Bakı Şəhəri Nəsimi Rayon Məhkəməsi Qətnamə — İş №2(006)-3969/2021

Azərbaycan Respublikası adından QƏTNAMƏ Bakı şəhəri İş № 2(006)-3969/2021 10.06.2021 BAKI ŞƏHƏRİ NƏSİMİ RAYON MƏHKƏMƏSİ Hakim Abidova Günay Çingiz qızının sədrliyi, Tağıyeva Ofelya Telman qızının katibliyi, İddiaçı «xxxx» Məhdud Məsuliyyətli Cəmiyyətinin nümayəndəsi X1 iştirakı ilə İddiaçı MMC-nin Cavabdeh qarşı «pul» tələbinə dair iddia ərizəsi üzrə mülki işə Bakı şəhəri Nəsimi Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı «xxxx» MMC Cavabdeh qarşı «pul» tələbinə dair iddia ərizəsi ilə məhkəməyə müraciət edərək, 06.05.2019-cu il tarixli 00647736 №-li müqaviləyə əsasən İMEİ Kodu **********15317 olan “Xiaomi Mi A2” markalı telefon üçün 378 (üç yüz yetmiş səkkiz) manat ödənilməmiş hissə, 113 (yüz on üç) manat dəbbə pulu, 09.08.2019-cu il tarixli, 00833803 №-li müqaviləyə əsasən İMEİ Kodu **********15657 olan “Samsung galaxy A10” markalı telefon, “GORENJE İzqara” üçün 500 (beş yüz) manat ödənilməmiş hissə, 150 (yüz əlli) manat dəbbə pulu; 12.08.2019-cu il tarixli, 00841549 №-li müqaviləyə əsasən İMEİ Kodu **********05677 olan “X4 7” markalı telefon üçün 312 (üç yüz on iki) manat ödənilməmiş hissə, 93 (doxsan üç) manat dəbbə pulu; 18.09.2019-cu il tarixli, 00922192 №-li müqaviləyə əsasən İMEİ Kodu **********79361 olan “X4 7” markalı telefon, «Meizu» qulaqlıq üçün üçün 663 (altı yüz altmış üç) manat ödənilməmiş hissə, 198 (yüz doxsan səkkiz) manat dəbbə pulu; 04.10.2019-cu il tarixli, 00957613 №-li müqaviləyə əsasən «HOFFMANN” Mini soba üçün 198 (yüz doxsan səkkiz) manat ödənilməmiş hissə, 59 (əlli doqquz) manat dəbbə pulu, ümumilikdə 2664 (iki min altı yüz altmış dörd) manat məbləğində pul və ödənilmiş 30 (otuz) manat dövlət rüsumu olmaqla, cəmi 2694 (iki min altı yüz doxsan dörd) manat məbləğində pulun Cavabdeh alınaraq «xxxx» MMC-yə ödənilməsi barədə qətnamə çıxarılması xahiş etmişdir. İddia tələbi onunla əsaslandırılır ki, «xxxx» MMC ilə Cavabdeh arasında bağlanmış 06.05.2019-cu il tarixli 00647736 №-li müqaviləyə əsasən İMEİ Kodu **********15317 olan “Xiaomi Mi A2” markalı telefon, 09.08.2019-cu il tarixli, 00833803 №-li müqaviləyə əsasən İMEİ Kodu **********15657 olan “Samsung galaxy A10” markalı telefon, “GORENJE İzqara”, 12.08.2019-cu il tarixli, 00841549 №-li müqaviləyə əsasən İMEİ Kodu **********05677 olan “X4 7” markalı telefon, 18.09.2019-cu il tarixli, 00922192 №-li müqaviləyə əsasən İMEİ Kodu **********79361 olan “X4 7” markalı telefon, «Meizu» qulaqlıq üçün 04.10.2019-cu il tarixli, 00957613 №-li müqaviləyə əsasən «HOFFMANN” Mini soba almış və nəticədə 2664 (iki min altı yüz altmış dörd) manat borc yaranmışdır. Cavabdeh müqavilələrin şərtlərini pozmuş, 06.05.2019-cu il tarixli müqaviləsinə əsasən, alqı-satqı qiyməti 648 manat (yəni 12 ay x 54 manat + 0 manat ilkin ödəniş) olan İMEİ Kodu **********15317 olan “Xiaomi Mi A2” markalı telefon üçün ümumilikdə 491 manat olmaqla ondan, 