Bakı Şəhəri Yasamal Rayon Məhkəməsi Qərardad — İş №2(004)-4639/2022

Azərbaycan Respublikası adından QƏRARDAD Bakı şəhəri İş № 2(004)-4639/2022 28.12.2022 BAKI ŞƏHƏRİ YASAMAL RAYON MƏHKƏMƏSİ Hakim Xəlilova Təhminə Cəmil qızının sədrliyi Allahverdiyeva Aytac Fizuli qızının katibliyi ilə Cavabdeh2 nümayəndəsi Nümayəndə2 iştirakı ilə İddiaçı cavabdehlər Cavabdeh2 və Bakı şəhəri 5 saylı notariat ofisinin xüsusi notariusu X1 qarşı müqavilənin etibarsız hesab edilməsi tələbinə dair mülki işə açıq məhkəmə iclasında baxaraq, MÜƏYYƏN ETDİ: İddiaçı cavabdehlərə qarşı iddia ərizəsi ilə məhkəməyə müraciət edərək, iddiaçı ilə Cavabdeh2 arasında bağlanılmış xx.xx.2021-ci il tarixli AN-1 N ******* saylı “daşınmaz əmlakın alqı-satqı müqavilə”sinin etibarsız hesab edilməsinə dair qətnamə çıxarılmasını xahiş etmişdir. İddiaçı tərəfindən iddia ərizəsinə dövlət rüsumunun ödənilməsini təsdiq edən "xxxx" ASC-nin Yasamal Filialının xx.xx.2022-ci il tarixli qəbzi əlavə edilmişdir. ”Elektron Məhkəmə” İnformasiya Sistemi vasitəsi ilə həmin qəbz yoxlanıldıqda, qəbzin artıq başqa mülki işdə istifadə olunması müəyyən edilmişdir. Odur ki, məhkəmə tərəfindən mülki işin məhkəmə baxışı iclasının xx.xx.2022-ci il tarixə təyin edilməsi barədə xx.xx.2022-ci il tarixli məhkəmə bildirişində iddiaçıya dövlət rüsumunun ödənilməsi təklif edilmişdir. Lakin iddiaçı tərəfindən dövlət rüsumunun ödənilməsini təsdiq edən yeni qəbz məhkəməyə təqdim edilməmişdir. Məhkəmə iclasında cavabdehin nümayəndəsi iddia ərizəsinin dövlət rüsumunun ödənilməməsi səbəbindən baxılmamış saxlanılmasını məhkəmənin mülahizəsinə vermişdir. Məhkəmə mülki işi araşdırıb hesab edir ki, iddia ərizəsi baxılmamış saxlanılmalıdır. Mülki Prosessual Məcəllənin 150.1.2-ci maddəsinə əsasən iddia ərizəsinə dövlət rüsumunun ödənilməsini təsdiq edən sənəd əlavə edilir. Həmin Məcəllənin 259.0.12–ci maddəsinə əsasən ərizə bu Məcəllənin 149-cu maddəsində nəzərdə tutulmuş tələblər göstərilmədən, eləcə də bu Məcəllənin 150.1.2-ci və ya 150.1.3-cü maddələrində göstərilən sənədlər əlavə edilmədən verildikdə iddiaçı hakim tərəfindən müəyyən edilmiş müddətdə işin mahiyyəti üzrə baxılmasına və həll edilməsinə maneçilik törədən həmin nöqsanları aradan qaldırmadıqda məhkəmə ərizəni baxılmamış saxlayır. Məhkəmə hesab edir ki, iddiaçı iddia ərizəsinə dövlət rüsumunun ödənilməsini təsdiq edən sənəd əlavə etmədiyindən və hakim tərəfindən müəyyən edilmiş müddətdə işin mahiyyəti üzrə baxılmasına və həll edilməsinə maneçilik törədən həmin nöqsanı aradan qaldırmadığından iddia ərizəsi baxılmamış saxlanılmalıdır. Yuxarıda göstərilənlərə əsasən və Azərbaycan Respublikası MPM-nin 259.0.12-ci, 263-264-cü və 266-269-cu maddələrini rəhbər tutaraq, məhkəmə QƏRARA ALDİ: İddia ərizəsi baxılmamış saxlanılsın. İddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Qərardad tərəfə rəsmi qaydada verildikdən sonra 10 gün müddətində şikayət verilə bilər. Hakim Təhminə Xəlilova