Bakı Şəhəri Nəsimi Rayon Məhkəməsi Qərardad — İş №2(006)-3762/2023

Azərbaycan Respublikası adından QƏRARDAD Bakı şəhəri İş № 2(006)-3762/2023 14.08.2023 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi Rayon Məhkəməsinin hakimi Tağıyev Ceyhun Əlikram oğlu, İddiaçı Cavabdeh qarşı «atalığın müəyyən edilməsi və aliment» tələbinə dair iddia ərizəsinə baxaraq, MÜƏYYƏN ETDİ: İddiaçı Cavabdeh qarşı «atalığın müəyyən edilməsi və aliment» tələbinə dair iddia ərizəsi ilə məhkəməyə müraciət etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi və ona əlavə olunmuş sənədlər iddiaçıya geri qaytarılmalıdır. Belə ki, iddia ərizəsindən və ona əlavə edilmiş sənədlərdən görünür ki, iddiaçı aidiyyət qaydalarına riayət etməmişdir. “AZEMİS” Elektron Məhkəmə İnformasiya Sistemindən çıxarışdan görünür ki, İddiaçı qeydiyyat ünvanı ünvan 1 Sistemindən çıxarışdan görünür ki, Cavabdeh qeydiyyat ünvanı ünvan 2ə Bakı şəhəri Nəsimi RİH MKTB-nin 31 saylı MKİS-nin arayışı təqdim edərək, arayışda İddiaçı ünvan 3 ünvanında qeydiyyatsız yaşadığı qeyd edilmişdir. Azərbaycan Respublikası Mülki Prosessual Məcəlləsinin 35.1-ci maddəsinin tələbinə görə qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Azərbaycan Respublikası Mülki Prosessual Məcəlləsinin 36.3-cü maddəsinin tələbinə görə alimentin alınması və atalığın müəyyən edilməsi haqqında iddialar iddiaçı tərəfindən özünün yaşadığı yerə görə də verilə bilər. İddiaçı iddia ərizəsi ilə müraciət edərkən, Mülki Prosessual Məcəllənin ”iddiaçının seçməsinə görə aidiyyət” qaydalarını nəzərdə tutan 36.3-cü maddəsinə istinad etsə də, məhkəmə hesab edir ki, iddiaçı hazırki iddia ərizəsini Bakı şəhəri Nəsimi Rayon Məhkəməsinə verməklə səhv qənaətə gəlmişdir. Belə ki, qanunverici yuxarıda qeyd edilən maddədə iddiaçının iddianı özünün yaşadığı yerə görə verə bilməsi dedikdə iddiaçının daimi əsaslarla qeydiyyatda olub yaşadığı yeri nəzərdə tutur. Lakin iddiaçı isə hazırda müvəqqəti qeydiyyatsız yaşaması barədə arayışa istinad edərək, Bakı şəhəri Nəsimi Rayon Məhkəməsinə müraciət etmişdir. Azərbaycan Respublikası Mülki Prosessual Məcəlləsinin 40.1-ci maddəsinin tələbinə görə, ərazi aidiyyəti qaydalarının pozulmasına yol verilmir. Azərbaycan Respublikası Mülki Prosessual Məcəlləsinin 152.1.3-cü maddəsinin tələbinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri iddiaçıya geri qaytarır. Belə olan halda məhkəmə hesab edir ki, iddiaçıya aidiyyəti üzrə özünün qeydiyyat ünvanı üzrə Sabirabad Rayon Məhkəməsinə və yaxud cavabdehin qeydiyyat ünvanı üzrə Şamaxı Rayon Məhkəməsinə müraciət etmək hüququ izah olunmaqla, ərizə və ona əlavə olunmuş sənədlər ona geri qaytarılmalıdır. Şərh olunanlara əsasən və Azərbaycan Respublikası Mülki-Prosessual Məcəlləsinin 149, 152.1, 152.1.3, 152.1.5, 152.2, 152.3, 152.4, 268-269-cu maddələrini rəhbər tutaraq, QƏRARA ALDİ: İddiaçı Cavabdeh qarşı «atalığın müəyyən edilməsi və aliment» tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçıya izah edilməlidir ki, o, aidiyyəti üzrə özünün qeydiyyat ünvanı üzrə Sabirabad Rayon Məhkəməsinə və yaxud cavabdehin qeydiyyat ünvanı üzrə Şamaxı Rayon Məhkəməsinə müraciət edə bilər. Qərardaddan rəsmi qaydada verildikdən sonra 10 (on) gün müddətində “Elektron məhkəmə” informasiya sistemində yaradılmış elektron kabinet vasitəsilə Bakı şəhəri Nəsimi Rayon Məhkəməsinə şikayət verilə bilər. Hakim Ceyhun Tağıyev