378 manat ödənilməmiş hissə, 113 manat dəbbə pulu, 09.08.2019-cu il tarixli, 00833803 №-li müqaviləyə əsasən, alqı-satqı qiyməti 600 manat (yəni 12 ay x 50 manat + 0 manat ilkin ödəniş) olan İMEİ Kodu **********15657 olan “Samsung galaxy A10” markalı telefon, “GORENJE İzqara” üçün ümumilikdə 650 manat olmaqla ondan, 500 (beş yüz) manat ödənilməmiş hissə, 150 (yüz əlli) manat dəbbə pulu, 12.08.2019-cu il tarixli, 00841549 №-li müqaviləyə əsasən, alqı-satqı qiyməti 512 manat (yəni 6 ay x 78 manat + 44 manat ilkin ödəniş) olan İMEİ Kodu **********05677 olan “X4 7” markalı telefon üçün ümumilikdə 405 (dörd yüz beş) olmaqla ondan, 312 (üç yüz on iki) manat ödənilməmiş hissə, 93 (doxsan üç) manat dəbbə pulu, 18.09.2019-cu il tarixli, 00922192 №-li müqaviləyə əsasən alqı-satqı qiyməti 742 manat (yəni 18 ay x 39 manat + 40 manat ilkin ödəniş) olan İMEİ Kodu **********79361 olan “X4 7” markalı telefon üçün ümumilikdə 861 manat olmaqla, ondan 663 (altı yüz altmış üç) manat ödənilməmiş hissə, 198 (yüz doxsan səkkiz) manat dəbbə pulu; 04.10.2019-cu il tarixli, 00957613 №-li müqaviləyə əsasən, alqı-satqı qiyməti 198 manat (yəni 6 ay x 33 manat + 0 manat ilkin ödəniş) olan «HOFFMANN” Mini soba üçün ümumilikdə 257 manat olmaqla, ondan 198 (yüz doxsan səkkiz) manat ödənilməmiş hissə, 59 (əlli doqquz) manat dəbbə pulu hesablanmışdır. Cavabdehin cəmi ödədiyi məbləğ 649 manat təşkil edir. Məhkəmə iclasında iddiaçı «xxxx» Məhdud Məsuliyyətli Cəmiyyətinin nümayəndəsi X2 iddianı müdafiə edib, iddianın təmin edilməsini xahiş etdi. Məhkəmə iclasının vaxtı və yeri barədə lazımi qaydada xəbərdarlıq edilməsinə baxmayaraq, Cavabdeh məhkəmə iclasına gəlməmiş və bunun səbəbi barədə məhkəməyə məlumat verməmişdir. Məhkəmə işə cavabdehin iştirakı olmadan baxılmasını mümkün hesab etmişdir. Məhkəmə iş materiallarını araşdırıb, iddiaçının nümayəndəsinin izahatını dinləyib, iş üzrə toplanmış sübutlara hüquqi qiymət verərək hesab edir ki, iddia qismən təmin edilməlidir. Məhkəmə iddiaçının nümayəndəsinin izahatını dinləyərək, iş üzrə toplanmış materialları tədqiq edərək, araşdırılan sübutlara məcmu halında hüquqi qiymət verərək hesab edir ki, iddia tələbi qismən təmin edilməlidir. Belə ki, mülki işin materillarında olan «xxxx» MMC ilə Cavabdeh arasında bağlanmış 06.05.2019-cu il tarixli 00647736 №-li müqavilədən görünür ki, «xxxx» MMC “Xiaomi Mi A2” markalı telefonu Cavabdeh satmış, Cavabdeh alınmış əşyanın əvəzində bu müqavilə ilə müəyyənləşdirilmiş pul məbləğini hissə-hissə 12 ay müddətinə ödəməyi öhdəsinə götürmüşdür. Mülki işin materillarında olan xxxx» MMC ilə Cavabdeh arasında bağlanmış 09.08.2019-cu il tarixli, 00833803 №-li müqavilədən görünür ki, «xxxx» MMC “Samsung galaxy A10” markalı telefon, “GORENJE İzqara”nı Cavabdeh satmış, Cavabdeh alınmış əşyanın əvəzində bu müqavilə ilə müəyyənləşdirilmiş pul məbləğini hissə-hissə 12 ay müddətinə ödəməyi öhdəsinə götürmüşdür. Mülki işin materillarında