Azərbaycan Respublikası adından QƏTNAMƏ Bakı şəhəri İş № 2(007)-4278/2025 19.01.2026 BAKI ŞƏHƏRİ NİZAMİ RAYON MƏHKƏMƏSİ Hakim Əliyeva Starə Vidadil qızının sədrliyi, Məhkəmə iclas katibi X3m katibliyi, İddiaçının nümayəndəsi Bairamova Ulkarın iştirakı ilə, İddiaçı cavabdeh "xxxx" ASC-yə qarşı “borcun silinməsi” tələbinə dair iddiası üzrə mülki işə məhkəmənin inzibati binasında, açıq məhkəmə iclasında baxaraq, məhkəmə aşağıdakı qətnaməni qəbul etdi. İddia tələbi :
1. İddiaçı cavabdeh "xxxx" ASC-yə qarşı “borcun silinməsi” tələbinə dair iddia ərizəsi ilə Bakı şəhəri Nizami rayon Məhkəməsinə müraciət edərək, məhkəmədən "xxxx" Açıq Səhmdar Cəmiyyəti tərəfindən əsassız yazılmış 430.95 manat borcun silinməsi barədə qətnamə çıxarılmasını xahiş edir.
İddia tələbinin əsaslandırıldığı hallar :
2. İddia tələbi onunla əsaslandırılmışdır ki, o, ünvan 1-da yaşayır. Həmin mənzilə dair bütün kommunal xidmətləri, o cümlədən işığın istifadəsi barədə müqavilə onun adınadır. Cavabdeh tərəfindən işığdan istifadə olunması üçün müqavilə bağlanmış, istifadə olunan işıq sərfiyyatını hesablamaq üçün işıq sayğacı quraşdırılmış və həmin sayğacın üzərinə plomb qoyulmuşdur. Hər ay "xxxx" Açıq Səhmdar Cəmiyyətinin əməkdaşı sayğaca baxış keçirir və istifadə etdiyi işığa görə qəbz təqdim edirlər. O, isə qəbzdə göstərilən məbləği, yəni işıq pulunu vaxtı-vaxtında ödəyir. Həmin mənzili o, X1 almışdır. Mənzil kommunal xidmətləri barədə onunla müqavilə bağlanarkən heç bir borc barədə ona məlumat verilmişdir. Lakin sonradan "xxxx" Açıq Səhmdar Cəmiyyətinin əməkdaşı mənzilin keçmiş mülkiyyətçinin 430.95 manat borcu olduğunu demişdir. **********70006 saylı abunə kodu üzrə 430.95 manat borc yazılmışdır.
İş materialları :
3. Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri Publik Hüquqi Şəxsi tərəfindən verilmiş xx.xx.2022-ci il tarixli, ********** qeydiyyat nömrəli Hüquqların Dövlət qeydiyyatı haqqında daşınmaz əmlakın Dövlət reyestrindən Çıxarışdan görünür ki ünvan 1 İddiaçı mülkiyyətindədir.
4. X2 ilə alıcı İddiaçı arasında bağlanmış AN-İ seriyalı, ******* nömrəli, xx.xx.2022-ci il tarixli “daşınmaz əmlakın alqı-satqı müqaviləsi”ndən görünür ki, ünvan 1 ünvanında yerləşən mənzil X2 tərəfindən alıcı İddiaçı satılmışdır.
5. "xxxx" ASC tərəfindən Ülkər Bayramovaya ünvanlanmış xx.xx.2025-ci il tarixli 13- 13/2-2/18-B-16165-5/2025 saylı məktubdan görünür ki, Sizin elektrik enerji sərfıyyatına görə yaranmış borcun araşdırılmasına dair “Azərişıq’’ASC-yə daxil olmuş müraciətinizə (xx.xx.2025-ci il tarixli, B-16165-5/2025 nömrəli) baxılmışdır. Bununla əlaqədar olaraq bildiririk ki, **********70006 nömrəli abunə kodu üzrə mənzilin elektrik enerji hesabatı haqqında Abunə vərəqi təhlil olunarkən məlum olmuşdur ki, mənzildə istehlak edilmiş, lakin ödənişi təmin edilməmiş elektrik enerjisinə görə xx.xx.2002-ci il tarixə kimi 100.01 manat və xx.xx.2006-cı il tarixə kimi 330.94 manat borc yaranmışdır. Bu borclar ödənişləri tələb olunmayan borclar qrafasına daxil edilmişdir.
