Bakı Şəhəri Nizami Rayon Məhkəməsi Qətnamə — İş №2(007)-1941/2021

Azərbaycan Respublikası adından QƏTNAMƏ Bakı şəhəri İş № 2(007)-1941/2021 06.05.2021 BAKI ŞƏHƏRİ NİZAMİ RAYON MƏHKƏMƏSİ Hakim Qasımov Babək Natiq oğlunun sədrliyi, Məhkəmə iclasının katibi Əlcanova Əfsanə Fərhad qızının katibliyi, İddiaçı “xxxx” Məhdud Məsuliyyətli Cəmiyyətinin nümayəndəsi X1 iştirakı ilə İddiaçı “xxxx” Məhdud Məsuliyyətli Cəmiyyətinin Cavabdeh qarşı “pul” tələbinə dair iddia ərizəsi üzrə mülki işə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: İddiaçı “xxxx” Məhdud Məsuliyyətli Cəmiyyəti Cavabdeh qarşı “pul” tələbinə dair iddia ərizəsi ilə məhkəməyə müraciət edərək 22.07.2019-cu il tarixli müqavilə üzrə İMEİ kodu **********24030 olan Samsung Galaxy A50 markalı telefon, Samsung markalı qulaqlıq üçün 424 (dörd yüz iyirmi dörd) manat ödənilməmiş hissə, 127 (yüz iyirmi yeddi) manat dəbbə, 30.07.2019-cu il tarixli müqavilə üzrə İMEİ kodu **********21311 olan Samsung Galaxy A30 markalı telefon üçün 236 (iki yüz otuz altı) manat ödənilməmiş hissə, 70 (yetmiş) manat dəbbə, 24.10.2019-cu il tarixli müqavilə üzrə İMEİ kodu **********22300 və **********23399 olan 2 ədəd Samsung Galaxy S10+ markalı telefon üçün 5004 (beş min dörd) manat ödənilməmiş hissə, 324 (üç yüz iyirmi dörd) manat dəbbə, ümumilikdə 6185 manat borc, 30 manat ödənilmiş dövlət rüsumu olmaqla, cəmi 6215 manat Cavabdeh alınaraq “xxxx” MMC-nin hesabına ödənilməsi barədə qətnamə çıxarılmasını xahiş etmişdir. İddiaçı iddia ərizəsində tələbini onunla əsaslandırmışdır ki, 22.07.2019-cu il, 30.07.2019-cu il, 24.10.2019-cu il müqavilələrinə əsasən, İMEİ kodu **********24030 olan Samsung Galaxy A50 markalı telefon, Samsung markalı qulaqlıq, İMEİ kodu **********21311 olan Samsung Galaxy A30 markalı telefon, İMEİ kodu **********22300 və **********23399 olan 2 ədəd Samsung Galaxy S10+ markalı telefon almış və nəticədə 6185 manat borc yaranmışdır. İddiaçının nümayəndəsi iddia ərizəsinin dəlillərinə uyğun izahat verərək, iddia tələbinin təmin olunmasını məhkəmədən xahiş etdi. Cavabdehə məhkəmə baxışı iclasının vaxtı və yeri barədə rəsmi məlumat verilməsinə baxmayaraq o, məhkəmə iclasına gəlməmiş, gəlməməsinin səbəbləri barədə məhkəməyə məlumat verməmişdir. Odur ki, məhkəmə, Azərbaycan Respublikasının Mülki-Prosessual Məcəlləsinin 185.5-ci maddəsinə əsasən işə cavabdehin iştirakı olmadan baxılmasını mümkün hesab edir. Məhkəmə iddiaçının nümayədəsinin izahatını dinləyib, iş materiallarını araşdırıb, sübutlara məcmu halda obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq hesab edir ki, iddia qismən təmin edilməlidir. Belə ki, iş materiallarında olan və məhkəmə tərəfindən tədqiq edilmiş: - Cavabdeh 01 mart 2021-ci il tarixli Maliyyə və Ödəniş Cədvəlinin surətindən görünür ki, Cavabdeh 22.07.2019-cu il tarixli müqavilə üzrə İMEİ kodu **********24030 olan Samsung Galaxy A50 markalı telefona, Samsung markalı qulaqlığa görə ümumilikdə 551 manat, 30.07.2019-cu