Bakı Şəhəri Nizami Rayon Məhkəməsi Qətnamə — İş №2(007)-2567/2021

Azərbaycan Respublikası adından QƏTNAMƏ Bakı şəhəri İş № 2(007)-2567/2021 21.06.2021 BAKI ŞƏHƏRİ NİZAMİ RAYON MƏHKƏMƏSİ Mən, Bakı Şəhəri Nizami Rayon Məhkəməsinin hakimi Mirzəyev Fikrət Xasay oğlu, İddiaçı "İddiaçı" MMC-nin Cavabdeh qarşı pul tələbinə dair kiçik iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİM: İddiaçı "İddiaçı" MMC Cavabdeh qarşı pul tələbinə dair kiçik iddia ərizəsi ilə məhkəməyə müraciət etmişdir. İddiaçı tələbini onunla əsaslandırmışdır ki, cavabdehlə “xxxx” MMC ilə bağlanmış 23.09.2019-cu il tarixli müqaviləyə əsasən, cavabdehə İMEİ kodu **********72829 olan «Samsung Galaxy A20» markalı telefon və 03.12.2019-cu il tarixli müqaviləyə əsasən, İMEİ kodu **********43853 olan «Samsung Galaxy A20s» markalı telefon satılmış və nəticədə 691 manat borc yaranmışdır. Cavabdeh 23.09.2019-cu il tarixli müqavilənin şərtlərini pozmuş və nəticədə alqı-satqı qiyməti 492 manat İMEİ kodu **********72829 olan «Samsung Galaxy A20» markalı telefon üçün ümumilikdə 316 manat olmaqla ondan 288 manat ödənilməmiş hissə, müştəriyə güzəşt olunmaqla 28 manat cərimə pulu borc yaranmışdır. Cavabdeh 03.12.2019-cu il tarixli müqavilənin şərtlərini pozmuş və nəticədə alqı-satqı qiyməti 518 manat İMEİ kodu **********43853 olan «Samsung Galaxy A20s» markalı telefon üçün ümumilikdə 375 manat olmaqla ondan 341 manat ödənilməmiş hissə, müştəriyə güzəşt olunaraq 34 manat cərimə pulu borcu yaranmışdır. Cavabdehin cəmi ödədiyi məbləğ 381 manat təşkil edir. Qeyd olunanlara əsasən 23.09.2019-cu il tarixli müqaviləyə görə İMEİ kodu **********72829 olan «Samsung Galaxy A20» markalı telefon üçün 288 manat ödənilməmiş hissə, 28 manat cərimə və 03.12.2019-cu il tarixli müqaviləyə əsasən, İMEİ kodu **********43853 olan «Samsung Galaxy A20s» markalı telefon üçün 341 manat ödənilməmiş hissə, 34 manat cərimə olmaqla, ümumilikdə 691 manat borc, 30 manat ödənilmiş dövlət rüsumu olmaqla, cəmi 721 manat Cavabdeh alınaraq “xxxx” Məhdud Məsuliyyətli Cəmiyyətinə ödənilməsi barədə qətnamə çıxarılması xahiş edilmişdir. Azərbaycan Respubikası Mülki Prosessual Məcəlləsinin: 284-cü maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. İşə əlavə olunmuş “xxxx” MMC ilə Cavabdeh arasında bağlanmış 23.09.2020-ci il tarixli 00932668 nömrəli müddətli (nisyə) alqı-satqı müqaviləsindən görünür ki, “xxxx” MMC tərəfindən Cavabdeh sahibliyinə və istifadəsinə İMEİ kod **********72829 olan «Samsung Galaxy A20» markalı telefon verilmişdir. Cavabdeh müddətli (nisyə) alqı-satqı müqaviləsi üzrə hesablanmış faizləri və əsas borc məbləğini tam və vaxtında ödəməyi öhdəsinə götürmüşdür. İşə əlavə olunmuş “xxxx” MMC ilə Cavabdeh arasında bağlanmış 03.12.2019-cu il tarixli 01096675 nömrəli müddətli (nisyə) alqı-satqı müqaviləsindən görünür ki, “xxxx” MMC tərəfindən Cavabdeh sahibliyinə və istifadəsinə İMEİ kod **********43853 olan «Samsung Galaxy A20s» markalı telefon verilmişdir. Cavabdeh müddətli (nisyə) alqı-satqı müqaviləsi üzrə hesablanmış faizləri və əsas borc məbləğini tam və vaxtında ödəməyi öhdəsinə götürmüşdür. İşə əlavə olunmuş 23.09.2019-cu il tarixli 00932668 