Bakı Şəhəri Nəsimi Rayon Məhkəməsi Qətnamə — İş №2(006)-4360/2020

Azərbaycan Respublikası adından QƏTNAMƏ Bakı şəhəri İş № 2(006)-4360/2020 22.09.2020 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızı iddiaçı “xxxxxxxxxxx” MMC-nin Cavabdeh qarşı “borc” tələbinə dair iddia ərizəsi üzrə mülki işə sadələşdirilmiş icraat qaydasında baxaraq, MÜƏYYƏN ETDİ: İddiaçı“xxxxxxxxxxx” MMC məhkəməyə ərizə ilə müraciət edərək, xx.xx.2019-cu il tarixli müqaviləyə əsasən İMEİ kodu **********62231 olan Xiaomi Mi 9 markalı telefon 552 manat ödənilməmiş hissə, 55 manat cərimə, cəmi 607 manat, xx.xx.2019-cu il tarixli müqaviləyə əsasən İMEİ kodu **********01563 olan X2 7 markalı telefon üçün 439 manat ödənilməmiş hissə, 43 manat cərimə, cəmi 482 manat, ümumilikdə 1089 manat borc və 30 manat ödənilmiş dövlət rüsumu olmaqla 1119 manatın Cavabdeh alınaraq “xxxxxxxxxxx” MMC-yə ödənilməsi barədə qətnamə çıxarılmasını məhkəmədən xahiş etmişdir. İddia tələbi onunla əsaslandırılmışdır ki, Cavabdeh «xxxxxxxxxxx» MMC ilə xx.xx.2019-cu il və xx.xx.2019-cu il tarixli müqavilələrə əsasən, İMEİ kodu **********62231 olan Xiaomi Mi 9 markalı telefon vəİMEİ kodu **********01563 olan X2 7 markalı telefon almış və nəticədə 1089 manat borc yaranmışdır.Cavabdeh müqavilənin şərtlərini pozmuş və nəticədə xx.xx.2019-cu il tarixli müqaviləyə əsasən alqı-satqı qiyməti 550 manat (6 ay x 90 manat + 10 manat ilkin ödəniş) olanİMEİ kodu **********01563 olan X2 7 markalı telefon üçünümumilikdə 482 manat olmaqla, ondan 439 manat ödənilməmiş hissə, 135 manat cərimə hesablanmalı olmasına baxmayaraq güzəşt olunmuş 43 manat cərimə pulu borcu yaranmışdır.xx.xx.2019-cu il tarixli müqaviləyə əsasən alqı-satqı qiyməti 802 manat (12 ay x 46 manat + 250 manat ilkin ödəniş) olanİMEİ kodu **********62231 olan Xiaomi Mi 9 markalı telefon üçün ümumilikdə 607 manat olmaqla, ondan 552 manat ödənilməmiş hissə, 151 manat cərimə hesablanmalı olmasına baxmayaraq güzəşt olunmuş 55 manat cərimə borcu yaranmışdır.Cavabdehin cəmi ödədiyi məbləğ 361 manat təşkil edir. Müqaviləyə əsasən ödəniş cədvəli üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmindəmübahisəsiz olaraq peniya ödəyir. Göstərilənlərə əsasən iddianın təmin olunması barədə qətnamə çıxarılması məhkəmədən xahiş edilmişdir. Məhkəmə iddia ərizəsinə Azərbaycan Respublikası Mülki-Prosessual Məcəlləsinin 284-1 maddəsinə əsasən kiçik iddialara dair işlər üzrə sadələşdirilmiş icraat qaydasında baxılmasını mümkün hesab etmişdir. Məhkəmə tərəfindən mülki-prossesual qanunvericiliyə uyğun olaraq cavabdehə bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərməsi təklif olunmuş, lakin cavabdeh tərəfindən məhkəməyə hər hansı etiraz daxil olmamışdır. Azərbaycan Respublikası Mülki-Prosessual Məcəlləsinin 284-5.3-cü maddəsinə əsasən ərizəyə məhkəməyə daxil olduğu gündən 20 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmışdır. Məhkəmə iş materiallarını araşdıraraq hesab etmişdir ki, iddiatəmin olunmalıdır. İş materiallarınaəlavəolunmuş İddiaçı MMC ilə Cavabdeh arasında bağlanmış xx.xx.2019-cu il tarixli 00765531 saylı müqavilədən və ödəniş cədvəlindən görünür ki, “xxxxxxxxxxx” MMC 550 manat dəyərində İMEİ kodu **********01563 olan X2 7 markalı telefonu müqavilədə göstərilən şərtlərlə Cavabdeh verməyi, Cavabdeh isə müqavilədə alınan əşyanın dəyərini 10 manat ilkin ödəniş edərək, 06 ay ərzində hər ay 90 manat olmaqla hissə-hissə ödəməyi öhdəsinə götürmüşdür. İş materiallarınaəlavəolunmuş İddiaçı MMC ilə Cavabdeh arasında bağlanmış xx.xx.2019-cu il tarixli 00901551 saylı müqavilədən və ödəniş cədvəlindən görünür ki, “xxxxxxxxxxx” MMC 802 manat dəyərində İMEİ kodu **********62231 olan Xiaomi Mi 9 markalı telefonu müqavilədə göstərilən şərtlərlə Cavabdeh verməyi, Cavabdeh isə müqavilədə alınan əşyanın dəyərini 250 manat ilkin ödəniş edərək, 12 ay ərzində hər ay 46 manat olmaqla hissə-hissə ödəməyi öhdəsinə götürmüşdür. İş materiallarınaəlavəolunmuşxx.xx.2020-ci