Göygöl Rayon Məhkəməsi Qərardad — İş №2(066)-855/2025

Azərbaycan Respublikası adından QƏRARDAD Göygöl rayonu İş № 2(066)-855/2025 22.07.2025 GÖYGÖL RAYON MƏHKƏMƏSİ Hakim Mustafayev Rəşad Mustafa oğlunun sədrliyi, X1 iclas katibliyi, İddiaçı, cavabdehlər Cavabdeh1 və Cavabdeh2 iştirakları ilə, İddiaçı cavabdehlər Cavabdeh1, Cavabdeh2 və Cavabdeh3 qarşı “yaşayış sahəsinə köçürülməyi və cavabdehin əmlakı ilə birlikdə mülkdən çıxarılması və zəbtdən azad edilmə” tələbinə dair mülki işə açıq məhkəmə hazırlıq iclasında baxaraq, məhkəmə müəyyən etdi: İddiaçı Cavabdeh1,Cavabdeh2 və Cavabdeh3 qarşı “yaşayış sahəsinə köçürülməyi və cavabdehin əmlakı ilə birlikdə mülkdən çıxarılması və zəbtdən azad edilmə” tələbinə dair iddia ərizəsi ilə məhkəməyə müraciət edərək, ünvan 1 ünvanda yerləşən və onun mülkiyyətində olan evdən,mülkdən və köməkçi tikililərdən Cavabdeh1 ailə üzvləri və əmlakları ilə birlikdə öz şəxsi hesabına çıxarılması barədə və onun həmin ünvanda yerləşən əmlakına evinə köçürülməyi və əmlakının ona təhvil verilməsi barədə qətnamə qəbul edilməsini xahiş etmişdir. İşə məhkəmədə baxılarkən İddiaçı məhkəməyə ərizə təqdim edərək, hazırda iş üzrə cavabdehlərlə razılığa gəlməsini, iddia ərizəsi və ona əlavə edilmiş sənədlərin, eləcə də ödənilmiş dövlət rüsumunun ona qaytarılması barədə qərar çıxarılmasını xahiş etmişdir. Cavabdehlər Cavabdeh1 və Cavabdeh2 iddia ərizəsinin geri qaytarılmasına etiraz etmədiyini bildirdilər. Məhkəmə iş materiallarını araşdıraraq hesab edir ki, Azərbaycan Respublikası MPM-in 170.1-ci maddəsinə əsasən iddianın geri istənilməsi qəbul edilməli, iddia ərizəsi və ona əlavə edilmiş sənədlər, həmçinin iddia ərizəsi verilərkən ödənilmiş dövlət rüsumu iddiaçıya geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 170.1-ci maddəsinə əsasən bu Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Göstərilənlərə əsasən və Azərbaycan Respublikası MPM-nin 170.1, 263-264, 266- 268-ci maddələrini rəhbər tutaraq, məhkəmə qərara aldı: İddiaçı Cavabdeh1,Cavabdeh2 və Cavabdeh3 qarşı “yaşayış sahəsinə köçürülməyi və cavabdehin əmlakı ilə birlikdə mülkdən çıxarılması və zəbtdən azad edilmə” tələbinə dair iddia ərizəsi və ona əlavə edilmiş sənədlər geri qaytarılsın. İş üzrə "xxxx" ASC vasitəsi ilə xx.xx.2025-ci il tarixli, əməliyyat İD 859881155, qəbzin nömrəsi 25448, terminal nömrəsi K0183011, büdcə səviyyə kodu, GPP qəbzin nömrəsi **********, məhkəmənin hesabına ödənilmiş 100 (bir yüz) manat dövlət rüsumu Azərbaycan Respublikası Maliyyə Nazirliyi Göygöl Rayon Maliyyə şöbəsi tərəfindən İddiaçı geri qaytarılsın. Qərardaddan, qərardad tərəfə rəsmi qaydada verildikdən sonra 10 gün müddətində “Elektron məhkəmə” informasiya sistemində yaradılmış elektron kabinetə yerləşdirilməklə Göygöl Rayon Məhkəməsinə şikayət verilə bilər. Sədrlik edən: Rəşad Mustafayev