-nin 216-220, 227, 358, 360 və 362-ci maddələrini rəhbər tutaraq, məhkəmə QƏT ETDİ: İddia təmin edilsin. xx.xx.2019-cu il tarixli müqaviləyə əsasən İMEİ kodu **********25116 olan “Xiaomi Redmi 7/32GB” markalı telefon, “X2 Headphones Black” markalı qulaqcıq üçün 451 manat ödənilməmiş hissə, 45 manat cərimə olmaqla, 496 manat, xx.xx.2019-cu il tarixli müqaviləyə əsasən, İMEİ kodu **********14773 olan “X1 7/64GB” markalı telefon üçün 551 manat ödənilməmiş hissə, 55 manat cərimə olmaqla 606 manat, ümumilikdə 1102 (bir min bir yüz iki) manat borc və ödənilmiş 30 (otuz) manat dövlət rüsumu Cavabdeh tutularaq iddiaçı “xxxxxxxxxxx” MMC-yə ödənilsin. Qətnamədən rəsmi qaydada verildiyi gündən 1 (bir) ay müddətində Bakı Şəhəri Yasamal Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Sədrlik edən: Fərid Əyyubov