olan xxxx» MMC ilə Cavabdeh arasında bağlanmış 12.08.2019-cu il tarixli, 00841549 №-li müqavilədən görünür ki, «xxxx» MMC “X4 7” markalı telefonu Cavabdeh satmış, Cavabdeh alınmış əşyanın əvəzində bu müqavilə ilə müəyyənləşdirilmiş pul məbləğini hissə-hissə 6 ay müddətinə ödəməyi öhdəsinə götürmüşdür. Mülki işin materillarında olan xxxx» MMC ilə Cavabdeh arasında bağlanmış 18.09.2019-cu il tarixli, 00922192 №-li müqavilədən müqavilədən görünür ki, «xxxx» MMC “X4 7” markalı telefonu və “Meizu” qulaqlığı Cavabdeh satmış, Cavabdeh alınmış əşyaların əvəzində bu müqavilə ilə müəyyənləşdirilmiş pul məbləğini hissə-hissə 18 ay müddətinə ödəməyi öhdəsinə götürmüşdür. Mülki işin materillarında olan xxxx» MMC ilə Cavabdeh arasında bağlanmış 04.10.2019-cu il tarixli, 00957613 №-li müqavilədən müqavilədən görünür ki, «xxxx» MMC «HOFFMANN” Mini sobanı Cavabdeh satmış, Cavabdeh alınmış əşyanın əvəzində bu müqavilə ilə müəyyənləşdirilmiş pul məbləğini hissə-hissə 6 ay müddətinə ödəməyi öhdəsinə götürmüşdür. Mülki işin materillarında olan «xxxx» MMC tərəfindən məhkəməyə təqdim edilmiş 21.04.2021-ci il tarixli maliyyə arayışı və ödəniş cədvəlindən görünür ki, Cavabdeh «xxxx» MMC-yə 06.05.2019-cu il tarixli 00647736 №-li müqavilə üzrə 378 (üç yüz yetmiş səkkiz) manat ödənilməmiş hissə, 113 (yüz on üç) manat dəbbə pulu, cəmi 491 (dörd yüz doxsan bir) manat, 09.08.2019-cu il tarixli, 00833803 №-li müqavilə üzrə 500 (beş yüz) manat ödənilməmiş hissə, 150 (yüz əlli) manat dəbbə pulu, cəmi 650 (altı yüz əlli) manat, 12.08.2019-cu il tarixli, 00841549 №-li müqavilə üzrə 312 (üç yüz on iki) manat ödənilməmiş hissə, 93 (doxsan üç) manat dəbbə pulu, cəmi 405 (dörd yüz beş) manat, 18.09.2019-cu il tarixli, 00922192 №-li müqavilə üzrə 663 (altı yüz altmış üç) manat ödənilməmiş hissə, 198 (yüz doxsan səkkiz) manat dəbbə pulu, cəmi 861 (səkkiz yüz altmış bir) manat, 04.10.2019-cu il tarixli, 00957613 №-li müqavilə üzrə 198 (yüz doxsan səkkiz) manat ödənilməmiş hissə, 59 (əlli doqquz) manat dəbbə pulu, cəmi 257 (iki yüz əlli yeddi) manat, ümumilikdə 2664 (iki min altı yüz altmış dörd) manat borcu vardır. Mülki işin materillarında olan 13.03.2020-ci il tarixli bildirişdən görünür ki, Cavabdeh 06.05.2019-cu il tarixli 00647736 №-li, 09.08.2019-cu il tarixli, 00833803 №-li, 12.08.2019-cu il tarixli, 00841549 №-li, 18.09.2019-cu il tarixli, 00922192 №-li, 04.10.2019-cu il tarixli, 00957613 №li müqavilələr üzrə yaranmış borcun ödənilməsi ilə bağlı «xxxx» MMC tərəfindən xəbərdarlıq edilmişdir. Mülki işin materiallarında olan ödəniş qəbzindən görünür ki, «xxxx» MMC tərəfindən hazırki iddia ərizəsinin məhkəməyə verilməsi ilə əlaqədar olaraq 30 manat dövlət rüsumu ödənilmişdir. Məhkəmə araşdırmaları zamanı müəyyən edilmişdir ki, «xxxx» MMC ilə Cavabdeh arasında bağlanmış 06.05.2019-cu il tarixli 00647736 №-li müqaviləyə əsasən İMEİ Kodu **********15317 olan “Xiaomi Mi A2” markalı telefon, 09.08.2019-cu