Bakı Şəhəri Yasamal Rayon Məhkəməsi Qətnamə — İş №2(004)-5688/2021

Azərbaycan Respublikası adından QƏTNAMƏ Bakı şəhəri İş № 2(004)-5688/2021 28.09.2021 BAKI ŞƏHƏRİ YASAMAL RAYON MƏHKƏMƏSİ Hakim Əyyubov Fərid İlham oğlunun sədrliyi ilə, İddiaçı "xxxx" MMC-nin Cavabdeh qarşı pul tələbinə dair iddia ərizəsinə kiçik iddialara dair işlər üzrə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı "xxxx" MMC iddia ərizəsi ilə məhkəməyə müraciət edərək, 10.10.2019-cu il tarixli müqavilə üzrə Samsung LED TV üçün 783 (yeddi yüz səksən üç) manat ödənilməmiş hissə, 78 (yetmiş səkkiz) manat cərimə, 11.12.2019-cu il tarixli müqavilə üzrə Nevresim Takımı- Tekstil, 2 ədəd örtü tekstil üçün 150 (yüz əlli) manat ödənilməmiş hissə, 15 (on beş) manat cərimə, 05.01.2020-ci il tarixli müqavilə üzrə Battaniye Seti –Tekstil üçün 87 (səksən yeddi) manat ödənilməmiş hissə, 8 (səkkiz) manat cərimə, 13.06.2020-ci il tarixli müqavilə üzrə VİLMA Papilla Qazan dəsti, Philips Tozsoran üçün 568,4 (beş yüz altmış səkkiz manat qırx qəpik) manat ödənilməmiş hissə, 56,6 (əlli altı manat altmış qəpik) manat cərimə, ümumilikdə 1746 manat borc, 30 manat ödənilmiş dövlət rüsumunun Cavabdeh alınaraq "xxxx" MMC-yə ödənilməsi barədə qətnamə qəbul edilməsini xahiş etmişdir. Cavabdeh rəsmi qaydada bildiriş göndərilmiş, qanunvericiliklə müəyyən edilmiş müddət ərzində cavabdeh tərəfindən iddiaya qarşı etiraz daxil olmamışdır. İş materiallarında olan sübutlara əsasən məhkəmə tərəfindən müəyyən edilmişdir ki, "xxxx" MMC ilə Cavabdeh arasında 10.10.2019-cu il tarixdə 00971927 saylı müqavilə bağlanmışdır. Müqaviləyə əsasən "xxxx" MMC Samsung LED TV telvizoru cavabdehə verməyi öz öhdəsinə götürmüş, cavabdeh isə onun əvəzində müqaviləyə əlavə ilə müəyyən edilmiş 1314 manat pulu, 20.04.2021-ci il tarixinədək ayda 73 manat olmaqla ödəməyi öhdəsinə götürmüşdür. 10.10.2019-cu il tarixli təhvil-təslim aktına əsasən müəyyən edilir ki, Samsung LED TV televizor cavabdeh tərəfindən təhvil alınmışdır. İş materiallarında olan sübutlara əsasən məhkəmə tərəfindən müəyyən edilmişdir ki, "xxxx" MMC ilə Cavabdeh arasında 11.12.2019-cu il tarixdə 01117146 saylı müqavilə bağlanmışdır. Müqaviləyə əsasən "xxxx" MMC Nevresim Takımı- Tekstil, 2 ədəd örtü tekstili cavabdehə verməyi öz öhdəsinə götürmüş, cavabdeh isə onun əvəzində müqaviləyə əlavə ilə müəyyən edilmiş 228 manat pulu, 15.12.2020-ci il tarixinədək ayda 19 manat olmaqla ödəməyi öhdəsinə götürmüşdür. 11.12.2019-cu il tarixli təhvil-təslim aktına əsasən müəyyən edilir ki, Nevresim Takımı- Tekstil, 2 ədəd örtü tekstili cavabdeh tərəfindən təhvil alınmışdır. İş materiallarında olan sübutlara əsasən məhkəmə tərəfindən müəyyən edilmişdir ki, "xxxx" MMC ilə Cavabdeh arasında 05.01.2020-ci il tarixdə 20014900 saylı müqavilə bağlanmışdır. Müqaviləyə əsasən "xxxx" MMC Battaniye Setini cavabdehə verməyi öz öhdəsinə götürmüş, cavabdeh isə onun əvəzində müqaviləyə əlavə ilə müəyyən edilmiş 132 manat pulu, 15.01.2021-ci il tarixinədək ayda 11 manat olmaqla ödəməyi öhdəsinə götürmüşdür. 05.01.2020-ci il tarixli təhvil-təslim aktına əsasən müəyyən edilir ki, Battaniye Seti cavabdeh tərəfindən təhvil alınmışdır. İş materiallarında olan sübutlara əsasən məhkəmə tərəfindən müəyyən edilmişdir ki, "xxxx" MMC ilə Cavabdeh arasında 13.06.2020-ci il tarixdə 20348814 saylı müqavilə bağlanmışdır. Müqaviləyə əsasən "xxxx" MMC VİLMA Papilla Qazan dəstini, Philips Tozsoranı cavabdehə verməyi öz öhdəsinə götürmüş, cavabdeh isə onun əvəzində müqaviləyə əlavə ilə müəyyən edilmiş 632,4 manat pulu, 26.06.2021-ci il tarixinədək ayda 52,7 manat olmaqla ödəməyi öhdəsinə götürmüşdür. 