Bakı Şəhəri Nizami Rayon Məhkəməsi Qətnamə — İş №2(007)-2045/2021

Azərbaycan Respublikası adından QƏTNAMƏ Bakı şəhəri İş № 2(007)-2045/2021 24.05.2021 BAKI ŞƏHƏRİ NİZAMİ RAYON MƏHKƏMƏSİ Hakim Qasımov Babək Natiq oğlunun sədrliyi ilə, İddiaçı “xxxx” Məhdud Məsuliyyətli Cəmiyyətinin Cavabdeh qarşı “pul” tələbinə dair kiçik iddia ərizəsi üzrə mülki işə məhkəmənin inzibati binasında, sadələşdirilmiş icraat qaydasında baxaraq, MÜƏYYƏN ETDİ: İddiaçı “xxxx” Məhdud Məsuliyyətli Cəmiyyəti Cavabdeh qarşı “pul” tələbinə dair kiçik iddia ərizəsi ilə məhkəməyə müraciət edərək 31.03.2019-cu il tarixli müqaviləyə əsasən İMEİ kodu **********42795 olan Samsung Galaxy S10 markalı telefon üçün 523 (beş yüz iyirmi üç) manat ödənilməmiş hissə, 52 (əlli iki) manat cərimə, 29.11.2018-ci il tarixli müqaviləyə əsasən İMEİ kodu **********31168 olan Samsung Galaxy J6 markalı telefon üçün 144 (yüz qırx dörd) manat ödənilməmiş hissə, 14 (on dörd) manat cərimə, 10.11.2019-cu il tarixli müqaviləyə əsasən Kenwood markalı şirəçəkən üçün 180 (yüz səksən) manat ödənilməmiş hissə, 18 (on səkkiz) manat cərimə, ümumilikdə 931 manat borc, 30 manat ödənilmiş dövlət rüsumu, cəmi 961 manat Cavabdeh alınaraq “xxxx” Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, cavabdeh “xxxx” MMC ilə 31.03.2019-cu il, 29.11.2018-ci il və 10.11.2019-cu il tarixli müqavilələrə əsasən İMEİ kodu **********42795 olan Samsung Galaxy S10 markalı telefon, İMEİ kodu **********31168 olan Samsung Galaxy J6 markalı telefon və Kenwood markalı şirəçəkən almış, nəticədə 931 manat borc yaranmışdır. Azərbaycan Respublikası Mülki-Prosessual Məcəlləsinin (bundan sonra - MPM) 284- 5.1-ci maddəsinə uyğun olaraq cavabdehə rəsmi qaydada bildiriş 12.04.2021-ci il tarixdə göndərilmişdir. Lakin zərfin üzərində bu ünvanda yaşamır qeydi yazılaraq geri qaytarılmışdır. Məhkəmə iş materiallarını araşdırıb, sübutlara məcmu halda obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq hesab edir ki, iddia təmin edilməlidir. Belə ki, iş materiallarında olan və məhkəmə tərəfindən tədqiq edilmiş: - Maliyyə və Ödəniş Cədvəllərindən görünür ki, Cavabdeh 31.03.2019-cu il, 29.11.2018-ci il və 10.11.2019-cu il tarixli müqavilələr üzrə cəmi 931 manat ödənilməmiş borcu vardır. - “xxxx” MMC ilə Cavabdeh arasında bağlanmış 31.03.2019-cu il tarixli 00591602 nömrəli müqavilədən və ona əlavələrdən görünür ki, Cavabdeh “xxxx” MMC-dən kredit yolu ilə 129 manat ilkin ödəniş etməklə 1689 manat məbləğində Samsung Galaxy S10 markalı telefon əldə etmiş və həmin məbləği aylıq 130 manat olmaqla 12 ay ərzində “xxxx” MMC-yə ödəməyi öhdəsinə götürmüşdür. - 31.03.2019-cu il tarixli bildirişlərdən görünür ki, 31.03.2019-cu il tarixində bağlanmış müqavilənin bütün şərtləri tam şəkildə yerinə yetirilənə qədər müqavilədə göstərilən əşyaları sata, bağışlaya və hər hansı digər formada üçüncü şəxsə verilə bilməz. Yalnız ödənişi tam həcmdə etdikdən sonra, göstərilən müqavilənin predmetinə dair mülki hüquq müştəriyə keçir. Müştəri müqavilənin şərtlərini pozduğu halda, “ABC” “Mal”-ın