il tarixli, 00833803 №-li müqaviləyə əsasən İMEİ Kodu **********15657 olan “Samsung galaxy A10” markalı telefon, “GORENJE İzqara”, 12.08.2019-cu il tarixli, 00841549 №-li müqaviləyə əsasən İMEİ Kodu **********05677 olan “X4 7” markalı telefon, 18.09.2019-cu il tarixli, 00922192 №-li müqaviləyə əsasən İMEİ Kodu **********79361 olan “X4 7” markalı telefon və Meizu qulaqlığı, 04.10.2019-cu il tarixli, 00957613 №-li müqaviləyə əsasən «HOFFMANN” Mini sobanı Cavabdeh satmış, Cavabdeh alınmış əşyaların əvəzində bu müqavilə ilə müəyyənləşdirilmiş pul məbləğini 06.05.2019-cu il tarixli 00647736 №-li, 09.08.2019-cu il tarixli, 00833803 №-li müqaviləyə əsasən hissə-hissə 12 ay, 12.08.2019-cu il tarixli, 00841549 №-li, 04.10.2019-cu il tarixli, 00957613 №-li müqaviləyə əsasən hissə-hissə 6 ay, 18.09.2019-cu il tarixli, 00922192 №-li müqaviləyə əsasən hissə-hissə 18 ay müddətinə ödəməyi öhdəsinə götürmüş, lakin cavabdeh tərəfindən müqavilələr üzrə üzərinə götürdüyü öhdəlikləri icra edilməmiş və nəticədə onun «xxxx» MMC-yə ümumilikdə 2664 (iki min altı yüz altmış dörd) manat borcu yaranmışdır. Belə ki, Azərbaycan Respublikası Konstitusiyasının 125-ci maddəsinin Vİİ-ci bəndinə əsasən məhkəmə icraatı həqiqətin müəyyən edilməsini təmin etməlidir. Azərbaycan Respublikası Mülki Prosessual Məcəlləsinin 4.1-ci maddəsinə əsasən bütün fiziki və hüquqi şəxslər özlərinin qanunla qorunan hüquq və azadlıqlarını, eləcə də maraqlarını qorumaq və təmin etmək məqsədi ilə qanunla müəyyən edilmiş qaydada məhkəmə müdafiəsindən istifadə etmək hüququna malikdirlər. Azərbaycan Respublikası Mülki Məcəlləsinin (bundan sonra Mülki Məcəllənin) 6.2-ci maddəsinə əsasən, fiziki və hüquqi şəxslər mülki hüquqları öz mənafelərini gerçəkləşdirmək üçün iradələrinə uyğun olaraq əldə edir və həyata keçirirlər. Onlar müqavilə əsasında öz hüquq və vəzifələrini müəyyənləşdirməkdə və qanunvericiliyə zidd olmayan hər hansı müqavilə şərtləri qoymaqda sərbəstdirlər. Mülki Məcəllənin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Mülki Məcəllənin 386.1-ci maddəsinin tələbinə görə, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Mülki Məcəllənin 442-ci maddəsinin tələbinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Mülki Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Mülki Məcəllənin 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Mülki Məcəllənin 601.2-ci maddəsində göstərilmişdir ki, hissə-hissə ödəmə şərti ilə malın nisyə satılması haqqında müqaviləyə həmin Məcəllənin 600.2-600.5-ci maddələrində nəzərdə tutulan qaydalar tətbiq edilir. Mülki Məcəllənin 600.2-ci maddəsinə əsasən əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. Mülki Məcəllənin 600.5-ci maddəsinə əsasən alıcı verilmiş əşyanı müqavilədə nəzərdə tutulan müddətdə ödəmək vəzifəsini icra etmədikdə və bu Məcəllədə və ya alqı-satqı müqaviləsində ayrı qayda nəzərdə tutulmadıqda gecikdirilmiş məbləğdən malın müqaviləyə görə ödənilməli