Bakı Şəhəri Nizami Rayon Məhkəməsi Qətnamə — İş №2(007)-2244/2021

Azərbaycan Respublikası adından QƏTNAMƏ Bakı şəhəri İş № 2(007)-2244/2021 01.06.2021 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Əliyeva Qumru Yəhya qızı, İddiaçı “xxxx” MMC-nin Cavabdeh qarşı “pul” tələbinə dair kiçik iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİM: İddiaçı “xxxx” MMC Cavabdeh qarşı kiçik iddia ərizəsi ilə məhkəməyə müraciət edərək, 21 sentyabr 2019-cu il tarixli müqaviləyə əsasən, “Xiaomi” markalı qulaqlıq və “Casio” markalı saat üçün 53 manat əsas borcun, 5 manat cərimənin, 22 sentyabr 2019-cu il tarixli müqaviləsinə əsasən, “Xiaomi” markalı qulaqlıq üçün 53 manat əsas borcun, 5 manat cərimənin, ümumilikdə isə 116 manat borc, 20 manat dövlət rüsumu olmaqla, cəmi 136 manat pulun Cavabdeh alınaraq, “xxxx” Məhdud Məhsuliyyətli Cəmiyyətinə ödənilməsi barədə qətnamə qəbul edilməsini xahiş etmişdir. İddiaçı iddia tələbini onunla əsaslandırmışdır ki, cavabdeh, “xxxx” MMC ilə 21 sentyabr 2019-cu il və 22 sentyabr 2019-cu il tarixli müqaviləsinə əsasən, “Xiaomi” markalı qulaqlıq, “Casio” markalı saat və “Xiaomi” markalı qulaqlıq almış və nəticədə 116 (yüz on altı) manat borc yaranmışdır. Cavabdeh 21 sentyabr 2019-cu il tarixli müqavilənin şərtlərini pozmuş və nəticədə alqı-satqı qiyməti 180 (yüz səksən) manat (yəni 12 ay x 15 manat + 0 manat ilkin ödəniş), “Xiaomi” markalı qulaqlıq və “Casio” markalı saat üçün ümumilikdə 58 (əlli səkkiz) manat olmaqla ondan 53 (əlli üç) manat ödənilməmiş hissə, müştəriyə güzəşt olunaraq 5 (beş) manat cərimə pulu borcu yaranmışdır. Cavabdeh 21 sentyabr 2019-cu il tarixli müqaviləsinə əsasən, “Casio” markalı saat 22 sentyabr 2019-cu il tarixinə qədər istifadə etdikdən sonra məhsul 108 manat qiymətləndirilib borcundan silinərək geri qaytarılmışdır. Cavabdeh 22 sentyabr 2019-cu il tarixli müqavilənin şərtlərini pozmuş və nəticədə alqı-satqı qiyməti 72 (yetmiş iki) manat (yəni 12 ay x 6 manat + 0 manat ilkin ödəniş), “Xiaomi” markalı qulaqlıq üçün ümumilikdə 58 (əlli səkkiz) manat olmaqla ondan 53 (əlli üç) manat ödənilməmiş hissə, müştəriyə güzəşt olunaraq 5 (beş) manat cərimə pulu borcu yaranmışdır. Cavabdehin cəmi ödədiyi məbləğ 146 manat təşkil edir. Ödəniş cədvəlinin 2-ci bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gıinünə hesablanmış 1%-i həcmində “Müştəri’' mübahisəsiz olaraq penya ödəyir. İş materiallarını araşdıraraq məhkəmə hesab edir ki, iddia təmin olunmalıdır. Belə ki, işə əlavə olunmuş “xxxx” MMC ilə Cavabdeh arasında bağlanmış 21 sentyabr 2019-cu il tarixli, 00927504 nömrəli müqavilədən və ona əlavə sənədlərdən görünür ki, MMC tərəfindən Cavabdeh ümumi dəyəri 180 manat olan, “Xiaomi” markalı qulaqlıq və “Casio” markalı saat satılmışdır. Cavabdeh müqaviləyə əlavə olunmuş ödəniş cədvəlində müəyyən olunmuş müddətdə və qaydada əşyaların dəyərini, o cümlədən müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəməyi öhdəsinə götürmüş, əşyanı həmin gün təhvil almışdır. İşə əlavə olunmuş “xxxx” MMC ilə Cavabdeh arasında bağlanmış 22 sentyabr 2019cu il tarixli, 00930733 nömrəli müqavilədən və ona əlavə sənədlərdən görünür ki, MMC tərəfindən Cavabdeh ümumi dəyəri 72 manat olan “Xiaomi” markalı qulaqlıq satılmışdır. Cavabdeh müqaviləyə əlavə olunmuş ödəniş cədvəlində müəyyən olunmuş müddətdə və qaydada əşyaların dəyərini, o cümlədən müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəməyi öhdəsinə götürmüş, əşyaları həmin gün təhvil almışdır. İşə əlavə olunmuş 02 aprel 2021-ci il tarixli maliyyə arayışından görünür ki, Cavabdeh 21 sentyabr 2019-cu il tarixli müqavilə üzrə əsas borc üzrə 53 manat, cərimə borcu üzrə 5 manat olmaqla, ümumilikdə 58 manat borcu vardır. Cavabdeh 22 sentyabr 2019-cu il tarixli müqavilə üzrə əsas borc üzrə 53 manat, cərimə borcu üzrə 5 manat olmaqla, ümumilikdə 58 manat borcu vardır. Hər iki müqavilə üzrə ümumilikdə 116 manat borcu vardır. İşə əlavə olunmuş 05 aprel 2021-ci il tarixli qəbzdən görünür ki, iddia ərizəsinin verilməsi üçün “xxxx” MMC tərəfindən 20 manat dövlət rüsumu ödənilmişdir. Azərbaycan Respublikası Mülki Məcəlləsinin: 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür; 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Mülki Məcəllənin 443.1-ci maddəsinə görə öhdəliyini icra etməyən borclu kreditora dəymiş zərərin əvəzini ödəməyə borcludur. Qeyd edilənlərlə müəyyən olundu ki, Cavabdeh 21 sentyabr 2019-cu il tarixli və 22 sentyabr 2019-cu il tarixli müqavilələr əsasında “xxxx” MMC-dən əşyalar (mal) almış, lakin müqavilələr üzrə ödənişləri tam həyata keçirməmiş, öhdəlikləri vaxtında icra etməmiş, edilmiş xəbərdarlığa baxmayaraq borcunu ödəməmişdir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Bundan başqa Mülki Prosessual Məcəllənin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Mülki Prosessual Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə xərcləri ilə əlaqədar məsələyə münasibətdə məhkəmə belə qənaətə gəlir ki, iddia təmin edildiyindən Azərbaycan Respublikası Mülki Prosessual Məcəlləsinin 119.1ci maddəsinə əsasən ödənilmiş dövlət rüsumu cavabdehə aid edilməlidir. Şərh olunanlara əsaslanaraq və Azərbaycan Respublikası MPM-nin 284-5, 284-6, 216-220-ci maddələrini rəhbər tutaraq, QƏT ETDİM: İddia təmin edilsin. 21 sentyabr 2019-cu il tarixli müqavilə üzrə 53 (əlli üç) manat əsas borc, 5 (beş) manat cərimə borcu və 22 sentyabr 2019-cu il tarixli müqavilə üzrə 53 (əlli üç) manat əsas borc, 5 (beş) manat cərimə borcu olmaqla, ümumilikdə 116 (yüz on altı) manat borc və ödənilmiş 20 (iyirmi) manat dövlət rüsumunun əvəzi Cavabdeh “xxxx” Məhdud Məsuliyyətli Cəmiyyətinin xeyrinə tutulsun. Qətnamədən rəsmi qaydada verildiyi gündən 1 (bir) ay müddətində Bakı şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən: Qumru Əliyeva