geri qaytarılmasını tələb edə bilər və ya əşyanın istifadəsini mümkünsüz edə bilər. - Əşyaların Təhvil-Təslim Aktlarından görünür ki, Cavabdeh 00591602 nömrəli müqaviləyə əsasən telefonu tam qüsursuz halda təhvil almışdır. - “xxxx” MMC ilə Cavabdeh arasında bağlanmış 29.11.2018-ci il tarixli 00394447 nömrəli müqavilədən və ona əlavələrdən görünür ki, Cavabdeh “xxxx” MMC-dən kredit yolu ilə ilkin ödənişsiz 540 manat məbləğində Samsung Galaxy J6 markalı telefon əldə etmiş və həmin məbləği aylıq 36 manat olmaqla 15 ay ərzində “xxxx” MMC-yə ödəməyi öhdəsinə götürmüşdür. - 29.11.2018-ci il tarixli bildirişlərdən görünür ki, 29.11.2018-ci il tarixində bağlanmış müqavilənin bütün şərtləri tam şəkildə yerinə yetirilənə qədər müqavilədə göstərilən əşyaları sata, bağışlaya və hər hansı digər formada üçüncü şəxsə verilə bilməz. Yalnız ödənişi tam həcmdə etdikdən sonra, göstərilən müqavilənin predmetinə dair mülki hüquq müştəriyə keçir. Müştəri müqavilənin şərtlərini pozduğu halda, “ABC” “Mal”-ın geri qaytarılmasını tələb edə bilər və ya əşyanın istifadəsini mümkünsüz edə bilər. - Əşyaların Təhvil-Təslim Aktlarından görünür ki, Cavabdeh 00394447 nömrəli müqaviləyə əsasən telefonu tam qüsursuz halda təhvil almışdır. - “xxxx” MMC ilə Cavabdeh arasında bağlanmış 10.11.2019-cu il tarixli 01041537 nömrəli müqavilədən və ona əlavələrdən görünür ki, Cavabdeh “xxxx” MMC-dən kredit yolu ilə ilkin ödənişsiz 180 manat məbləğində Kenwood markalı şirəçəkən əldə etmiş və həmin məbləği aylıq 30 manat olmaqla 6 ay ərzində “xxxx” MMC-yə ödəməyi öhdəsinə götürmüşdür. - 10.11.2019-cu il tarixli bildirişlərdən görünür ki, 10.11.2019-cu il tarixində bağlanmış müqavilənin bütün şərtləri tam şəkildə yerinə yetirilənə qədər müqavilədə göstərilən əşyaları sata, bağışlaya və hər hansı digər formada üçüncü şəxsə verilə bilməz. Yalnız ödənişi tam həcmdə etdikdən sonra, göstərilən müqavilənin predmetinə dair mülki hüquq müştəriyə keçir. Müştəri müqavilənin şərtlərini pozduğu halda, “ABC” “Mal”-ın geri qaytarılmasını tələb edə bilər və ya əşyanın istifadəsini mümkünsüz edə bilər. - Əşyaların Təhvil-Təslim Aktlarından görünür ki, Cavabdeh 01041537 nömrəli müqaviləyə əsasən telefonu tam qüsursuz halda təhvil almışdır. - “xxxx” MMC-nin 08.05.2020-ci il tarixli xəbərdarlığının surətindən görünür ki, cavabdeh X1sa müddət ərzində borcunu ödəmədiyi təqdirdə barəsində məhkəmə qaydasında iddia qaldırılacağı barədə xəbərdar olunmuşdur. - 19.03.2021-ci il tarixli mədaxil qəbzindən görünür ki, iddia ərizəsinin verilməsi üçün “xxxx” MMC tərəfindən 30,00 manat dövlət rüsumu ödənilmişdir. Beləliklə, məhkəmə baxışında tədqiq olunmuş sübutlarla müəyyən edilmişdir ki, iddiaçı ilə cavabdeh arasında ilə 31.03.2019-cu il, 29.11.2018-ci il və 10.11.2019-cu il tarixli müqavilələr bağlanmışdır. Müqavilələrə əsasən cavabdeh iddiaçıdan cəmi 931 manat məbləğində əşyalar almışdır. Cavabdeh müqavilələrdə nəzərdə tutulmuş müddətlərdə, müqavilələrin şərtlərinə uyğun olaraq ödənişlərin vaxtlı-vaxtında ödənilməsini öhdəsinə götürmüş, müqavilələrin