Bakı Şəhəri Yasamal Rayon Məhkəməsi Qətnamə — İş №2(004)-4614/2021

Azərbaycan Respublikası adından QƏTNAMƏ Bakı şəhəri İş № 2(004)-4614/2021 03.08.2021 BAKI ŞƏHƏRİ YASAMAL RAYON MƏHKƏMƏSİ Hakim Babazadə Gülnar Vidadi qızının sədrliyi ilə İddiaçı "xxxx" Məhdud Məsuliyyətli Cəmiyyətinin Cavabdeh qarşı “pul tələbinə” dair kiçik iddiası üzrə mülki işə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı "xxxx" Məhdud Məsuliyyətli Cəmiyyəti Cavabdeh qarşı pul tələbinə dair kiçik iddia ərizəsi ilə məhkəməyə müraciət edərək, 08.02.2020-ci il tarixli müqaviləyə əsasən, Acer Aspire kompyuter üçün 1003,2 (bir min üç manat iyirmi qəpik) manat ödənilməmiş hissə, 100 (yüz) manat cərimə, 27.02.2020-ci il tarixli müqaviləyə əsasən İMEİ Kodu **********33363 olan Samsung Galaxy A51 markalı telefon üçün 684 (altı yüz səksən dörd) manat ödənilməmiş hissə, 68 (altmış səkkiz) manat cərimə olmaqla, ümumilikdə 1855,2 (bir min səkkiz yüz əlli beş manat iyirmi qəpik) manat məbləğində borc və 30 (otuz) manat məbləğində ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını məhkəmədən xahiş etmişdir. İddiaçı "xxxx" MMC kiçik iddia ərizəsini onunla əsaslandırmışdır ki, Cavabdeh müqavilənin şərtlərini pozmuş və nəticədə alqı-satqı qiyməti 1482.2 (bir min dörd yüz səksən iki manat iyirmi qəpik) manat (2 ay x 501.6 manat + 480 manat ilkin ödəniş ) olan Acer Aspire kompyuter üçün ümumilikdə 1103,2 (bir min yüz üç manat iyirmi qəpik) manat olmaqla, ondan, 1003,2 (bir min üç manat iyirmi qəpik) manat ödənilməmiş hissə, müştəriyə güzəşt olunaraq 100 (yüz) manat cərimə pulu borcu yaranmışdır. 27.02.2020-ci il tarixli müqaviləyə əsasən, alqı-satqı qiyməti 731 (yeddi yüz otuz bir) manat (12 ay x 57 manat + 47 manat ilkin ödəniş) İMEİ Kodu **********33363 olan Samsung Galaxy A51 markalı telefon üçün ümumilikdə 752 (yeddi yez əlli iki) manat olmaqla, 684 (altı yüz səksən dörd) manat ödənilməmiş hissə, müştəriyə güzəşt olunaraq 68 (altmış səkkiz) manat cərimə pulu borcu yaranmışdır. Cavabdehin cəmi ödədiyi məbləğ 527 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1% həcmində mübahisəsiz olaraq penya ödəyir. Azərbaycan Respubikası Mülki Prosessual Məcəlləsinin: 284-cü maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə Azərbaycan Respublikası Mülki Prosessual Məcəlləsinin 23-1-ci fəslində təsbit edilmiş müddəaları rəhbər tutaraq, iddianın qiymətini nəzərə alıb, ərizəyə kiçik iddialara dair işlər üzrə sadələşdirilmiş icraat qaydasında tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmışdır. Məhkəmə tərəfindən Azərbaycan Respublikası Mülki Prosessual Məcəlləsinin 284-5ci maddəsinin tələblərinə uyğun olaraq iddiaçının ərizəsinə dair əsaslandırılmış etirazının olduğu halda öz dəlillərini və onları təsdiq edən sənədlərin təqdim olunması barədə bildiriş cavabdehə qanunvericiliklə müəyyən edilmiş qaydada və müddətdə göndərilmiş, lakin cavabdeh tərəfindən iddiaçının tələbinə dair hər hansı münasibət bildirilməmişdir. Məhkəmə iş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edir ki, iddia tələbi təmin edilməlidir. Belə ki, iş materiallarına əlavə olunmuş 08 fevral 2020-ci il tarixli 20087593 nömrəli müqavilədən görünür ki, müqavilə əsasında Cavabdeh "xxxx" MMC-dən Acer Aspire kompüter almış və nəticədə 1103,2 (bir min yüz üç manat, iyirmi qəpik) manat borc yaranmışdır. Cavabdeh müqavilənin şərtlərini pozmuş və nəticədə alqı-satqı qiyməti 1482,2 (bir min dörd yüz səksən iki manat iyirmi qəpik) manat (2 ay x 501.6 manat + 480 manat ilkin ödəniş ) olan Acer Aspire kompüter üçün ümumilikdə 1103,2 (bir min yüz üç manat, iyirmi qəpik) manat olmaqla, 1003.2 bir min üç manat iyirmi qəpik) manat ödənilməmiş hissə, müştəriyə güzəşt olunaraq 100 (yüz) manat cərimə pulu borcu yaranmışdır. 