13.06.2020-ci il tarixli təhvil-təslim aktına əsasən müəyyən edilir ki, Battaniye Seti cavabdeh tərəfindən təhvil alınmışdır. 17.08.2021-ci il tarixli maliyyə arayışına əsasən cavabdehin 1588,4 manat əsas, 157,6 manat cərimə borcu olmaqla cəmi 1746 manat borcu vardır. "xxxx" MMC-nin Cavabdeh ünvanladığı 20.01.2021-ci il tarixli xəbərdarlıq məmtubundan görünbür ki, iddiaçı tərəfindən borcun ödənilməsi barədə cavabdehə xəbərdarlıq edilmişdir. Məhkəmə iş materiallarını tədqiq edərək və iş üzrə sübutlara hüquqi qiymət verərək hesab edir ki, iddia təmin edilməli, Cavabdeh, 10.10.2019-cu il tarixli müqavilə üzrə Samsung LED TV üçün 783 (yeddi yüz səksən üç) manat ödənilməmiş hissə, 78 (yetmiş səkkiz) manat cərimə, 11.12.2019-cu il tarixliv müqavilə üzrə Nevresim Takımı- Tekstil, 2 ədəd örtü tekstil üçün 150 (yüz əlli) manat ödənilməmiş hissə, 15 (on beş) cərimə, 05.01.2020-ci il tarixli müqavilə üzrə Battaniye Seti –Tekstil üçün 87 (səksən yeddi) manat ödənilməmiş hissə, 8 (səkkiz) manat cərimə, 13.06.2020-ci il tarixli müqavilə üzrə VİLMA Papilla Qazan dəsti, Philips Tozsoran üçün 568,4 (beş yüz altmış səkkiz manat qırx qəpik) manat ödənilməmiş hissə, 56,6 (əlli altı manat altmış qəpik) manat cərimə, ümumilikdə 1746 manat borc və 30 manat ödənilmiş dövlət rüsumu alınaraq "xxxx" Məhdud Məsuliyyətli Cəmiyyətinə ödənilməlidir. AR Mülki Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsində daxil olan öhdəliklərin icra edilmədiyi bütün hallar üçün cavabdehdir. Həmin maddənin 2-ci bəndinə əsasən borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Həmin Məcəllənin 600.1-ci maddəsinə əsasən, alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.2-ci maddəsinə əsasən, əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. Həmin Məcəllənin 600.4-cü maddəsinə əsasən, əşyanı təhvil almış alıcı onu alğısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Azərbaycan Respublikası MPM-nin 284-4-1-ci maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Mülki Prosessual Məcəllənin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən isə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Göstərilənlərə əsasən və Azərbaycan Respublikasının MPM-nin 216-220, 227, 358, 360 və 362-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh 10.10.2019-cu il tarixli müqavilə üzrə Samsung LED TV üçün 783 (yeddi yüz səksən üç) manat ödənilməmiş hissə, 78 (yetmiş səkkiz) manat cərimə, 11.12.2019-cu il tarixliv müqavilə üzrə Nevresim Takımı- Tekstil, 2 ədəd örtü tekstil üçün 150 (yüz əlli) manat ödənilməmiş hissə, 15 (on beş) cərimə, 05.01.2020-ci il tarixli müqavilə üzrə Battaniye Seti –Tekstil üçün 87 (səksən yeddi) manat ödənilməmiş hissə, 8 (səkkiz) manat cərimə, 13.06.2020-ci il tarixli müqavilə üzrə VİLMA Papilla Qazan dəsti, Philips Tozsoran üçün 568,4 (beş yüz altmış səkkiz manat qırx qəpik) manat ödənilməmiş hissə, 56,6 (əlli altı manat altmış qəpik) manat cərimə, ümumilikdə 1746 manat borc və 30 (otuz) manat ödənilmiş dövlət rüsumu alınaraq iddiaçı "xxxx" Məhdud Məsuliyyətli Cəmiyyətinə ödənilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Yasamal Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Sədrlik edən: Fərid Əyyubov