bağlandığı tarixlərdə də müqavilələrin predmeti olan əşyaları “xxxx” MMC-dən təhvil almışdır. Lakin cavabdeh müqavilələr ilə üzərinə düşən öhdəliklərə əməl etməmiş və iddiaçının bununla bağlı xəbərdarlıqlarını yerinə yetirməmişdir. Nəticədə cavabdehin iddiaçıya borcu yaranmışdır. Göründüyü kimi, cavabdeh borc müqavilələri üzrə üzərinə götürdüyü öhdəliyi vaxtında icra etməmiş, iddiaçıya olan borcunu müqavilə ilə nəzərdə tutulan vaxtda və qaydada ödəməmiş, bununla da müqavilənin şərtlərini pozmuşdur. Məhkəmə Azərbaycan Respublikası Mülki Məcəlləsinin 385.1, 386.1, 425.1, 427.3, 442, 443.1, 448.1, 462.1, 465.2, 548.2 və 600.1-ci maddələrinin tələblərinə və işin faktiki hallarına əsasən hesab edir ki, məhkəmədə müəyyən olunmuş faktiki hallar tərəflər arasındakı hüquqi münasibətlərə uyğun gəldiyindən, eləcə də alıcı-cavabdeh müqavilə üzrə satıcı-iddiaçı qarşısında öhdəlik götürdüyündən və alıcı-cavabdeh müqavilə üzrə onun risk dairəsinə daxil olan öhdəliklərin icra edilmədiyi bütün hallar üçün məsuliyyət daşıdığından, yaranmış borc məbləğini və digər xərcləri ödəməlidir. MPM-in: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir; 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir; 217.4-ci maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır; 284-5.3-cü maddəsinə əsasən kiçik iddialara dair ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Beləliklə, məhkəmə belə nəticəyə gəlir ki, iddia təmin edilməli, 31.03.2019-cu il tarixli müqaviləyə əsasən İMEİ kodu **********42795 olan Samsung Galaxy S10 markalı telefon üçün 523 (beş yüz iyirmi üç) manat ödənilməmiş hissə, 52 (əlli iki) manat cərimə, 29.11.2018-ci il tarixli müqaviləyə əsasən İMEİ kodu **********31168 olan Samsung Galaxy J6 markalı telefon üçün 144 (yüz qırx dörd) manat ödənilməmiş hissə, 14 (on dörd) manat cərimə, 10.11.2019-cu il tarixli müqaviləyə əsasən Kenwood markalı şirəçəkən üçün 180 (yüz səksən) manat ödənilməmiş hissə, 18 (on səkkiz) manat cərimə, ümumilikdə 931 manat borc, 30 manat ödənilmiş dövlət rüsumu, cəmi 961 manat Cavabdeh alınaraq “xxxx” Məhdud Məsuliyyətli Cəmiyyətinə ödənilməlidir. Qeyd olanlara əsasən və MPM-in 216-220, 284-6-cı maddələrini rəhbər tutaraq, məhkəmə QƏT ETDİ: İddia təmin edilsin. 31.03.2019-cu il tarixli müqaviləyə əsasən İMEİ kodu **********42795 olan Samsung Galaxy S10 markalı telefon üçün 523 (beş yüz iyirmi üç) manat ödənilməmiş hissə, 52 (əlli iki) manat cərimə, 29.11.2018-ci il tarixli müqaviləyə əsasən İMEİ kodu **********31168 olan Samsung Galaxy J6 markalı telefon üçün 144 (yüz qırx dörd) manat ödənilməmiş hissə, 14 (on dörd) manat cərimə, 10.11.2019-cu il tarixli müqaviləyə əsasən Kenwood markalı şirəçəkən üçün 180 (yüz səksən) manat ödənilməmiş hissə, 18 (on səkkiz) manat cərimə, ümumilikdə 931 manat borc, 30 manat ödənilmiş dövlət rüsumu, cəmi 961 manat Cavabdeh alınaraq “xxxx” Məhdud Məsuliyyətli Cəmiyyətinə ödənilsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində Bakı şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən Babək Qasımov