olduğu gündən ödənildiyi günədək bu Məcəllənin 449-cu maddəsinə uyğun faizlər ödənilməlidir. Müqavilədə alıcının satıcı tərəfindən əşyanın verildiyi gündən başlayaraq əşyanın qiymətinə uyğun məbləğdən faizlər ödəmək vəzifəsi nəzərdə tutula bilər. Mülki Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə həmin Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Mülki Məcəllənin 600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Məhkəmə qeyd edir ki, mülki qanunvericiliyin normaları baxımından Cavabdeh hərəkətləri öhdəliyin lazımınca icra edilməməsi kimi qiymətləndirilməlidir. Belə ki, cavabdeh əşyanın nisyə alqısatqısına dair müqavilələr ilə götürdüyü öhdəlikləri vaxtında icra etməmiş, iddiaçıya olan borcunu müqavilələrdə nəzərdə tutulan vaxtda və qaydada ödəməyərək, bununla da müqavilələrin şərtlərini pozmuşdur. Buna görə də o, onun risk dairəsinə daxil olan öhdəliyin icra edilmədiyi bütün hallar üçün cavabdeh olduğundan, öz öhdəliyinin hər bir təqsirli pozuntusuna görə məsuliyyət daşımalı, əşyanın nisyə alqı-satqısına dair müqavilələr üzrə yaranmış borcu iddiaçıya ödəməlidir. Bundan başqa, məhkəmə hesab edir ki, dəbbə pulunun tutulması hissəsində dəbbə pulunun məbləği azaldılmalıdır. Mülki Məcəllənin 465.2-ci maddəsinə əsasən, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Mülki Məcəllənin 462.1-ci maddəsinə görə, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. Mülki Məcəllənin 467-ci maddəsinə görə məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Qanunun mənasına görə dəbbə pulu müqavilə ilə müəyyənləşdirilən və öhdəliyin icrasının təmin edilməsi üsulu kimi öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyinə görə borclunun kreditora cərimə və ya penya formasında ödəməli olduğu pul məbləğidir. Dəbbə pulunun hüquqi təyinatı əsas öhdəliyin müqavilənin şərtlərinə və qanunvericiliyin tələblərinə müvafiq olaraq lazımınca, vaxtında, tam həcmdə ödənilməsini təmin etməkdir. Dəbbə pulu mülki qanunvericiliyin prinsipləri olan mülki hüquq subyektlərinin bərabərliyi və müqavilə azadlığına uyğun, yəni tərəflər arasında sərbəst şəklində bağlanmış müqavilə ilə müəyyənləşdirilir. Bununla yanaşı Mülki Məcəllənin 467-ci maddəsi tərəflər arasında müəyyənləşdirilmiş dəbbə pulunun məhkəmə tərəfindən azaldılmasını nəzərdə tutmuşdur. Həmin normada istənilən dəbbə pulun deyil, yalnız tənasübsüz surətdə yüksək olan dəbbə pulun azaldılması göstərilmişdir. Qeyd olunan maddənin dispozitiv şərtlərinə görə məhkəmə işin hallarını və tənasüb müəyyənləşdirilərkən kreditorun əmlak və bütün əsaslı mənafelərini nəzərə almalıdır. Hazırkı halda məhkəmə hesab edir ki, iddia dəbbə pulu ilə bağlı hissədə qismən təmin edilərək, 06.05.2019-cu il tarixli 00647736 №-li müqavilə üzrə 113 manat dəbbə pulu 20 manat məbləğində, 09.08.2019-cu il tarixli, 00833803 №-li müqavilə üzrə 150 manat dəbbə pulu 30 manat, 12.08.2019-cu il tarixli, 00841549 №-li müqavilə üzrə 93 manat dəbbə