il tarixli müqavilə üzrə İMEİ kodu **********21311 olan Samsung Galaxy A30 markalı telefona görə ümumilikdə 306 manat, 24.10.2019-cu il tarixli müqavilə üzrə İMEİ kodu **********22300 və **********23399 olan 2 ədəd Samsung Galaxy S10+ markalı telefona görə ümumilikdə 5328 manat, cəmi 6185 manat ödənilməmiş borcu vardır. - “xxxx” MMC ilə Cavabdeh arasında bağlanmış 22.07.2019-cu il tarixli 00798906 nömrəli müqavilədən və ona əlavələrdən görünür ki, Cavabdeh “xxxx” MMC-dən kredit yolu ilə ilkin ödənişsiz 636 manat məbləğində İMEİ kodu **********24030 olan Samsung Galaxy A50 markalı telefon, Samsung markalı qulaqlıq əldə etmiş və həmin məbləği aylıq 106 manat olmaqla 6 ay ərzində “xxxx” MMC-yə ödəməyi öhdəsinə götürmüşdür. - “xxxx” MMC ilə Cavabdeh arasında bağlanmış 30.07.2019-cu il tarixli 00814313 nömrəli müqavilədən və ona əlavələrdən görünür ki, Cavabdeh “xxxx” MMC-dən kredit yolu ilə 117 ilkin ödənişlə 471 manat məbləğində İMEİ kodu **********21311 olan Samsung Galaxy A30 markalı telefon əldə etmiş və həmin məbləği aylıq 59 manat olmaqla 6 ay ərzində “xxxx” MMC-yə ödəməyi öhdəsinə götürmüşdür. - “xxxx” MMC ilə Cavabdeh arasında bağlanmış 24.10.2019-cu il tarixli 01001599 nömrəli müqavilədən və ona əlavələrdən görünür ki, Cavabdeh “xxxx” MMC-dən kredit yolu ilə 72 ilkin ödənişlə 5076 manat məbləğində İMEİ kodu **********22300 və **********23399 olan 2 ədəd Samsung Galaxy S10+ markalı telefon əldə etmiş və həmin məbləği aylıq 278 manat olmaqla 18 ay ərzində “xxxx” MMC-yə ödəməyi öhdəsinə götürmüşdür. - 22.07.2019-cu il, 30.07.2019-cu il, 24.10.2019-cu il tarixli bildirişlərdən görünür ki, müqavilələrin bütün şərtləri tam şəkildə yerinə yetirilməyənə qədər müqavilələrdə göstərilən əşyaları sata, bağışlaya və hər hansı digər formada özgəninkiləşdirə bilməz. Yalnız ödənişi tam həcmdə etdikdən sonra, göstərilən müqavilələrin predmetinə dair mülki hüquq müştəriyə keçir. Müştəri müqavilələrin şərtlərini pozduğu halda, “ABC” “Mal”-ın geri qaytarılmasını tələb edə bilər və ya əşyanın istifadəsini mümkünsüz edə bilər. - Əşyaların Təhvil-Təslim Aktından görünür ki, Cavabdeh 00798906 nömrəli müqaviləyə əsasən İMEİ kodu **********24030 olan Samsung Galaxy A50 markalı telefonu və Samsung markalı qulaqlığı tam qüsursuz halda təhvil almışdır. - Əşyaların Təhvil-Təslim Aktından görünür ki, Cavabdeh 00814313 nömrəli müqaviləyə əsasən İMEİ kodu **********21311 olan Samsung Galaxy A30 markalı telefonu tam qüsursuz halda təhvil almışdır. - Əşyaların Təhvil-Təslim Aktından görünür ki, Cavabdeh 01001599 nömrəli müqaviləyə əsasən İMEİ kodu **********22300 və **********23399 olan 2 ədəd Samsung Galaxy S10+ markal telefonu tam qüsursuz halda təhvil almışdır. - İddiaçı MMC-nin 27.03.2020-ci il tarixli məktubunun surətindən görünür ki, Cavabdeh qısa müddətdə borcunu ödəmədiyi təqdirdə aidiyyəti üzrə dövlət qurumuna müraciət olunacağı barədə xəbərdar olunmuşdur. - Dövlət rüsumu haqqında məlumatdan görünür ki, iddia ərizəsinin verilməsi üçün “xxxx” MMC tərəfindən 02.03.2021-ci il tarixdə 30,00 manat dövlət rüsumu ödənilmişdir. Beləliklə, məhkəmə baxışında tədqiq olunmuş sübutlarla müəyyən edilmişdir ki, iddiaçı “xxxx” Məhdud Məsuliyyətli Cəmiyyəti ilə Cavabdeh arasında 22.07.2019-cu il, 30.07.2019-cu il, 24.10.2019-cu il tarixli müqavilələr bağlanmışdır. 