Bakı Şəhəri Nərimanov Rayon Məhkəməsi Qərardad — İş №2(005)-698/2024

Azərbaycan Respublikası adından QƏRARDAD Bakı şəhəri İş № 2(005)-698/2024 23.01.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Novruzova Aytən Nazim qızının sədrliyi, Məhkəmə iclas katibi Məmmədova Təhminə Nizami qızının katibliyi, İddiaçı nümayəndəsi və vəkili Vəkil1 iştirakı ilə, İddiaçı Cavabdeh qarşı “kompensasiya verilməklə miras əmlaklarda olan payların birləşdirilməsi” tələbinə dair mülki iş üzrə Cavabdeh nümayəndəsi və vəkili Vəkil2 tərəfindən verilmiş mülki işin ərazi aidiyyəti üzrə göndərilməsi barədə yazılı vəsatətə məhkəmənin hazırlıq iclasında baxaraq, MÜƏYYƏN ETDİ: İddiaçı iddia ərizəsi ilə məhkəməyə müraciət edərək, Cavabdeh miras qoyan X1 miras qalan Bakı şəhəri, Nərimanov rayonu, Xətai prospekti ev 5 yerləşən 3 otaqlı, ümumi sahəsi 94 kv.m təşkil edən 74 saylı mənzilin 1/6 hissəsinə görə 23500 manat, ** TR *** dövlət nömrə nişanlı «Ford Tranzit» markalı avtomobilin 61 hissəsinə görə 1750 manat, ** QT *** dövlət nömrə nişanlı «Ford Tranzit» markalı avtomobilin 1/6 hissəsinə görə 1584 manat, ** XN *** dövlət nömrə nişanlı «KİA Carnival» markalı avtomobilin 1/6 hissəsinə görə isə 5917 manat (cəmi 32751 manat) kompensasiya verilməklə cavabdehin həmin miras əmlaklardakı 1/6 hissədə miras payına (pay hüququna) xitam verilməsi, cavabdehin həmin miras paylarının iddiaçının miras payına birləşdirilməsi barədə qətnamə qəbul edilməsini etmişdir. Cavabdeh nümayəndəsi və vəkili Vəkil2 yazılı ərizə ilə məhkəməyə müraciət edərək cavabdehin qeydiyyat ünvanının ünvan 1 mülki işin aidiyyəti üzrə baxılması üçün Bakı Şəhəri Yasamal Rayon Məhkəməsinə göndərilməsini xahiş etmişdir. Məhkəmə iclasında İddiaçı nümayəndəsi və vəkili Vəkil1 iddia ərizəsini müstəsna aidiyyət qaydalarına görə Bakı Şəhəri Nərimanov Rayon Məhkəməsinə verdiyini bildirdi, bununla yanaşı mülki işin aidiyyəti üzrə göndərilməsini məhkəmənin mülahizəsinə buraxdığını bildirdi. Məhkəmə iclaslarının yeri və vaxtı barədə cavabdehə lazımi qaydada məlumat verilməsinə baxmayaraq, cavabdeh məhkəmə iclasında nümayəndəsinin iştirakını təmin etməmişdir. Məhkəmə Azərbaycan Respublikası işə cavabdehin iştirakı olmadan baxılmasını mümkün hesab etmişdir. Məhkəmə mülki işin sənədlərini nəzərdən keçirib hesab edir ki, mülki iş ərazi aidiyyəti üzrə baxılması üçün Bakı Şəhəri Yasamal Rayon Məhkəməsinə göndərilməlidir. Belə ki, Azərbaycan Respublikası Mülki Prosessual Məcəlləsinin : 32.1-ci maddəsinə əsasən işdə iştirak edən şəxs, mübahisənin bu və ya başqa məhkəməyə aidiyyətinin dəyişdirilməsi barədə ərizə verə bilər 35.1-ci maddəsinin tələbinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. “AZEMİS” elektron məhkəmə informasiya sistemində şəxsiyyət vəsiqəsi məlumatlarından aydın olur ki, Cavabdeh qeydiyyat ünvanı ünvan 2diyyət qaydalarına dair iddiaçının nümayəndəsi və vəkilinin mülahizələri ilə bağlı qeyd edir ki, Azərbaycan Respublikası Mülki Prosessual Məcəlləsinin 39.1-ci maddəsinə əsasən daşınmaz əşyaya mülkiyyət hüququnun tanınması, daşınmaz