Bakı Şəhəri Yasamal Rayon Məhkəməsi Qətnamə — İş №2(004)-6648/2021

Azərbaycan Respublikası adından QƏTNAMƏ Bakı şəhəri İş № 2(004)-6648/2021 03.11.2021 BAKI ŞƏHƏRİ YASAMAL RAYON MƏHKƏMƏSİ Hakim Məmmədli Orxan Qədir oğlunun sədrliyi ilə, İddiaçı "xxxx" Məhdud Məsuliyyətli Cəmiyyətinin Cavabdeh qarşı “borcun qaytarılması” tələbinə dair kiçik iddia ərizəsi üzrə mülki işə Bakı Şəhəri Yasamal Rayon Məhkəməsinin binasında sadələşdirilmiş qaydada baxaraq, məhkəmə M ü ə y y ə n e t d i: İddiaçı "xxxx" MMC Cavabdeh qarşı “borcun qaytarılması” tələbinə dair kiçik iddia ərizəsi ilə məhkəməyə müraciət edərək, 28.11.2019-cu il tarixli müqaviləyə əsasən İMEİ kodu **********69738 olan Samsung Galaxy A10 markalı telefon, X2 Samsung A10 Black markalı aksesuar üçün 425 manat ödənilməmiş hissə, 42 manat cərimə; 28.11.2019-cu il tarixli müqaviləyə əsasən X1 Black markalı qulaqlıq üçün 52 manat ödənilməmiş hissə, 5 manat cərimə; 20.02.2020-ci il tarixli müqaviləyə əsasən İMEİ kodu **********71418 olan X3 8T markalı telefon üçün 435,6 manat ödənilməmiş hissə, 43,4 manat cərimə, ümumilikdə 1003 manat borc və 30 manat ödənilmiş dövlət rüsumu olmaqla, Cavabdeh alınaraq "xxxx" MMC-nə ödənilməsi barədə qətnamə qəbul edilməsini xahiş etmişdir. Azərbaycan Respublikası MPM-nin 284-5.2-ci maddəsinə əsasən, cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verldikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Cavabdeh rəsmi qaydada bildiriş göndərilmiş, lakin cavabdeh tərəfindən iddiaya qarşı əsaslandırılmış etiraz məhkəməyə daxil olmamışdır. Məhkəmə iş materiallarını tədqiq edərək hesab edir ki, iddia tələbi təmin edilməlidir. Məhkəmə Azərbaycan Respublikası Mülki Məcəlləsinin 385.1, 386.1, 427.3, 429.1.3, 442, 445, 600-ci maddələrini, MPM 119.1-ci maddəsini nəzərə alaraq müəyyən etdi: Belə ki, məhkəmə araşdırmasında müəyyən edilmişdir ki, iddiaçı "xxxx" MMC tərəfindən Cavabdeh 28.11.2019-cu il tarixli alğı-satqı müqaviləsinə əsasən ilkin ödənişsiz, 21 ay müddətinə aylıq 25 manat ödəmək şərti ilə ümumi məbləği 525 manat olan İMEİ kodu **********69738 olan Samsung Galaxy A10 markalı telefon, X2 Samsung A10 Black markalı aksesuar; 28.11.2019-cu il tarixli alğı-satqı müqaviləsinə əsasən ilkin ödənişsiz, 21 ay müddətinə aylıq 4 manat ödəmək şərti ilə ümumi məbləği 84 manat olan X1 Black markalı qulaqlıq; 20.02.2020-ci il tarixli alğı-satqı müqaviləsinə əsasən isə, 29 manat ilkin ödəniş olunmaqla 12 ay müddətinə aylıq 48,6 manat ödəmək şərti ilə ümumi məbləği 612,2 manat olan İMEİ kodu **********71418 olan X3 8T markalı telefon verilmişdir. Cavabdehin cəmi ödədiyi məbləğ 308,6 manat təşkil edir. 20.09.2021-ci il tarixli maliyyə və ödəniş cədvəlindən görünür ki, Cavabdeh 28.11.2019-cu il tarixli alğı-satqı müqaviləsi üzrə 425 manat məbləğində ödənilməmiş hissə, 42 manat cərimə borcu; 28.11.2019-cu il tarixli alğı-satqı müqaviləsi üzrə 52 manat məbləğində ödənilməmiş hissə, 5 manat cərimə borcu; 20.02.2020-ci il tarixli alğı-satqı müqaviləsi üzrə 435,6 manat məbləğində ödənilməmiş hissə, 43,4 manat cərimə borcu olmaqla, cəmi 1003 manat borcu vardır. Cavabdeh müqavilə