22.07.2019-cu il tarixli müqaviləyə əsasən cavabdeh iddiaçıdan 636 manat məbləğində İMEİ kodu **********24030 olan Samsung Galaxy A50 markalı telefonu, Samsung markalı qulaqlığı ilkin ödənişsiz, aylıq ödənişi 106 manat olmaqla, 6 ay müddətinə, 30.07.2019-cu il tarixli müqaviləyə əsasən cavabdeh iddiaçıdan 471 manat məbləğində İMEİ kodu **********21311 olan Samsung Galaxy A30 markalı telefonu 117 manat ilkin ödənişlə, aylıq ödənişi 59 manat olmaqla, 6 ay müddətinə, 24.10.2019-cu il tarixli müqaviləyə əsasən cavabdeh iddiaçıdan 5076 manat məbləğində İMEİ kodu **********22300 və **********23399 olan 2 ədəd Samsung Galaxy S10+ markalı telefonu 72 manat ilkin ödənişlə, aylıq ödənişi 278 manat olmaqla, 18 ay müddətinə ödəmək şərti ilə almışdır. Cavabdeh müqavilələrdə nəzərdə tutulmuş müddətlərdə, müqavilələrin şərtlərinə uyğun olaraq ödənişlərin vaxtlı-vaxtında ödənilməsini öhdəsinə götürmüş, müqavilələrin bağlandığı tarixdə də müqavilələrin predmeti olan əşyanı “xxxx” MMC-dən təhvil almışdır. Lakin, cavabdeh müqavilələr ilə üzərinə düşən öhdəliyə əməl etməmiş və iddiaçının bununla bağlı xəbərdarlıqlarını yerinə yetirməmişdir. Nəticədə cavabdehin iddiaçıya borcu yaranmışdır. Göründüyü kimi, cavabdeh borc müqaviləsi üzrə üzərinə götürdüyü öhdəliyi vaxtında icra etməmiş, iddiaçıya olan borcunu müqavilə ilə nəzərdə tutulan vaxtda və qaydada ödəməmiş, bununla da müqavilənin şərtlərini pozmuşdur. Azərbaycan Respublikası Mülki Məcəlləsinin: 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinə əsasən, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. 425.1-ci maddəsinə əsasən, öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. 427.3-cü maddəsinə əsasən, əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. 442-ci maddəsinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. 443.1-ci maddəsinə əsasən, öhdəliyini icra etməyən borclu kreditora dəymiş zərərin əvəzini ödəməyə borcludur. 448.1-ci maddəsinə əsasən, əgər Mülki Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. 465.2-ci maddəsinə əsasən əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Məhkəmə qeyd olunan maddi hüquq normalarının tələblərinə və işin faktiki hallarına əsasən hesab edir ki, məhkəmədə müəyyən olunmuş faktiki hallar tərəflər arasındakı hüquqi münasibətlərə uyğun gəldiyindən, eləcə də alıcı-cavabdeh müqavilə üzrə satıcıiddiaçı qarşısında öhdəlik götürdüyündən və alıcı-cavabdeh müqavilə üzrə onun risk dairəsinə daxil olan öhdəliklərin icra edilmədiyi bütün hallar üçün məsuliyyət daşıdığından, yaranmış borc məbləğini və digər xərcləri ödəməlidir. Məhkəmə işin