Bakı Şəhəri Nizami Rayon Məhkəməsi Qətnamə — İş №2(007)-1098/2021

Azərbaycan Respublikası adından QƏTNAMƏ Bakı şəhəri İş № 2(007)-1098/2021 09.02.2021 BAKI ŞƏHƏRİ NİZAMİ RAYON MƏHKƏMƏSİ Mən, Bakı Şəhəri Nizami Rayon Məhkəməsinin hakimi Əhmədova Həqiqət Mülazim qızı, İddiaçı "xxxx" MMC-nin Cavabdeh qarşı “borc” tələbinə dair kiçik iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİM: İddiaçı "xxxx" MMC Cavabdeh qarşı kiçik iddia ərizəsi ilə məhkəməyə müraciət edərək, 17 iyul 2019-cu il tarixli və 27 oktyabr 2019-cu il tarixli müqavilələrə əsasən ona satdığı “Huawei P 30 Lite” markalı telefona, “Samsung Galaxy A50” markalı telefon və “Speaker Havit bluetooth” aksesuara görə yaranmış 931 manat ödənilməmiş hissə, 92 manat cərimə pulu borcun, ümumilikdə 1023 manat dəyərində borcun və 30 manat ödənilmiş dövlət rüsumun, cəmi 1053 manat məbləğindən vəsaitin Cavabdehdan alınaraq "xxxx" Məhdud Məsuliyyətli Cəmiyyətinə ödənilməsi barədə məhkəmə qətnaməsi çıxarılmasını xahiş etmişdir. İddiaçı iddia tələbini onunla əsaslandırmışdır ki, cavabdeh "xxxx" MMC ilə 17 iyul 2019-cu il tarixli müqaviləsinə əsasən, alqı-satqı qiyməti 780 manat (10 ay x 78 manat + 0 manat ilkin ödəniş) olan “Huawei P 30 Lite” markalı telefon üçün ümumilikdə 251 manat olmaqla, ondan 229 manat ödənilməmiş hissə, 229 manat (0,78 manat x 90 gün) cərimə hesablanmalı olmasına baxmayaraq güzəşt olunmuş 70 manat cərimə pulu borcu yaranmışdır. Həmin müqavilə üzrə cavabdehin cəmi ödədiyi məbləğ 551manat təşkil edir. Bundan əlavə, cavabdehlə aralarında bağlandığı 27 oktyabr 2019-cu il tarixli müqaviləsinə əsasən, alqı-satqı qiyməti 818 manat (12 ay x 68 manat + 2 manat ilkin ödəniş) olan “Samsung Galaxy A50” markalı telefon və aksesuar üçün ümumilikdə 772 manat olmaqla, ondan 702 manat ödənilməmiş hissə, 204 manat (0.68 manat x 300 gün) cərimə hesablanmalı olmasına baxmayaraq güzəşt olunmuş 70 manat cərimə pulu borcu yaranmışdır. Həmin müqavilə üzrə də, cavabdehin cəmi ödədiyi məbləğ 116 manat təşkil edir. Beləliklə, hər iki müqavilələr üzrə cavabdehin ona 931 manat əsas borcu və 92 manat cərimə olmaqla, cəmi 1023 manat borcu qalmışdır. İş materiallarını araşdıraraq məhkəmə hesab edir ki, iddia təmin olunmalıdır. Belə ki, işə əlavə olunmuş "xxxx" MMC ilə Cavabdeh arasında bağlanmış 17 iyul 2019 tarixli, 00791260 nömrəli müqavilədən və ona əlavə edilən sənədlərdən görünür ki, MMC tərəfindən Cavabdeh ümumi dəyəri 780 manat olan “Huawei P 30 Lite” markalı telefon satılmışdır. Bundan əlavə, 27 oktyabr 2019 tarixli, 01009586 nömrəli müqavilədən və ona əlavə edilən sənədlərdən görünür ki, MMC tərəfindən Cavabdeh ümumi dəyəri 818 manat olan “samsung Galaxy A50 ” markalı telefon və aksesuar satılmışdır. Cavabdeh hər iki müqavilərə əlavə olunmuş ödəniş cədvəlində müəyyən olunmuş müddətdə və qaydada əşyanın dəyərini, o cümlədən müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəməyi öhdəsinə götürmüş, əşyanı həmin gün təhvil almışdır. İşə əlavə olunmuş 11 dekabr 2020-ci il tarixli maliyyə arayışından görünür ki, Cavabdeh 17 iyul 2019-cu il tarixli müqavilə üzrə əsas borcu 229 manat, cərimə borcu 22 manat olmaqla, cəmi 251 manat, eləcə də, 27 oktyabr 2019-cu il tarixli müqavilə üzrə əsas borcu 702 manat, cərimə borcu 70 manat olmaqla cəmi 772 manat borcu, hər iki müqavilələr üzrə ümumilikdə 1023 manat borcu qalmışdır. İşə əlavə olunmuş 15 dekabr 2020-ci il tarixli qəbzdən görünür ki, iddia ərizəsinin verilməsi üçün "xxxx" MMC tərəfindən 30 manat dövlət rüsumu ödənilmişdir. Azərbaycan Respublikası Mülki Məcəlləsinin: 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür; 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. 601.1-ci maddəsinə görə əşyanın nisyə satılması haqqında müqavilədə onun hissəhissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Mülki Məcəllənin 443.1-ci maddəsinə görə öhdəliyini icra etməyən borclu kreditora dəymiş zərərin əvəzini ödəməyə borcludur. Qeyd edilənlərlə müəyyən olundu ki, Cavabdeh 17 iyul 2019-cu il və 27 oktyabr 2019-cu il tarixli müqavilələri əsasında "xxxx" MMC-dən əşyalar (mal) almış, lakin həmin müqavilələr üzrə ödənişləri tam həyata keçirməmiş, öhdəlikləri vaxtında icra etməmiş, edilmiş xəbərdarlığa baxmayaraq borcunu ödəməmişdir. Bundan başqa Mülki Prosessual Məcəllənin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Mülki Prosessual Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə xərcləri ilə əlaqədar məsələyə münasibətdə məhkəmə belə qənaətə gəlir ki, iddia təmin edildiyindən Azərbaycan Respublikası Mülki Prosessual Məcəlləsinin 119.1ci maddəsinə əsasən ödənilmiş dövlət rüsumu cavabdehə aid edilməlidir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası MPM-nin 284-5, 284-6, 216-220-ci maddələrini rəhbər tutaraq, QƏT ETDİM: İddia təmin edilsin. Cavabdeh 17 iyul 2019-cu il tarixli müqavilə üzrə əsas borc 229 manat, cərimə borcu üzrə 22 manat, bundan əlavə, 27 oktyabr 2019-cu il tarixli müqavilə üzrə əsas borc 702 manat, cərimə borc üzrə 70 manat, ümumillikdə hər iki müqavilələr üzrə 931 manat əsas borc, 92 manat cərimə borcu olmaqla cəmi 1023 (bir min iyirmi üç) manat borc və ödənilmiş 30 manat dövlət rüsumunun əvəzi "xxxx" Məhdud Məsuliyyətli Cəmiyyətinin xeyrinə tutulsun. Qətnamədən rəsmi qaydada verildiyi gündən 1 (bir) ay müddətində Bakı Şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1(bir) ay keçdikdən sonra qanuni qüvvəyə minir. Hakim: Həqiqət Əhmədova