6. ünvan 1 ünvanında yerləşdirilən sayğaca (abunə kodu: **********70006) dair abunə haqqından görünür ki, 430.95 manat borc vardır.
Tərəflərin izahatları :
7. Məhkəmə iclasında iştirak edən iddiaçının nümayəndəsi Bairamova Ulkar iddia ərizəsinin məzmununa uyğun izahat verərək məhkəmədən iddia tələbinin təmin edilməsini xahiş etmişdir.
8. Məhkəmə iclasının vaxtı və yeri barədə lazımi qaydada xəbərdar edilmiş cavabdeh "xxxx" ASC-nin nümayəndəsi məhkəmə iclasına gəlməmişdir.
İşin faktiki halları.
9. İddiaçı məxsus ünvan 1 ünvanına cavabdeh "xxxx" ASC tərəfindən xx.xx.1997-ci il tarixdə ******* nömrəli, xx.xx.2007-ci il və xx.xx.2009-cu il tarixlərində A330741707M74511 nömrəli işıq sayğaclar quraşdırılmışdır. İddiaçı məxsus mənzilə işıq sərfiyyatına görə xx.xx.2002-ci il tarixə kimi 100.01 manat və xx.xx.2006-cı il tarixə kimi 330.94 manat borc hesablanmışdır.
Məhkəmə baxışının hədləri:
10. Azərbaycan Respublikası Mülki Prosessual Məcəllənin :
14.2. Məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 77.1. Hər bir tərəf öz tələblərinin və etirazlarının əsası kimi istinad etdiyi halları sübut etməlidir. 217.3. Qətnamə iş üzrə müəyyən edilmiş hallara və tərəflərin qarşılıqlı münasibətinə uyğun əsaslandırılmalıdır. 217.4. Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. 218.3. Hakim işdə iştirak edən şəxslərin verdiyi tələblər üzrə qətnamə çıxarır.
Tətbiq edilən hüquq :
11. Azərbaycan Respublikası Mülki Prosessual Məcəllənin :
106.1. İşdə iştirak edən şəxslərin iş üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yanaşı yoxlanılmalı və qiymətləndirilməlidir. 106.3. Tərəfin tələb və etirazlarının əsaslandırdığı faktları digər tərəfin etiraf etməsi əks tərəfi gələcəkdə bu faktları sübut etmə vəzifəsindən azad edir. “Elektron məhkəmə” informasiya sisteminin tətbiq olunduğu məhkəmələrdə məhkəmə iclaslarının fasiləsiz audio yazısının aparıldığı hallar istisna olmaqla faktın etiraf olunması məhkəmə iclasının protokoluna yazılır və bu barədə etiraf edən tərəf protokola imza edir. Faktın etirafı yazılı ərizədə ifadə olunursa, həmin ərizə işə tikilir.
107. Məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. 119.1. məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. 220.4. Qətnamənin əsaslandırıcı hissəsində işin məhkəmə tərəfindən müəyyən edilən halları, işin halları barədə məhkəmənin əsaslandırıldığı sübutlar və məhkəmənin bu və ya digər sübutları və iclasda iştirak edən şəxslərin istinad etdiyi qanun və digər hüquqi aktları rədd etmək üçün gətirdiyi dəlillər, habelə məhkəmənin qətnamə çıxararkən rəhbər tutduğu qanunlar və digər hüquqi aktlar göstərilməlidir.
