Bakı Şəhəri Yasamal Rayon Məhkəməsi Qərardad — İş №2(004)-5726/2022

Azərbaycan Respublikası adından QƏRARDAD Bakı şəhəri İş № 2(004)-5726/2022 14.12.2022 BAKI ŞƏHƏRİ YASAMAL RAYON MƏHKƏMƏSİ Hakim Məmmədov Ayaz Süleyman oğlunun sədrliyi, Məmmədova Ayşən Müşviq qızının katibliyi, İddiaçının nümayəndəsi və vəkili Nümayəndə iştirakı ilə, İddiaçı Zəkərı̇ yəyev Nərı̇ man Şı̇ rı̇ n oğlunun cavabdehlər Cavabdeh3, Cavabdeh2 MMC-yə və Binəqədi Rayon İcra Şöbəsinə qarşı "alqı-satqı, ipoteka müqaviləsi və hərracın nəticələrinə dair protokolun etibarsız hesab edilməsi tələbinə dair” iddia ərizəsi üzrə mülki işə açıq məhkəmə hazırlıq iclasında baxaraq, məhkəmə MÜƏYYƏNETDİ: İddiaçı Zəkərı̇ yəyev Nərı̇ man Şı̇ rı̇ n oğlu cavabdehlər Cavabdeh3, Cavabdeh2 MMC-yə və Binəqədi Rayon İcra Şöbəsinə qarşı "alqı-satqı, ipoteka müqaviləsi və hərracın nəticələrinə dair protokolun etibarsız hesab edilməsi tələbinə dair” iddia ərizəsi ilə məhkəməyə müraciət etmişdir. Məhkəmə iclasında iştirak edən iddiaçının nümayəndəsi və vəkili Nümayəndə ərizə təqdim edərək, iddia ərizəsini və ona əlavə olunmuş sənədlərin geri qaytarılmasını xahiş etmişdir. Məhkəmə hazırlıq iclasının vaxtı və yeri barəsində cavabdehlərə məlumat verilmiş, lakin cavabdehlər (nümayəndələri) məhkəmə iclasına gəlməmişdir. Məhkəmə hazırlıq iclasının cavabdehlərin (nümayəndələrinin) iştirakı olmadan keçirilməsini mümkün hesab etmişdir. Məhkəmə iddiaçının nümayəndəsinin çıxışını dinləyib, iş materiallarını araşdıraraq hesab edir ki, ərizə təmin edilməlidir. Belə ki, Azərbaycan Respublikası MPM-nin 170.1-ci maddəsinə əsasən Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Azərbaycan Respublikası Mülki Prosessual Məcəlləsinin 114.1.3-cü maddəsinə əsasən, bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. Göstərilənlərə əsasən və Azərbaycan Respublikası MPM-nin 259.0.11-ci, 263-264-cü və 266-269-cu maddələrini rəhbər tutaraq, Q Ə R A R A A L D İ: İddiaçı Zəkərı̇ yəyev Nərı̇ man Şı̇ rı̇ n oğlunun cavabdehlər Cavabdeh3, Cavabdeh2 MMC-yə və Binəqədi Rayon İcra Şöbəsinə qarşı "alqı-satqı, ipoteka müqaviləsi və hərracın nəticələrinə dair protokolun etibarsız hesab edilməsi tələbinə dair” iddia ərizəsi və ona əlavə olunmuş sənədlər geri qaytarılsın. xx.xx.2022-ci il tarixli, ********* nömrəli qəbz (Büdcə təsnifat kodu: 142211, Büdcə səviyyə kodu: 1, Xəzinə hesabı: AZ17CTRE********************) üzrə dövlət rüsumu kimi ödənilmiş 100 (yüz) manat məbləğində pul Bakı Şəhəri üzrə Baş Maliyyə İdarəsi tərəfindən Zəkərı̇ yəyev Nərı̇ man Şı̇ rı̇ n oğluna qaytarılsın. Qərardaddan rəsmi qaydada verildikdən sonra tərəflər 10 (on) gün müddətində işə baxan Yasamal Rayon Məhkəməsinə şikayət verə bilərlər. Sədrlik edən:Ayaz Məmmədov