Bakı Şəhəri Yasamal Rayon Məhkəməsi Qərardad — İş №2(004)-5373/2021

Azərbaycan Respublikası adından QƏRARDAD Bakı şəhəri İş № 2(004)-5373/2021 23.08.2021 BAKI ŞƏHƏRİ YASAMAL RAYON MƏHKƏMƏSİ Mən, hakim Xəlilova Təhminə Cəmil qızı, İddiaçı cavabdeh Bakı şəhəri Cavabdehnə, üçüncü şəxslər "xxxx" KB ASC və "xxxx" MMCyə qarşı mənzilə qoyulmuş qiymətin ləğv edilməsi və yeni qiymətləndirmə keçirilməsi tələbinə dair iddia ərizəsini və ona əlavə edilmiş sənədləri nəzərdən keçirərək Müəyyən etdim: İddiaçı cavabdeh Bakı şəhəri Cavabdehnə, üçüncü şəxslər "xxxx" KB ASC və "xxxx" MMCyə qarşı iddia ərizəsi ilə məhkəməyə müraciət edərək Bakı şəhəri, Yasamal rayonu, Zahid Xəlilov küçəsi, 53 saylı evin 19 saylı mənzilinə dair "xxxx" X1 Səhmdar Cəmiyyəti tərəfindən qoyulmuş qiymətin ləğv olunması və yeni qiymətləndirmə keçirilməsi tələbinə dair iddia ərizəsi ilə məhkəməyə müraciət etmişdir. Azərbaycan Respublikasının Mülki Prosessual Məcəlləsinin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. İddia ərizəsinə əlavə edilmiş sənədlərdən görünür ki, iddia ərizəsi Azərbaycan Respublikasının Mülki Prosessual Məcəlləsinin tələblərinə riayət edilməməklə verilmişdir. Azərbaycan Respublikasının MPM-nin 35.2.-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. Azərbaycan Respublikasının MPM-nin 152.1.3-cü maddəsinə görə əgər iş ərazi aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Hesab edirəm ki, iddia ərizəsi ərazi aidiyyəti üzrə düzgün verilmədiyindən ərizə və ona əlavə olunmuş sənədlər geri qaytarılmalıdır. Belə ki, iddia ərizəsində cavabdeh kimi Bakı şəhəri Cavabdeh göstərilsə də, ona qarşı heç bir iddia irəli sürülməmişdir. İddiaçı tərəfindən məhkəmə aidiyyatının dəyişdirilməsi üçün cavabdeh kimi ünvanı Yasamal rayonu olan hüquqi şəxs göstərilməsinə baxmayaraq, tələblər üçüncü şəxs "xxxx" KB ASC –yə qarşı irəli sürülmüşdür. “Azemis” elektron məhkəmə informasiya sistemindən alınmış məlumatdan görünür ki, "xxxx" KB ASC-nin hüquqi ünvanı Nəsimi rayonunda yerləşir. Eyni zamanda iddiaçıya izah edilməlidir ki, hazırki iddia ərizəsi ilə cavabdehlərin rəsmi qeydə alındığı yerin məhkəməsinə, yəni Nəsimi rayon məhkəməsinə müraciət etməlidir. Yuxarıdakılara əsasən və Azərbaycan Respublikası Mülki Prosessual Məcəlləsinin 152, 263, 264, 267 və 268-ci maddələrini rəhbər tutaraq Qərara aldım: İddia ərizəsi və ona əlavə edilmiş sənədlər geri qaytarılsın. İddiaçıya izah olunsun ki, hazırki iddia ərizəsi ilə Nəsimi rayon məhkəməsinə müraciət etməlidir. Qərardaddan tərəfə təqdim edildikdən və ya tərəf onu aldıqdan sonra 10 gün müddətində Yasamal rayon məhkəməsinə şikayət verilə bilər. Hakim Təhminə Xəlilova İş № 2(004)-5373/2021 MƏHKƏMƏDƏN KƏNAR AYRİCA PROSESSUAL HƏRƏKƏT BARƏDƏ PROTOKOL Yasamal rayon məhkəməsi Mən, Yasamal rayon məhkəməsinin hakimi Xəlilova Təhminə Cəmil qızı İddiaçı cavabdeh Bakı şəhəri Cavabdehnə, üçüncü şəxslər "xxxx" KB ASC və "xxxx" MMC-yə qarşı mənzilə qoyulmuş qiymətin ləğv edilməsi və yeni qiymətləndirmə keçirilməsi tələbinə dair iddia ərizəsini 23 avqust 2021-ci il tarixdə saat 11:00-da Bakı şəhərində, məhkəmənin binasında nəzərdən keçirərək məhkəmədən kənar ayrıca prosessual hərəkət edərək, iddia ərizəsinin geri qaytarılması barədə qərardad qəbul etdim Prosessual hərəkət saat 11:30-da başa çatdı. Protokol 23 avqust 2021-ci il tarixdə tərtib olunmuşdur. Hakim Təhminə Xəlilova