12. “Elektrik enerjisindən istifadə Qaydaları”nın təsdiq edilməsi haqqında Azərbaycan Respublikası Nazirlər Kabinetinin Qərarı:
1.2. Bu Qaydalar “Enerji resurslarından istifadə haqqında”, “Elektroenergetika haqqında”, “Energetika haqqında” Azərbaycan Respublikasının qanunlarına və digər qanunvericilik aktlarına əsasən tərtib edilmiş və dövlət elektroenergetika müəssisəsi, enerjitəchizatı müəssisələri, müstəqil enerji istehsalçıları, elektrik enerjisi istehlakçıları arasındakı qarşılıqlı münasibətləri müəyyənləşdirir. Bu Qaydaların icrası tabeliyindən, mülkiyyət formasından, maliyyə mənbəyindən asılı olmayaraq dövlət elektroenergetika müəssisəsi, enerjitəchizatı müəssisələri, müstəqil enerji istehsalçıları və elektrik enerjisi istehlakçıları üçün məcburidir. 7.10. Yaşayış evlərində və yaşayış binalarında məişət abonentlərinin mənzillərindəki istismarda olan hesablaşma elektrik sayğacları enerji təchizatı müəssisəsinin vəsaiti hesabına çıxarılaraq, yaşayış evlərinin hasarının xarici tərəfində (hasar olmadıqda evin fasadında), yaşayış binalarının mənzillərinin girişində, yaxud həmin mənzillərin pilləkən meydançalarında quraşdırılmalıdır. Yeni yaşayış evlərində və yaşayış binalarında məişət abonentlərinin elektrik sayğacları yaşayış evlərinin hasarının xarici tərəfində (hasar olmadıqda evin fasadında), yaşayış binalarının mənzillərinin girişində, yaxud həmin mənzillərin pilləkən meydançalarında kənardan müdaxilə imkanı olmayan elektrik lövhəsində quraşdırılmalıdır. 7.11. Yaşayış evlərinin hasarının xarici tərəfində (hasar olmadıqda evin fasadında), yaşayış binalarının girişində, yaxud pilləkən meydançalarında quraşdırılmış mənzillər üzrə hesablaşma elektrik sayğaclarının, o cümlədən üzərindəki plombların qorunmasına və işçi vəziyyətdə saxlanılmasına görə enerjitəchizatı müəssisəsi cavabdehlik daşıyır. Enerjitəchizatı müəssisəsi yaşayış evlərinin hasarının xarici tərəfində (hasar olmadıqda evin fasadında), yaşayış binalarının girişində, yaxud pilləkən meydançalarında quraşdırılmış mənzillər üzrə hesablaşma elektrik sayğaclarının göstərişlərinə baxış keçirilməsi üçün məişət abonentlərinə şərait yaratmağa borcludur. 8.2. Enerji təchizatı müəssisəsi istehlakçıya verdiyi elektrik enerjisinin dəyərini yalnız sayğacın göstəricilərinə əsasən tam hesablamalı və hər ay istehlakçıya məlumat (hesab) təqdim etməlidir (göndərməlidir). İstehlakçı tərəfindən elektrik enerjisinin hesabı tam ödənildikdən sonra, enerji təchizatı müəssisəsi tərəfindən yol verilmiş səhvə görə düzgün hesablanmamış elektrik enerjisinin dəyərini enerji təchizatı müəssisəsi istehlakçı tərəfindən ödənilməsini tələb edə bilməz. 8.17. İstehlakçı (o cümlədən məişət abonenti) tərəfindən elektrik enerjisinin talanması məqsədilə hesablaşma elektrik sayğacları zədələndikdə (plomb qoparıldıqda, baxış şüşəsi sındırıldıqda, gövdəsi zədələndikdə və sayğaca vizual baxış nəticəsində qüsurun müəyyən edilməsi mümkün olan digər hallarda), sayğacların qoşulma sxemləri pozulduqda, enerji təchizat müəssisəsi tərəfindən bu Qaydaların 7.18-ci və 7.19-cu bəndləri nəzərə alınmaqla, pozuntu aradan qaldırılmalı və bu Qaydaların 10.18.9-2-ci yarımbəndinə uyğun olaraq elektrik sayğaclarına və onların qoşulma sxeminin işlək və toxunulmaz vəziyyətdə olmasını müəyyən etmək məqsədilə keçirilmiş sonuncu baxış tarixindən üç aydan çox olmayan müddətdə istifadə edilmiş elektrik enerjisinin dəyəri elektrik qəbuledicilərinin gücü məişət abonentlərinə münasibətdə sutkanın 24 saatı, digər istehlakçılara münasibətdə isə onların işləmə saatı nəzərə alınmaqla yenidən hesablanır.
13. Azərbaycan Respublikası Mənzil Məcəlləsi :
135.1 Fiziki və hüquqi şəxslər, həmçinin belə xidmətlərdən istifadə edən dövlət orqanları, bələdiyyələr və digər təşkilatlar yaşayış sahəsinə və kommunal xidmətlərə görə haqqı vaxtında və tam məbləğdə ödəməyə borcludurlar.
Məhkəmənin mövqeyi :
14. Məhkəmə iddia ərizəsini və işin faktiki hallarını araşdıraraq, iş materiallarını tədqiq edərək və işdə olan sübutları qiymətləndirərək qeyd edir ki, iddia tələbi təmin edilməlidir.
15. İddiaçı cavabdeh "xxxx" ASC-yə qarşı olan “borcun silinməsi” tələbini onun mülkiyyətində olan mənzilə, mənzilin əvvəlki mülkiyyətçisinin sahibliyi dövründə yazılmış və tələb edilməyən borclar qrafasına daxil edilmiş borcun cavabdeh tərəfindən silinməməsi ilə əsaslandırmışdır.
