Bakı Şəhəri Yasamal Rayon Məhkəməsi Qərardad — İş №2(004)-85/2023

Azərbaycan Respublikası adından QƏRARDAD Bakı şəhəri İş № 2(004)-85/2023 08.08.2023 BAKI ŞƏHƏRİ YASAMAL RAYON MƏHKƏMƏSİ Hakim Məmmədov Ayaz Süleyman oğlunun sədrliyi, Hacıyeva Aysel Nazim qızının katibliyi ilə, İddiaçı nümayəndəsi və eyni zamanda vəkili Vəkil iştirakı ilə, İddiaçı cavabdehlər Cavabdeh1, Cavabdeh2 və X1 qarşı “mülkiyyət hüquqlarının pozulmasının aradan qaldırılması, əmlakın naturada bölgüsü, istifadə qaydasının müəyyən edilməsi və mənzilə köçürülmə” tələbinə dair iddia ərizəsinə Bakı şəhəri Yasamal Rayon Məhkəmənin binasında açıq məhkəmənin hazırlıq iclasında baxaraq, məhkəmə MÜƏYYƏN ETDİ: İddiaçı cavabdehlər Cavabdeh1, Cavabdeh2 və Cavabdeh3 qarşı “mülkiyyət hüquqlarının pozulmasının aradan qaldırılması, əmlakın naturada bölgüsü, istifadə qaydasının müəyyən edilməsi və mənzilə köçürelmə tələbinə dair” iddia ərizəsi, daha sonra iddia tələbinin dəqiqləşdirilməsinə dair ərizə ilə məhkəməyə müraciət edərək, ümumi birgə paylı mülkiyyətdə olan Bakı şəhəri, Yasamal rayonu, Ak. Şəfayət Mehtiyev küçəsi, ev 95 a, 47 saylı mənzilin və Quba rayonu, İkinci Nügədi kəndində yerləşən 0,993 ha torpaq sahəsinin naturada paylara uyğun olaraq bölünməsi, həmin əmlaklardan istifadə qaydasının müəyyən edilməsi, həmin əmlaklardan müıkiyyət hüququndan istifadəyə maneçilik yaradan hərəkətlərin cavabdehlərə qadağan edilməsi, mülkiyyət hüququna maneələr aradan qaldırılması və paylı mülkiyyətdə olan həmin əmlaklara köçürülməsi barədə qətnamə qəbul edilməsini xahiş etmişdir. Məhkəmənin hazırlıq iclasında iştirak edən İddiaçı nümayəndəsi və eyni zamanda vəkili Vəkil məhkəməyə ərizə təqdim edərək, iddia ərizəsi və ona əlavə olunmuş sənədlərin geri qaytarılmasını xahiş etmişdir. Məhkəmə ərizəni və iş materiallarını araşdıraraq hesab edir ki, ərizə təmin edilməlidir. Belə ki, Azərbaycan Respublikası MPM-nin 170.1-ci maddəsinə əsasən Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. İşin məhkəmə baxışına hazırlanması zamanı iddia ərizəsinin baxılmamış saxlanmasının mümkünlüyü barədə MPM-də müddəaların olmadığını, eyni zamanda MPM-nin 170.1-ci maddəsində iddiaçının vəsatəti ilə iddia ərizəsinin qaytarılması nəzərdə tutulduğuna görə məhkəmə hesab edir ki, iddia ərizəsi geri qaytarılmalıdır. Azərbaycan Respublikası Mülki Prosessual Məcəlləsinin 114.1.3-cü maddəsinə əsasən, bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. Yuxarıda göstərilənlərə əsasən və Azərbaycan Respublikası MPM-nin 170, 263-264, 266-268-ci maddələrini rəhbər tutaraq QƏRARA ALDİ: İddiaçı cavabdehlər Cavabdeh1, Cavabdeh2 və X1 qarşı “mülkiyyət hüquqlarının pozulmasının aradan qaldırılması, əmlakın naturada bölgüsü, istifadə qaydasının müəyyən edilməsi və mənzilə köçürülmə” tələbinə dair iddia ərizəsi və ona əlavə olunmuş sənədlərin geri qaytarılsın. Dövlət rüsumu kimi ödənilmiş 100 (yüz) manat (901120484 qəbz №-li) məbləğində pul Bakı Şəhəri üzrə Baş Maliyyə İdarəsi tərəfindən İddiaçı qaytarılsın. Qərardaddan rəsmi qaydada verildikdən sonra tərəflər 10 (on) gün müddətində “Elektron məhkəmə” informasiya sistemində yaradılan elektron kabinetdən Bakı şəhəri Yasamal Rayon Məhkəməsinə şikayət verə bilərlər. Sədrlik edən: Ayaz Məmmədov