27 fevral 2020-ci il tarixli 20130008 nömrəli müqavilədən görünür ki, müqavilə əsasında Cavabdeh "xxxx" MMC-dən İMEİ Kodu **********33363 olan Samsung Galaxy A51 markalı telefon almış və nəticədə 752 (yeddi yez əlli iki) manat borc yaranmışdır. Cavabdeh müqavilənin şərtlərini pozmuş və nəticədə alqı-satqı qiyməti 731 (yeddi yüz otuz bir) manat (12 ay x 57 manat + 47 manat ilkin ödəniş) İMEİ Kodu **********33363 olan Samsung Galaxy A51 markalı telefon üçün ümumilikdə 752 (yeddi yüz əlli iki) manat olmaqla, 684 (altı yüz səksən dörd) manat ödənilməmiş hissə, müştəriyə güzəşt olunaraq 68 (altmış səkkiz) manat cərimə pulu borcu yaranmışdır. Cavabdehin cəmi ödədiyi məbləğ 527 manat təşkil edir. İş materiallarına əlavə olunmuş "xxxx" Məhdud Məsuliyyətli Cəmiyyəti tərəfindən cavabdehə ünvanlanmış 17.08.2020-ci il tarixli xəbərdarlıqdan görünür ki, qısa zaman ərzində ödəniş etməyəcəyi təqdirdə iddiaçı məhkəmədə mülki iddia qaldıracağı barədə Cavabdeh xəbərdar etmişdir. İş materiallarında olan "xxxx" tərəfindən təqdim olunmuş 25.06.2021-ci il tarixli maliyyə arayışından görünür ki, Cavabdeh 08 fevral 2020-ci il tarixli 20087593 nömrəli müqavilə üzrə 1003.2 (bir min üç manat iyirmi qəpik) manat əsas borc, 100 (yüz) manat hesablanmış cərimə, ümumilikdə 1103,2 (bir min yüz üç manat, iyirmi qəpik) manat, 27 fevral 2020-ci il tarixli 20130008 nömrəli müqavilə üzrə isə 684 (altı yüz səksən dörd) manat əsas borc, 68 (altmış səkkiz) manat hesablanmış cərimə, ümumilikdə 752 (yeddi yüz əlli iki) manat olmaqla, ümumilikdə 1855,2 (bir min səkkiz yüz əlli beş manat iyirmi qəpik) manat məbləğində borcu vardır. İş materiallarına əlavə olunmuş 28 iyun 2021-ci il tarixli ********* nömrəli mədaxil qəbzindən görünür ki, məhkəmədə iddia qaldırılması üçün iddiaçının nümayəndəsi tərəfindən 30 (otuz) manat məbləğində dövlət rüsumu ödənilmişdir. Beləliklə, müəyyən olundu ki, "xxxx" Məhdud Məsuliyyətli Cəmiyyəti ilə Cavabdeh arasında bağlanmış 08 fevral 2020-ci il tarixli müqaviləyə əsasən, Cavabdeh "xxxx" MMCdən Acer Aspire kompüter, 27 fevral 2020-ci il tarixli müqaviləyə əsasən isə İMEİ Kodu **********33363 olan Samsung Galaxy A51 markalı telefon almış və nəticədə 1855,2 (bir min səkkiz yüz əlli beş manat iyirmi qəpik) manat borc yaranmışdır. Azərbaycan Respublikası Mülki Məcəlləsinin: 6.2-ci maddəsinə əsasən, fiziki və hüquqi şəxslər mülki hüquqları öz mənafelərini gerçəkləşdirmək üçün iradələrinə uyğun olaraq əldə edir və həyata keçirirlər. Onlar müqavilə əsasında öz hüquq və vəzifələrini müəyyənləşdirməkdə və qanunvericiliyə zidd olmayan hər hansı müqavilə şərtləri qoymaqda sərbəstdirlər; 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinin tələbinə görə, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır; 442-ci maddəsinin tələbinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Tərəflər arasında olan müqavilə münasibətlərindən göründüyü kimi, tərəflər əşyanın nisyə alınıb-satılması barədə razılığa gəlmişlər. Azərbaycan Respublikası Mülki Məcəlləsinin: 600.1-ci maddəsinin tələbinə görə, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinin tələbinə görə, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, məhkəmə hesab edir ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 284-5, 284-6, 216-220-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh 08.02.2020-ci il tarixli müqaviləyə əsasən 1003,2 (bir min üç manat iyirmi qəpik) manat ödənilməmiş hissə, 100 (yüz) manat cərimə, 27.02.2020-ci il tarixli müqaviləyə əsasən 684 (altı yüz səksən dörd) manat ödənilməmiş hissə, 68 (altmış səkkiz) manat cərimə olmaqla, cəmi 1855,20 (bir min səkkiz yüz əlli beş manat iyirmi qəpik) manat məbləğində borc və 30 (otuz) manat məbləğində ödənilmiş dövlət rüsumu tutularaq "xxxx" Məhdud Məsuliyyətli Cəmiyyətinə ödənilsin. Qətnamədən, onun rəsmi qaydada verildiyi gündən 1 (bir) ay müddətində Bakı şəhəri Yasamal Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim: Gülnar Babazadə