hallarını, habelə cavabdeh tərəfindən həyata keçirilmiş ödənişləri nəzərə alaraq hesab edir ki, 22.07.2019-cu il tarixli müqavilə üzrə İMEİ kodu **********24030 olan Samsung Galaxy A50 markalı telefon, Samsung markalı qulaqlıq üçün 127 manat miqdarında cərimə pulu 424 manat miqdarında ödənilməmiş hissə məbləğinə, 30.07.2019-cu il tarixli müqavilə üzrə İMEİ kodu **********21311 olan Samsung Galaxy A30 markalı telefon üçün 70 manat miqdarında cərimə pulu 236 manat miqdarında ödənilməmiş hissə məbləğinə, 24.10.2019-cu il tarixli müqavilə üzrə İMEİ kodu **********22300 və **********23399 olan 2 ədəd Samsung Galaxy S10+ markalı telefon üçün 324 manat miqdarında cərimə pulu 5004 manat miqdarında ödənilməmiş hissə məbləğinə münasibətdə tənasübsüz surətdə yüksəkdir və həmin məbləğlər azaldılmalıdır. Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. MPM-in: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. 217.4-ci maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə, məhkəmə belə nəticəyə gəlir ki, iddia qismən təmin edilməli, 22.07.2019cu il tarixli müqaviləyə əsasən İMEİ kodu **********24030 olan Samsung Galaxy A50 markalı telefon, Samsung markalı qulaqlıq üçün 424 manat ödənilməmiş hissə, 20 manat cərimə, 30.07.2019-cu il tarixli müqaviləyə əsasən İMEİ kodu **********21311 olan Samsung Galaxy A30 markalı telefon üçün 236 manat ödənilməmiş hissə, 10 manat cərimə, 24.10.2019-cu il tarixli müqaviləyə əsasən, İMEİ kodu **********22300 və **********23399 olan 2 ədəd Samsung Galaxy S10 markalı telefon üçün 5004 manat ödənilməmiş hissə, 250 manat cərimə, ümumilikdə 5944 manat borc, 28,83 manat ödənilmiş dövlət rüsumu, cəmi 5972,83 manat Cavabdeh alınaraq iddiaçı "İddiaçı" Məhdud Məsulı̇ yyətli Cəmı̇ yyətinə ödənilməli, ödənilmiş dövlət rüsumunun 1,17 manatı iddiaçıya aid edilməli, iddia qalan hissədə təmin edilməməlidir. Qeyd olanlara əsasən və MPM-in 216-220, 284-6-cı maddələrini rəhbər tutaraq, məhkəmə QƏT ETDİ: İddia qismən təmin edilsin. 22.07.2019-cu il tarixli müqaviləyə əsasən İMEİ kodu **********24030 olan Samsung Galaxy A50 markalı telefon, Samsung markalı qulaqlıq üçün 424 manat ödənilməmiş hissə, 20 manat cərimə, 30.07.2019-cu il tarixli müqaviləyə əsasən İMEİ kodu **********21311 olan Samsung Galaxy A30 markalı telefon üçün 236 manat ödənilməmiş hissə, 10 manat cərimə, 24.10.2019-cu il tarixli müqaviləyə əsasən, İMEİ kodu **********22300 və **********23399 olan 2 ədəd Samsung Galaxy S10 markalı telefon üçün 5004 manat ödənilməmiş hissə, 250 manat cərimə, ümumilikdə 5944 manat borc, 28,83 manat ödənilmiş dövlət rüsumu, cəmi 5972,83 manat Cavabdeh alınaraq iddiaçı "İddiaçı" Məhdud Məsulı̇ yyətli Cəmı̇ yyətinə ödənilsin. Ödənilmiş dövlət rüsumunun 1,17 manatı iddiaçıya aid edilsin. İddia qalan hissədə təmin edilməsin.Qətnamədən onun tərəflərə rəsmi qaydada təqdim edildiyi gündən 1 (bir) ay müddətində Bakı şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən Babək Qasımov