Bakı Şəhəri Nizami Rayon Məhkəməsi Qətnamə — İş №2(007)-3430/2020

Azərbaycan Respublikası adından QƏTNAMƏ Bakı şəhəri İş № 2(007)-3430/2020 29.12.2020 BAKI ŞƏHƏRİ NİZAMİ RAYON MƏHKƏMƏSİ Mən, Bakı Şəhəri Nizami Rayon Məhkəməsinin hakimi Əhmədova Həqiqət Mülazim qızı, İddiaçı "xxxx" MMC Cavabdeh qarşı “borcun tutulması” tələbinə dair kiçik iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİM: İddiaçı "xxxx" MMC Cavabdeh qarşı “borcun tutulması” tələbinə dair kiçik iddia ərizəsi ilə məhkəməyə müraciət etmişdir. İddiaçı tələbini onunla əsaslandırmışdır ki, Cavabdeh ilə "xxxx" MMC aralarında bağlanmış 23 sentyabr 2019-ci il tarixli, WS000124 saylı nisyə alqı-satqı müqaviləsinə əsasən, cavabdeh onlardan 1744 manat dəyərində “Samsung A 105 32DS (R)” markalı mobil telefonu əldə etmişdir bu şərtlə ki, 291 manat ilkin ödəniş edəcək, borcun 1453 manat qalan hissəsini isə, hər ay 161.44 manat olmaqla, 9 ay ərzində, cədvəl üzrə o, ödəyəcəkdir. Lakın, Cavabdeh üzərinə götürdüyü bu öhdəliyi yerinə yetirməmiş, müəyyən məbləğdə ödəniş etmiş, qalan 783.86 manat məbləğində ödəniş etməmişdir, MMC-yə borclu qalmışdır. Onun 12.03.2020-ci tarixə əsas borcun məbləği 783.86 manat, cərimə borcun məbləği 117.58 manat olmaqla, cəmi 901.44 manat məbləğində borcu qalmışdır."xxxx" MMC ilə "xxxx" MMC arasında imzanlanmış razılaşmaya əsasən, cavabdehin bu borcu "xxxx" MMC-nin hesabına keçirilməlidir. Ona görə də, bu məbləği və 30.40 manat məbləğində ödənilmiş dövlət rüsümün əvəzini cavabdehdən alınması və "xxxx" MMC-nin xeyrinə ödənilməsi barədə qətnamə çıxarılmasını xahiş etmişdir. İş materiallarını araşdıraraq məhkəmə hesab edir ki, iddia təmin olunmalıdır. Belə ki, işə əlavə olunmuş, "xxxx" MMC və Cavabdeh arasında bağlanmış 23 sentyabr 2019-ci il tarixli, WS000124 saylı nisyə alqı-satqı müqaviləsindən görünür ki, cavabdeh onlardan 1744 manat dəyərində “Samsung A 105 32DS (R)” markalı mobil telefonu əldə etmişdir bu şərtlə ki, 281 manat ilkin ödəniş etməklə, borcuq qalan hissəsini o, hər ay 161.44 manat olmaqla, 9 ay ərzində cədvəl üzrə ödəyəcəkdir. İşdə olan "xxxx" MMC və Cavabdeh arasında bağlanmış 23 sentyabr 2019-cu il tarixli, WS000124 saylı müqaviləyə əlavə edilmiş qəbzdən görünür ki, Cavabdeh tərəfindən ondan 23 sentyabr 2019-cu il tarixdə imza etməklə 1744 manat dəyərində “Samsung a105 32DS (R)” markalı mobil telefon əldə edilmişdir. İşdə olan maliyyə arayışından və ödəniş cədvəllərindən görünür ki, "xxxx" MMC və Cavabdeh arasında bağlanmış 23 sentyabr 2019-cu il tarixli, WS000124 saylı müqavilə üzrə cavabdehin iddiaçıya 783.85 manat əsas borcu və 117.58 manat cərimə borcu olmaqla, cəmi 901.44 manat məbləğində borcu qalmışdır. İşdə olan bildirişdən (pretenziyadan) görünür ki, iddiaçı "xxxx" MMC Cavabdeh onun MMC-yə borcu olduğunu və həmin borcun vaxtında ödənilmədiyi halda onun barəsində tərbir görüləcəyi bildirilmişdir. Azərbaycan Respublikası Mülki Məcəlləsinin: 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür; 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Mülki Məcəllənin 443.1-ci maddəsinə görə öhdəliyini icra etməyən borclu kreditora dəymiş zərərin əvəzini ödəməyə borcludur. Qeyd edilənlərlə müəyyən olundu ki, cavabdeh iddiaçı ilə bağladığı 23 sentyabr 2019-cu il tarixli nisyə alqı-satqı müqaviləsi üzrə üzərinə götürdüyü öhdəliyə əməl etməmiş, müəyyən edildiyi müddətdə qalan borcu ödəməmiş, kreditorun bununla bağlı tələb etdiyi vəzifəsini icra etməmişdir, hansı ki, o, iddiaçıya dəymiş zərərin əvəzini ödəməyə borclu olmaqla, qeyd edilən müqavilə üzrə onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası MPM-nin 284-5, 284-6, 216-220-ci maddələrini rəhbər tutaraq, QƏT ETDİM: İddia təmin edilsin. 23 sentyabr 2019-cu il tarixli, WS000124 saylı nisyə alqı-satqı müqavilə üzrə 783.86 manat əsas borcun, 117.58 manat cərimə olmaqla, cəmi 901.44 (doqquz yüz bir manat qırx dörd qəpik), eləcə də, ödənilmiş 30.40 manat dövlət rüsumunun əvəzi Cavabdeh "xxxx" Məhdud Məsuliyyətli Cəmiyyətinin xeyrinə tutulsun. Qətnamədən rəsmi qaydada verildiyi gündən 1 (bir) ay müddətində Bakı Şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1(bir) ay keçdikdən sonra qanuni qüvvəyə minir. Hakim: Həqiqət Əhmədova