Bakı Şəhəri Nizami Rayon Məhkəməsi Qətnamə — İş №2(007)-4001/2021

Azərbaycan Respublikası adından QƏTNAMƏ Bakı şəhəri İş № 2(007)-4001/2021 22.10.2021 BAKI ŞƏHƏRİ NİZAMİ RAYON MƏHKƏMƏSİ Mən, Bakı Şəhəri Nizami Rayon Məhkəməsinin hakimi Mirzəyev Fikrət Xasay oğlu, İddiaçı "xxxx" MMC-nin Cavabdeh qarşı pul tələbinə dair kiçik iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİM: İddiaçı "xxxx" MMC Cavabdeh qarşı pul tələbinə dair kiçik iddia ərizəsi ilə məhkəməyə müraciət etmişdir. İddiaçı tələbini onunla əsaslandırmışdır ki, cavabdehlə bağlanmış 21.04.2020-ci tarixli müqaviləyə əsasən HOFFMANN soyuducu almış və nəticədə 1660 manat borc yaranmışdır. Cavabdeh 21.04.2020-ci il tarixli müqavilənin şərtlərini pozmuş və nəticədə alqı-satqı qiyməti 2032.2 manat(18 ay x 107.9 manat + 90 manat ilkin ödəniş) olmaqla ondan 1509.2 manat ödənilməmiş hissə, müştəriyə güzəşt olunmaqla 150.8 manat cərimə pulu borc yaranmışdır.Cavabdehin cəmi ödədiyi məbləğ 523 manat təşkil edir. Qeyd olunanlara əsasən, 21.04.2020-ci tarixli müqaviləyə əsasən, HOFFMANN soyuducusu üçün 1509.2 manat ödənilməmiş hissə, 150.8 manat cərimə, cəmi 1660 manat borc, 30 manat ödənilmiş dövlət rüsumu Cavabdeh oğlundan alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılması xahiş edilmişdir. Azərbaycan Respubikası Mülki Prosessual Məcəlləsinin: 284-cü maddəsinə əsasən, mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. İşə əlavə olunmuş "xxxx" MMC ilə Cavabdeh arasında bağlanmış 21.04.2020-ci tarixli müqavilədən görünür ki, cavabdehin istifadəsinə və sahibliyinə HOFFMANN soyuducu verilmişdir. Cavabdeh müddətli (nisyə) alqı-satqı müqaviləsi üzrə hesablanmış faizləri və əsas borc məbləğini tam və vaxtında ödəməyi öhdəsinə götürmüşdür. İşə əlavə olunmuş 21.04.2020-ci tarixli müqavilənin ayrılmaz hissəsi hesab olunan ödəniş cədvəlindən görünür ki, müştəri hər ayın 26-dan gec olmayaraq 18 ay müddətinə 107.9 manat ödəniş etməlidir. İşə əlavə olunmuş "xxxx" MMC-nin 30.08.2021-ci il tarixli maliyyə arayışından görünür ki, Cavabdeh oğlunın 21.04.2020-ci tarixli kredit müqavilə üzrə 1509.2 manat ödənilməmiş hissə, 150.8 manat cərimə, cəmi 1660 manat borcu vardır. İşə əlavə olunmuş "xxxx" MMC tərəfindən Cavabdeh oğluna göndərilmiş 21.04.2021-ci il tarixli xəbərdarlıq məktubundan görünür ki, Cavabdeh oğlundan borcun ödənilməsi tələb olunmuş, əks təqdirdə məhkəməyə müraciət olunacağı bildirilmişdir. İşə əlavə olunmuş 31.08.2021-ci il tarixli mədaxil qəbzindən görünür ki, "xxxx" MMC məhkəməyə müraciət etmək üçün 30 manat dövlət rüsumu ödəmişdir. Azərbaycan Respublikası Mülki Məcəlləsinin: 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 448.1-ci maddəsinə əsasən, əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Qeyd edilənlərlə müəyyən olundu ki, iddiaçı "xxxx" MMC ilə Cavabdeh arasında 21.04.2020-ci tarixli müddətli alqı-satqı müqaviləsi bağlanmış,cavabdehin istifadəsinə və sahibliyinə HOFFMANN soyuducusu verilmişdir. Cavabdeh 21.04.2020-ci il tarixli müqavilənin şərtlərini pozmuş və nəticədə alqısatqı qiyməti 2032.2 manat (18 ay x 107.9 manat + 90 manat ilkin ödəniş) olmaqla ondan 1509.2 manat ödənilməmiş hissə, müştəriyə güzəşt olunmaqla 150.8 manat cərimə pulu borc yaranmışdır.Cavabdehin cəmi ödədiyi məbləğ 523 manat təşkil edir. Cavabdeh müqaviləyə əsasən borc məbləğini tam və vaxtında ödəməyi öhdəsinə götürsə də, borcun ödənilməsinə dair öhdəliyi vaxtında və lazımi qaydada icra etməmişdir. Bu barədə yazılı qaydada xəbərdar edilməsinə baxmayaraq cavabdeh öhdəliyi icra etməmişdir. Tərəflər arasında bağlanmış 21.04.2020-ci tarixli müddətli (nisyə) alqı-satqı müqaviləsinin ayrılmaz hissəsi hesab olunan ödəniş cədvəli əsasında hər ayın 26-dən gec olmayaraq 18 ay müddətinə 107.9 manat ödəniş etməli olduğu halda öhdəliklərini vaxtı-vaxtında və lazımi qaydada icra etməmişdir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası MPM-nin 284-5, 284-6, 216-220-ci maddələrini rəhbər tutaraq, QƏT ETDİM: İddia təmin edilsin. Cavabdeh 21.04.2020-ci tarixli müqaviləyə əsasən, HOFFMANN soyuducu üçün 1509.2 manat ödənilməmiş hissə, 150.8 manat cərimə, cəmi 1660 manat borc, 30 manat ödənilmiş dövlət rüsumu"xxxx" MMC-nin xeyrinə tutulsun. Qətnamədən rəsmi qaydada verildiyi gündən 1 (bir) ay müddətində Bakı Şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim: Fikrət Mirzəyev