Bakı Şəhəri Yasamal Rayon Məhkəməsi Qətnamə — İş №2(004)-4404/2021

Azərbaycan Respublikası adından QƏTNAMƏ Bakı şəhəri İş № 2(004)-4404/2021 21.09.2021 BAKI ŞƏHƏRİ YASAMAL RAYON MƏHKƏMƏSİ Hakim Məmmədov Ayaz Süleyman oğlunun sədrliyi, X16 qızının katibliyi, Ərizəçi X1 iştirakı ilə, Ərizəçi X2 Bakı şəhəri Yasamal Rayon İcra Hakimiyyətinin nəzdində Qəyyumluq və Himayəçilik Komissiyasını maraqlı şəxs qismində cəlb etdiyi “şəxsin fəaliyyət qabiliyyəti olmayan hesab edilməsi barədə” ərizəsi üzrə mülki işə məhkəmənin binasında, açıq məhkəmə iclasında baxaraq, məhkəmə MÜƏYYƏN E T D İ: Ərizəçi X3 Bakı şəhəri Yasamal Rayon İcra Hakimiyyətinin nəzdində Qəyyumluq və Himayəçilik Komissiyasını maraqlı şəxs qismində cəlb etdiyi “şəxsin fəaliyyət qabiliyyəti olmayan hesab edilməsi barədə” ərizə ilə məhkəməyə müraciət edərək, bacıları- 01.04.1962-ci il təvəllüdlü X4 və 11.11.1971-ci il təvəllüdlü X5 fəaliyyət qabiliyyəti olmayan şəxs hesab edilmələri barədə qətnamə çıxarılmasını xahiş etmişdir. Ərizəçi X3 ərizəsini onunla əsaslandırmışdır ki, 01.04.1976-cı ildə Ağdam rayonu, Xıdırlı kəndində anadan olmuşdur, hazırda məcburi köçkün kimi ünvan 1 ünvanında yerləşən mənzildə öz ailəsi ilə birlikdə məskunlaşaraq yaşayır. Həmin ünvanda bacılarışizofreniya paranoid forma və psixi qusur halından əziyyət çəkən 1-ci qrup əlil olan 11.11.1971-ci il təvəllüdlü X9 və 2-ci qrup əlil olan 01.04.1962-ci il təvəllüdlü X10 baxır, yetkinlik yaşına çatsalar da, onların hər ikisi özlərini tam sərbəst idarə edə bilmir və daim kənar şəxlərin köməyinə ehtiyacı var. Bütün bu səbəblərdən bacıları onun himayəsində qalır və bütün tələbatları ailəsi ilə birlikdə, ödəyir. Lakin onların adından bəzi sənədlərin alınması və digər işlərin görülmasində sərbəst olmadığı üçün himayəsinə götürmək məcburiyyətindədir. Məhkəmə iclasında iştirak edən ərizəçi X3 ərizənin məzmununa uyğun izahat verərək, təmin edilməsi barədə qətnamə çıxarılmasını məhkəmədən xahiş etmişdir. Məhkəmə iclasının vaxtı və yeri barədə lazimi qaydada məlumatandırılmış maraqlı şəxsin nümayəndəsi məhkəmə iclasına gəlməmiş və işə onun iştirakı olmadan baxılmasını xahiş etməmişdir. Məhkəmə maraqlı şəxsin nümayəndəsinin iştirakı olmadan işə baxılmasını mümkün hesab etmişdir. Məhkəmə ərizəçinin izahatını dinləyib, iş materiallarını araşdırıb və sübutlara məcmu halda hüquqi qiymət verərək hesab edir ki, ərizə təmin edilməlidir. Məhkəmə Azərbaycan Respublikası Mülki Məcəlləsinin 28.8, 33.1-ci maddələrini, Azərbaycan Respublikası MPM-nin 305.1.3, 317.2, 320.2, 321.2-ci maddələrini nəzərə alaraq, müəyyən etmişdir ki, X3 məcburi köçkün kimi ünvan 1 ünvanında yerləşən mənzildə öz ailəsi ilə birlikdə məskunlaşmışdır. İş materiallarına əlavə edilmiş doğum haqqında şəhadətnamələrin surətindən görünür ki, X3 01.04.1976-cı il tarixdə, X12 01.04.1962-ci il tarixdə, X13 11.11.1971-ci il tarixdə Ağdam rayonu, Xıdırlı kəndində anadan olmuşdurlar. “Ana” qrafasında X11, “Ata” qrafasında isə X6 qeyd edilmişdir. Azərbaycan Respublikası Səhiyyə Nazirliyi “Məhkəmə Psixiatrik Ekspertiza Mərkəzi” PHŞnin ambulator məhkəmə psixiatrik ekspertizasının 28.07.2021-ci il tarixli 1614 saylı rəyindən görünür ki, 01.04.1962-ci il təvəllüdlü X7 qıztnda ‘‘Şizofreniya\paranoid forma” xroniki psixi xəstəliyi qeyd olunur və o, öz hərəkətlərinin mənasını dərk etmək və onları şüurlu idarə etmək iqtidarında deyildir. Buna görə də X4 fəaliyyət qabiliyyəti olmayan şəxs hesab edilməsinə kifayət qədər əsaslar vardır. Azərbaycan Respublikası Səhiyyə Nazirliyi “Məhkəmə Psixiatrik Ekspertiza Mərkəzi” PHŞ-nin ambulator məhkəmə psixiatrik ekspertizasının 28.07.2021-ci il tarixli 1615 saylı rəyindən görünür ki, 11.11.1971-ci il təvəllüdlü X8 şizofreniya paranoid forma, psixi qüsur halı xroniki psixi xəstəliyi qeyd olunur və o, öz hərəkətlərinin mənasını dərk etmək və onları şüurlu idarə etmək iqtidarında deyildir. Buna görə də X5 fəaliyyət qabiliyyəti olmayan şəxs hesab edilməsinə kifayət qədər əsaslar vardır. Azərbaycan Respublikası Mülki Məcəlləsinin 28.8-ci maddəsinə əsasən ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər də məhkəmə tərəfindən fəaliyyət qabiliyyəti olmayan sayıla bilər. Azərbaycan Respublikası MPM-nin 321.2-ci maddəsinə görə şəxsin fəaliyyət qabiliyyəti olmayan hesab edilməsinə dair məhkəmə qətnaməsi fəaliyyət qabiliyyəti olmayan hesab edilən şəxs üzərində qəyyum təyin etmək üçün əsasdır. Belə olduğu halda, məhkəmə hesab edir ki, ərizə əsaslı olub təmin edilməli, 01.04.1962-ci il təvəllüdlü X12 və 11.11.1971-ci il təvəllüdlü X13 fəaliyyət qabiliyyəti olmayan şəxs hesab edilməlidir. Yuxarıdakılara əsasən və Azərbaycan Respublikası Mülki Prosessual Məcəlləsinin 216-220, 227, 358, 360 və 362-ci maddələrini rəhbər tutaraq, məhkəmə QƏT E T D İ: Ərizə təmin edilsin. 01.04.1962-ci il təvəllüdlü X12 və 11.11.1971-ci il təvəllüdlü X13 fəaliyyət qabiliyyəti olmayan şəxs hesab edilsin. Qətnamədən tərəflərə rəsmi qaydada verildiyi gündən 1 (bir) ay müddətində Bakı Şəhəri Yasamal Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Sədrlik edən: Ayaz Məmmədov