il tarixli maliyyə və ödəniş cədvəlindən görünür ki, Cavabdeh xx.xx.2019-cu il tarixli müqaviləyə əsasən “xxxxxxxxxxx” MMC-yə 482 manat, xx.xx.2019-cu il tarixli müqaviləyə əsasən607 manat borcu vardır. İş materiallarınaəlavəolunmuşxx.xx.2020-ci il tarixli xəbərdarlıq məktubundan görünür ki, Cavabdeh xx.xx.2019-cu il tarixli və xx.xx.2019-cu il tarixli müqavilələr üzrə üzərinə götürdüyü öhdəlikləri yerinə yetirməsi, əks halda aidiyyəti üzrə müvafiq dövlət qurumuna müraciət olunacağı barədə “xxxxxxxxxxx” MMC tərəfindən xəbərdar edilmişdir. İş materiallarınaəlavəolunmuş ödəniş qəbzindən görünür ki, hazırki iddia ərizəsinin məhkəməyə verilməsi ilə əlaqədar iddiaçı tərəfindən 30 manat dövlət rüsumu ödənilmişdir. Azərbaycan Respublikası Mülki Məcəlləsinin: 390.1-ci maddəsinə əsasən fiziki və hüquqi şəxslər azad surətdə müqavilələr bağlaya və bu müqavilələrin məzmununu müəyyənləşdirə bilərlər. Onlar bu Məcəllədə nəzərdə tutulmayan, lakin ona zidd olmayan müqavilələr də bağlaya bilərlər; 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icarə edilməsi) başa düşülür; 445.2.-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi, icra müdəti çatanadək kreditorun etdiyi xəbərdarlıqdan sonra da icra edilməməsi borclunun icranı gecikdirməsi sayılır; 448.1-ci maddəsinə əsasən əgər bu məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; 462.1-ci maddəsinə görə dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir; 549-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. 600.1-ci maddəsinə əsasənalqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə həyata keçirməlidir. 601.1-ci maddəsinə əsasənəşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Göründüyü kimi, Cavabdeh “xxxxxxxxxxx” MMC ilə bağladığı xx.xx.2019-cu il tarixli 00765531 saylı və xx.xx.2019-cu il tarixli 00901551 saylı müqavilələrə əsasən İMEİ kodu **********34784 olan Xiaomi Mi 9 markalı telefon və İMEİ kodu **********01563 olan X2 7 markalı telefon onun istifadəsinə verilmiş, Cavabdeh isə müqavilələr ilə üzərinə götürdüyü öhdəliyi lazımınca icra etməmiş, iddiaçıya olan borcunu müqavilələr ilə nəzərdə tutulan vaxtda və qaydada ödəməmiş, nəticədə 1089 manat məbləğində borcu yaranmışdır. Azərbaycan Respublikası Mülki Prosessual Məcəlləsinin: 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir; 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir; 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. 284-1-ci maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. 284-5-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Ərizə məhkəməyə daxil olduğu gündən 20 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Beləliklə, məhkəmə iş materiallarında olan sübutlara məcmu halda qiymət verərək hesab edir ki, iddia təmin edilməli, Cavabdeh xx.xx.2019-cu il tarixli 00765531 saylı müqavilə üzrə 439 manat əsas borc, 43 manat cərimə borcu, cəmi 482 manat, xx.xx.2019-cu il tarixli 00901551 saylı müqavilə üzrə isə 552manat əsas borc, 55 manat cərimə, cəmi 607 manat pul vəsaiti və dövlət rüsumuna görə ödənilmiş 30 manat pul vəsaiti tutularaq İddiaçınə ödənilməlidir. Şərh olunanlara əsasən və Azərbaycan Respublikası Mülki Prosessual Məcəlləsinin 215-220-ci maddələrini rəhbər tutaraq, məhkəmə Q Ə T E T D İ: İddia təmin edilsin. Cavabdeh xx.xx.2019-cu il tarixli 00765531 saylı müqavilə üzrə 439 (dörd yüz otuz doqquz) manat əsas borc, 43 (qırx üç) manat cərimə borcu olmaqla, cəmi 482 (dörd yüz səksən iki) manat məbləğində pul vəsaiti tutularaq İddiaçınə ödənilsin. Cavabdeh xx.xx.2019-cu il tarixli 00901551 saylı müqavilə üzrə 552 (beş yüz əlli iki) manat əsas borc, 55 (əlli beş) manat cərimə, cəmi 607 (altı yüz yeddi) manat məbləğində pul vəsaiti tutularaq İddiaçınə ödənilsin. Dövlət rüsumuna görə ödənilmiş 30 (otuz) manat məbləğində pul Cavabdeh tutularaq iddiaçı “xxxxxxxxxxx” MMC-yə ödənilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim Solmaz Mustafayeva