nömrəli kredit müqaviləsinin ayrılmaz hissəsi hesab olunan ödəniş cədvəlindən görünür ki, müştəri hər ayın 1-dən gec olmayaraq 12 ay müddətinə 41 manat ödəniş etməlidir. İşə əlavə olunmuş 03.12.2019-cu il tarixli 01096675 nömrəli kredit müqaviləsinin ayrılmaz hissəsi hesab olunan ödəniş cədvəlindən görünür ki, müştəri hər ayın 3-dən gec olmayaraq 12 ay müddətinə 38 manat ödəniş etməlidir. İşə əlavə olunmuş “xxxx” MMC tərəfindən Cavabdeh göndərilmiş 08.09.2020-ci il tarixli xəbərdarlıq məktubundan görünür ki, Cavabdeh borcun ödənilməsi tələb olunmuş əks təqdirdə məhkəməyə müraciət olunacağı bildirilmişdir. İşə əlavə olunmuş “xxxx” MMC-nin 16.04.2021-ci il tarixli maliyyə arayışından görünür ki, Cavabdeh 23.09.2019-cu il tarixli 00932668 nömrəli kredit müqaviləsi üzrə 288 manat ödənilməmiş hissə, 28 manat cərimə, cəmi 316 manat və 03.12.2019-cu il tarixli 01096675 nömrəli kredit müqaviləsi üzrə 341 manat ödənilməmiş hissə, 34 manat cərimə, cəmi 375 manat, ümumilikdə 691 manat borcu vardır. İşə əlavə olunmuş 19.04.2021-ci il tarixli mədaxil qəbzindən görünür ki, “xxxx” MMC məhkəməyə müraciət etmək üçün 30,40 manat dövlət rüsumu ödəmişdir. Azərbaycan Respublikası Mülki Məcəlləsinin: 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Qeyd edilənlərlə müəyyən olundu ki, 23.09.2019-cu il tarixli 00932668 və 03.12.2019-cu il tarixli 01096675 nömrəli nömrəli müddətli (nisyə) alqı-satqı müqavilələrinə görə “xxxx” MMC tərəfindən Cavabdeh sahibliyinə və istifadəsinə İMEİ kod **********72829 olan «Samsung Galaxy A20» markalı telefon və İMEİ kod **********43853 olan «Samsung Galaxy A20s» markalı telefon verilmiş, Cavabdeh müqaviləyə əsasən borc məbləğini tam və vaxtında ödəməyi öhdəsinə götürsə də, borcun ödənilməsinə dair öhdəliyi vaxtında və lazımi qaydada icra etməmişdir. Bu barədə yazılı qaydada xəbərdar edilməsinə baxmayaraq cavabdeh öhdəliyi icra etməmişdir. Tərəflər arasında bağlanmış 23.09.2020 il tarixli 00932668 nömrəli müddətli (nisyə) alqı-satqı müqaviləsinin ayrılmaz hissəsi hesab olunan ödəniş cədvəli əsasında cavabdeh hər ayın 1-dən gec olmayaraq 12 ay müddətinə 41 manat və 03.12.2019-cu il tarixli 01096675 nömrəli kredit müqaviləsinin ayrılmaz hissəsi hesab olunan ödəniş cədvəli əsasında müştəri hər ayın 3-dən gec olmayaraq 12 ay müddətinə 38 manat ödəniş etməli olduğu halda öhdəliklərini vaxtıvaxtında və lazımi qaydada icra etməmişdir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası MPM-nin 284-5, 284-6, 216-220-ci maddələrini rəhbər tutaraq, QƏT ETDİM: İddia təmin edilsin. Cavabdeh 23.09.2019-cu il tarixli 00932668 nömrəli müqaviləyə əsasən, İMEİ kodu **********72829 olan «Samsung Galaxy A20» markalı telefon üçün 288 manat ödənilməmiş hissə, 28 manat cərimə, 03.12.2019-cu il tarixli müqaviləyə əsasən, İMEİ kodu **********43853 olan «Samsung Galaxy A20» markalı telefon üçün 341 manat ödənilməmiş hissə, 34 manat cərimə ümumilikdə cəmi 691 manat məbləğində pul və 30 manat ödənilmiş dövlət rüsumu "İddiaçı" MMC-nin xeyrinə tutulsun. Qətnamədən rəsmi qaydada verildiyi gündən 1 (bir) ay müddətində Bakı Şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim: Fikrət Mirzəyev