16. İşin məhkəmə tərəfindən tədqiq edilən faktiki hallarından görünür ki, İddiaçı abonent olaraq qeydiyyata alındığı **********70006 nömrəli abunə kodu üzrə işıq sərfiyyatına görə 430.95 manat borc vardır.
17. İşin məhkəmə tərəfindən tədqiq edilən faktiki hallarından görünür ki, İddiaçıun mülkiyyətində ünvan 1 ünvanına işıq sərfiyyatına görə xx.xx.2002-ci il tarixə kimi 100.01 manat və xx.xx.2006-cı il tarixə kimi 330.94 manat borc hesablanmışdır. Qeyd edilən borc "xxxx" ASC tərəfindən tələb edilməyən borclar qrafasında daxile dilmişdir. Cavabdeh tərəfindən həmin borc yalnız Abunə vərəqində ad dəyişikliyi edilərkən və ya borcun olmaması barədə arayış alınarakən tələb edilir. Hazırda iddiaçı tərəfindən ona məxsus olan mənzilə dair abunə kodunun onun adına dəyişdirilməsi üçün Cavabdeh təşkilata müraciət etmiş, lakin həmin borc silinmədiyindən iddiaçı məhkəməyə müraciət etmişdir.
18. Mülki iş materialları və cavabdehin məktubuna əsasən müəyyən edilmişdir ki, yazılmış borc “tələb olunmayan borclar” qrafasına aid edilməsinə baxmayaraq, qeyd edilən borcun silinməsi orqanının səlahiyyətində deyil.
19. Məhkəmə qeyd edir ki, ödənişi tələb edilməyən borclar qrafasına daxil edilmiş borc məbləğinin silinməməsi hazırda iddiaçının hüquqlarını pozur.
20. Beləliklə, məhkəmə qanunvericiliyin tələblərinə istinad edib tədqiq olunmuş sübutları qiymətləndirərək belə qənaətə gəlir ki, iddia ərizəsi təmin edilməli **********70006 abunə kodu üzrə hesablanmış və ödənişi tələb edilməyən borc abonentin hesabından silinməlidir.
21. Yuxarıda qeyd edilənlərə əsasən məhkəmə qeyd edir ki, iddia tələbi təmin edilməli və cavabdeh "xxxx" ASC tərəfindən ünvan 1 ünvanına (Abunə kodu: **********70006) aid edilən və ödənişi tələb edilməyən borclar qrafasına daxil edilmiş 430.95 manat borc silinməlidir.
Məhkəmə Xərcləri :
22. “Dövlət rüsumu haqqında Qanunun” 9.1.5-ci maddəsinə əsasən istehlakçıların hüquqlarının pozulması ilə əlaqədar verdikləri iddialar üzrə iddiaçılar dövlət rüsumu ödəməkdən azad olduqları üçün hazırki iddia tələbi üzrə məhkəmə xərcləri dövlət büdcəsinə aid edilməlidir.
Nəticə :
23. Beləliklə, məhkəmə qanunvericiliyin tələblərinə əsasən iş üzrə toplanmış sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verərək qeyd edir ki, iddia tələbi təmin edilməli və cavabdeh "xxxx" ASC tərəfindən İddiaçı abonent olaraq qeydiyyata alındığı **********70006 nömrəli abunə kodu üzrə yaranmış və ödənişi tələb edilməyən borclar qrafasına daxil edilmiş 430.95 manat borc silinməlidir.
24. Məhkəmə xərcləri dövlət büdcəsinə aid edilməlidir. 25.Göstərilənlərə əsasən və Azərbaycan Respublikası Mülki Prosessual Məcəlləsinin 216-220, 284-5, 284-6, 360-cı maddələrini rəhbər tutaraq, məhkəmə
QətEtdi: İddia tələbi təmin edilsin. İddiaçı məxsus ünvan 1 ünvanına (**********70006 nömrəli abunə kodu üzrə) yazılmış və ödənişi tələb edilməyən borclar qrafasına daxil edilmiş 430.95 manat borc silinsin. Məhkəmə xərcləri dövlət büdcəsinə aid edilsin. Qətnamədən, məhkəmə qətnaməsi işdə iştirak edən şəxslərə rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılan elektron kabinet vasitəsi ilə Bakı şəhəri Nizami rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir.
Hakim Starə Əliyeva