Bakı Şəhəri Nizami Rayon Məhkəməsi Qərardad — İş №2(007)-2925/2021

Azərbaycan Respublikası adından QƏRARDAD Bakı şəhəri İş № 2(007)-2925/2021 18.06.2021 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami rayon Məhkəməsinin hakimi Yusifova Ülkər Bayram qızı İddiaçı cavabdehlər Cavabdeh1, Qanuni nümayəndə, Cavabdeh3, Cavabdeh4, Cavabdeh5, Cavabdeh6 qarşı “mənzilə köçürülmə, mənzilin kirayəsindən gələn gəlirin bölgüsü və kənar şəxslərin çıxarılması” tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçı cavabdehlər Cavabdeh1, Qanuni nümayəndə, Cavabdeh3, Cavabdeh4, Cavabdeh5, Cavabdeh6 qarşı “mənzilə köçürülmə, mənzilin kirayəsindən gələn gəlirin bölgüsü və kənar şəxslərin çıxarılması” tələbinə dair ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi geri qaytarılmalıdır. Azərbaycan Respublikası Mülki Prosessual Məcəlləsinin 149.1-ci maddəsinə əsasən iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. 149.2. Ərizədə aşağıdakılar göstərilməlidir: 149.2.1. ərizənin verildiyi məhkəmənin adı; 149.2.2. işdə iştirak edən şəxslərin adları, onların poçt ünvanları; 149.2.3-cü maddəsinə iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb; 149.2.5-ci maddəsinə əsasən ərizəyə əlavə edilən sənədlərin siyahısı. Göründüyü kimi, iddiaçı tərəfindən qanunun bu tələbinə əməl edilməmişdir. Belə ki, iş materiallarına lazımi sənədlər –cavabdehlərin şəxsiyyət vəsiqələrinin notarial qaydada təsdiq edilmiş surəti, cavabdehlər barədə MAPS arayışı, mənzilə dair sənədlərin notarial qaydada təsdiq edilmiş surəti əlavə olunmamışdır. Cavabdehlərin şəxsiyyət vəsiqələrinin notarial qaydada təsdiq edilmiş surətlərini və cavabdehlərə dair MAPS arayışını ərizəyə əlavə edilmədiyindən cavabdehlərin harada qeydiyyatda olmasını və məhkəmə aidiyyətini müəyyən etmək mümkün olmamışdır. Bu hal ərizənin forma və məzmunun tələbinə riayət olunmadığına dəlalət etməklə yanaşı, məhkəməni mülki işin aidiyyətinin müəyyən edilməsi imkanından məhrum edir. Çünki, MPM-nin 35.1-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. MPM-nin 151.1-ci maddəsinə əsasən,iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.1.1-ci və 152.1.3-cü maddələrinə görə, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsi və ona əlavə edilmiş sənədləri geri qaytarır. MPM-nin: 108-ci maddəsinə əsasən iddia ərizələri verildikdə dövlət rüsumu yalnız elektron ödəniş sistemləri vasitəsilə ödənilməlidir; 150.0.2-ci maddəsinə əsasən dövlət rüsumunun ödənilməsi haqqında sənəd iddia ərizəsinə əlavə edilir; 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Belə olan halda məhkəmə bu qənaətə gəlir ki, İddiaçı qanunla müəyyən edilmiş məbləğdə dövlət rüsumu ödəməmiş və dövlət rüsumunun ödənilməsinə dair heç bir sənədi iddia ərizəsinə əlavə etməmişdir. Məhkəmə hesab edir ki, məhkəməyə müraciət edilərkən hər bir şəxs iddia ərizəsinə və ya onun verilməsinə dair MPM-lə müəyyən edilmiş qaydaya, formaya və məzmuna, həmin sənədlərə dair müəyyən edilmiş tələblərə əməl etməlidir. Beləliklə, hesab edirəm ki, qeyd olunan nöqsanlara görə iddia ərizəsi və ona əlavə edilmiş sənədlər geri qaytarılmalı, nöqsanlar aradan qaldırıldıqdan sonra ümumi qaydada aidiyyəti məhkəməyə müraciət etmək hüquqlarının olması iddiaçıya izah edilməlidir. Şərh olunanlara əsaslanaraq və Azərbaycan Respublikası MPM-nin 152, 263-264, 267-268-ci maddələrini rəhbər tutaraq, QƏRARA ALDİM: İddiaçı cavabdehlər Cavabdeh1, Qanuni nümayəndə, Cavabdeh3, Cavabdeh4, Cavabdeh5, Cavabdeh6 qarşı “mənzilə köçürülmə, mənzilin kirayəsindən gələn gəlirin bölgüsü və kənar şəxslərin çıxarılması” tələbinə dair birgə iddia ərizələri və ona əlavə edilmiş sənədlər geri qaytarılsın. Nöqsanları aradan qaldırdıqdan sonra təkrarən, ümumi qaydada aidiyyəti məhkəməyə müraciət etmək hüququ iddiaçılara izah edilsin. Qərardaddan tərəfə rəsmi qaydada verildikdən sonra 10 gün müddətində Bakı şəhəri Nizami rayon Məhkəməsinə şikayət verilə bilər. Hakim Ülkər Yusifova