pulu 20 manat, 18.09.2019-cu il tarixli, 00922192 №-li müqavilə üzrə 198 manat dəbbə pulu 30 manat, 04.10.2019-cu il tarixli, 00957613 №-li müqavilə üzrə 59 manat dəbbə pulu 10 manat məbləğində müəyyən edilməlidir. Bundan başqa Mülki Prosessual Məcəllənin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Mülki Prosessual Məcəllənin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə hesab edir ki, iddia təmin edildiyindən Cavabdeh iddia qaldırılması üçün ödənilmiş 30 (otuz) manat dövlət rüsumu iddiaçı «xxxx» MMC-nin xeyrinə ödənilməlidir. Müki Prosessual Məcəllənin 9.1, 9.3, 14.2, 88, 217.1, 218.1, 218.3 və 220.4-cü maddələrinə görə hər hansı mübahisənin qanuni və əsaslı həlli üçün məhkəmə baxışı zamanı məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli olan hüquq normalarına müvafiq qiymət verməlidir. Məhkəmənin qətnaməsi qanuni və əsaslı olmalıdır. Hakim işdə iştirak edən şəxslərin verdiyi tələblər üzrə qətnamə çıxarır. Qətnamə çıxarıldıqda hakim sübutları qiymətləndirir, iş üçün əhəmiyyətli olan nə kimi halların müəyyən edildiyini, nə kimi halların müəyyən edilmədiyini, tərəflərin hansı hüquqi münasibətdə olmalarını, həmin iş üzrə hansı qanunun tətbiq edilməli olduğunu və iddianın təmin olunub-olunmadığını müəyyən etməlidir. Mülki Prosessual Məcəllənin 217.3-cü maddəsinə əsasən qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Mülki Prosessual Məcəllənin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikası MPM-in 216-220, 227, 233-cü maddələrini rəhbər tutaraq, məhkəmə QƏT ETDİ: İddia qismən təmin edilsin. Cavabdeh: - 06.05.2019-cu il tarixli 00647736 №-li müqavilə üzrə İMEİ Kodu **********15317 olan “Xiaomi Mi A2” markalı telefon üçün 378 (üç yüz yetmiş səkkiz) manat ödənilməmiş hissə, 20 (iyirmi) manat dəbbə pulu; - 09.08.2019-cu il tarixli, 00833803 №-li müqavilə üzrə İMEİ Kodu **********15657 olan “Samsung galaxy A10” markalı telefon, “GORENJE İzqara” üçün 500 (beş yüz) manat ödənilməmiş hissə, 30 (otuz) manat dəbbə pulu; - 12.08.2019-cu il tarixli, 00841549 №-li müqavilə üzrə İMEİ Kodu **********05677 olan “X4 7” markalı telefon üçün 312 (üç yüz on iki) manat ödənilməmiş hissə, 20 (iyirmi) manat dəbbə pulu; - 18.09.2019-cu il tarixli, 00922192 №-li müqavilə üzrə İMEİ Kodu **********79361 olan “X4 7” markalı telefon, «Meizu» qulaqlıq üçün 663 (altı yüz altmış üç) manat ödənilməmiş hissə, 30 (otuz) manat dəbbə pulu; - 04.10.2019-cu il tarixli, 00957613 №-li müqavilə üzrə «HOFFMANN” Mini soba üçün 198 (yüz doxsan səkkiz) manat ödənilməmiş hissə, 10 (on) manat dəbbə pulu, ümumilikdə 2161 (iki min yüz altmış bir) manat məbləğində pul və ödənilmiş 30 (otuz) manat dövlət rüsumunun əvəzi alınaraq iddiaçı «xxxx» MMC-yə verilsin. İddia qalan hissədə təmin edilməsin. Qətnamədən rəsmi qaydada təqdim edildiyi gündən 1 (bir) ay müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən bir ay keçdikdən sonra qanuni qüvvəyə minir. Hakim Günay Abidova