əşyanın başqasının qeyri-qanuni sahibliyindən götürülməsi, mülkiyyət hüququndan məhrum etmə ilə əlaqədar olmayan mülkiyyətçinin və yaxud başqa qanuni sahibin hüquqlarının pozulmasını aradan qaldırmaq haqqında iddialar daşınmaz əşyanın olduğu yerə görə verilir. Məhkəmə hesab edir ki iddia ərizəsi müstəsna aidiyyət qaydalarına uyğun məhkəməyə verilməlidir. “Azərbaycan Respublikası Mülki Prosessual Məcəlləsinin 35.1, 35.3 və 39.1-ci maddələrinin əlaqəli şəkildə şərh edilməsinə dair” Azərbaycan Respublikası Konstitusiya Məhkəməsinin 02 iyun 2021-ci il tarixli plenum qərarında qeyd edilir ki, Mülki Prosessual Məcəllənin 39.1-ci maddəsinin məzmununa görə, daşınmaz əşya kimi tikinti, qurğu və torpaq sahəsilə bağlı istənilən mübahisələrə deyil, yalnız aşağıdakı mübahisələrə müstəsna aidiyyət şamil olunur: - daşınmaz əşyaya mülkiyyət hüququnun tanınması; - daşınmaz əşyanın başqasının qeyri-qanuni sahibliyindən götürülməsi; sahibkarın və yaxud başqa qanuni sahibin hüquqlarının pozulmasını aradan qaldırmaq haqqında iddialar (mülkiyyət hüququndan məhrum etmə ilə əlaqədar olmayan). Beləliklə, müstəsna aidiyyət qaydalarını tənzimləyən Mülki Prosessual Məcəllənin 39.1-ci maddəsi daşınmaz əşyalarla bağlı bütün mübahisələri deyil, yalnız həmin maddədə sadalanan konkret tələblər üzrə iddiaları ehtiva edir. Həmin halların dairəsi qanunvericilikdə dəqiq müəyyən edildiyinə görə geniş təfsir edilə bilməz. Məhkəmə eyd edir ki, hazırki iddia tələbi müstəsna aidiyyət qaydalarının şamil olunduğu kateqoriya mübahisələri daxil deyil, bu səbəbdən də aidiyyət Azərbaycan Respublikası Mülki Prosessual Məcəlləsinin 35.1-ci maddəsinə əsasən müəyyən edilməlidir. Azərbaycan Respublikası Mülki Prosessual Məcəlləsinin 31.1-ci maddəsinə əsasən aidiyyət qaydalarının pozulmasına yol verilmir. Həmin Məcəllənin 32.4-cü maddəsinə əsasən aidiyyət haqqında məsələ qalxdıqda, hakim işin aidiyyəti üzrə göndərilməsi və ya aidiyyət haqqında ərizənin rədd edilməsi barədə əsaslandırılmış qərardad çıxarır. 32.5-ci maddəsinə əsasən aidiyyət haqqında qərardaddan işdə iştirak edən şəxslər, qərardad onlara təqdim olunduğu (onlar tərəfindən alındığı) gündən 10 gün müddətində bu Məcəllənin 21-ci fəsli ilə müəyyən edilmiş qaydada şikayət verə bilərlər. Məhkəmə cavabdehin qeydiyyat ünvanını əsas götürərək hazırki mülki işə Bakı Şəhəri Nərimanov Rayon Məhkəməsində baxılması üçün əsasların olmadığı və mülki işin aidiyyəti üzrə Bakı Şəhəri Yasamal Rayon Məhkəməsinə göndərilməli olduğu qənaətinə gəlir. Qeyd olunanlara əsasən, Azərbaycan Respublikası MPM-nin 263-264, 267-268 maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı “kompensasiya verilməklə miras əmlaklarda olan payların birləşdirilməsi” tələbinə dair iddia ərizəsi üzrə mülki iş ərazi aidiyyəti üzrə baxılması üçün Bakı Şəhəri Yasamal Rayon Məhkəməsinə göndərilsin. Qərardaddan onun verildiyi gündən 10 gün müddətində elektron məhkəmə informasiya sistemində yaradılmış elektron kabinetdən Bakı şəhəri Nərimanov Rayon Məhkəməsinə şikayət verilə bilər. Hakim Aytən Novruzova