öhdəliklərini yerinə yetirməmişdir. Mülki Məcəllənin 442-ci maddəsinə görə isə öhdəliyin icra edilməməsi dedikdə onun pozulması və ya lazımınca icra edilməməsi başa düşülür. Bu mənada, öhdəliyin pozulması – öhdəliyin tərkibini təşkil edən hərəkətlərin ümumiyyətlə yerinə yetirilməməsində ifadə olunur. Öhdəliyin lazımınca icra edilməməsi isə MM-in 425-ci maddəsində təsbit edilmiş «vicdanlılıq» anlayışı ilə birgə dəyərləndirilməlidir. Belə birgə dəyərləndirməyə görə öhdəliyin lazımınca icra edilməməsi dedikdə öhdəliyin vaxtında icra edilməməsi, xammalın, işin və xidməti qüsurlu icrası və ya öhdəliyin tərkibini müəyyən edən digər şərtlərin pozulması başa düşülməlidir. Mülki Məcəllənin 445.1-ci maddəsinə görə icranı gecikdirmiş borclu gecikdirmə nəticəsində vurduğu zərər üçün kreditor qarşısında məsuliyyət daşıyır. Həmin Məcəllənin 445.2.1-ci maddəsinə əsasən isə öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Ona görə də məhkəmə belə hesab edir ki, iddia tələbi qanuni və əsaslı olduğundan təmin edilməli, Cavabdeh 28.11.2019-cu il və 20.02.2020-ci il tarixli müqavilələrə əsasən İMEİ kodu **********69738 olan Samsung Galaxy A10 markalı telefon, X2 Samsung A10 Black markalı aksesuar, X1 Black markalı qulaqlıq və İMEİ kodu **********71418 olan X3 8T markalı telefon üçün ümumilikdə 912,6 manat ödənilməmiş hissə, 90,4 manat cərimə, cəmi 1003 manat borc alınaraq "xxxx" MMC-nə ödənilməlidir. İddiaçı "xxxx" MMC tərəfindən ödənilmiş 30 manat dövlət rüsumu cavabdehdən tutularaq, iddiaçıya ödənilməlidir. Azərbaycan Respublikası Mülki Prosessual Məcəllənin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidi. Həmçinin, məhkəmə iş üzrə sübutlara Mülki Prosessual Məcəllənin 88-ci maddəsinin tələblərinə uyğun olaraq obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət vermiş, iddia ərizəsində qoyulmuş tələblər üzrə nəticəyə gələrkən isə Mülki Prosessual Məcəllənin 217.4-cü maddəsində təsbit edilmiş bilavasitəlilik prinsipinə uyğun olaraq yalnız məhkəmədə tədqiq olunmuş sübutlara əsaslanmışdır. Yuxarıdakılara əsasən və Azərbaycan Respublikası Mülki Prosessual Məcəlləsinin 284-6, 358, 360 və 362-ci maddələrini rəhbər tutaraq, məhkəmə Qət etdi : İddia tələbi təmin edilsin. Cavabdeh 28.11.2019-cu il tarixli müqaviləyə əsasən İMEİ kodu **********69738 olan Samsung Galaxy A10 markalı telefon, X2 Samsung A10 Black markalı aksesuar üçün 425 (dörd yüz iyirmi beş) manat ödənilməmiş hissə, 42 (qırx iki) manat cərimə, 28.11.2019-cu il tarixli müqaviləyə əsasən X1 Black markalı qulaqlıq üçün 52 (əlli iki) manat ödənilməmiş hissə, 5 (beş) manat cərimə, 20.02.2020-ci il tarixli müqaviləyə əsasən İMEİ kodu **********71418 olan X3 8T markalı telefon üçün 435,6 (dörd yüz otuz beş manat altmış qəpik) manat ödənilməmiş hissə, 43,4 (qırx üç manat qırx qəpik) manat cərimə, ümumilikdə 1003 (min üç) manat və 30 (otuz) manat dövlət rüsumu alınaraq iddiaçı "xxxx" Məhdud Məsuliyyətli Cəmiyyətinin xeyrinə ödənilsin. Qətnamədən tərəflərə rəsmi qaydada verildikdən sonra 1 (bir) ay müddətində Bakı Şəhəri Yasamal Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Hakim Orxan Məmmədli