Bakı Şəhəri Sabunçu Rayon Məhkəməsi Qərardad — İş №2(008)-5241/2021

Azərbaycan Respublikası adından QƏRARDAD Bakı şəhəri İş № 2(008)-5241/2021 27.07.2021 BAKI ŞƏHƏRİ SABUNÇU RAYON MƏHKƏMƏSİ Hakim Əsədova Tahirə Əlif qızının sədrliyi ilə, Məhkəmə iclas katibi X4, Ərizəçi iştirakları ilə Ərizəçi maraqlı şəxs Azərbaycan Respublikası Qəbələ rayonu «Asan Xidmət» qeyd olunmaqla sənədin eyni şəxsə məxsus olması faktının müəyyən edilməsı barədə ərizə üzrə mülki işə açıq məhkəmə iclasında baxaraq, MÜƏYYƏN ETDİ: Ərizəçi maraqlı şəxs Azərbaycan Respublikası Qəbələ rayonu «Asan Xidmət» qeyd olunmaqla torpağın mülkiyyətə verilməsinə dair göstərilən JN-006A və JN-006B şəhadətnamələrində X1 qeyd olunmuş adın, soyadın, atasının adının Ərizəçi eyni şəxsə aid olduğuna dair müvafiq qərarın qəbul edilməsini xahiş etmişdir. Məhkəmə hazırki ərizənin aidiyyət qaydalarına riayət edilib-edilməməsi məsələsini ərizəçinin müzakirəsinə çıxardır. Məhkəmə iclasında Ərizəçi izahat verərək qeyd etdi ki, onun qeydiyyatının Sumqayıt şəhəri olmasına baxmayaraq faktiki olaraq Sabunçu rayonunda yaşayır və aidiyyəti üzrə başqa məhkəməyə göndərilməyə dair etirazını bildirdi. Məhkəmə ərizəçini dinləyib və iş materiallarını araşdırıb hesab edir ki, mülki iş baxılması üçün ərazi aidiyyətınə görə, Sumqayıt şəhər Məhkəməsinə göndərilməlidir. Belə ki, Azərbaycan Respublikası Mülki-Prosessual Məcəlləsinin 309.1-ci maddəsinə əsasən hüquqi əhəmiyyətli olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Ərizəsinin şəxsiyyət vəsiqəsindən onun Sumqayıt şəhərində qeydiyyatda olduğu görünür. Ərizəçi Sabunçu rayonunda yaşamasına dair hər-hansı bir sübut məhkəməyə təqdim etməmişdir. Azərbaycan Respublikası Mülki Prosessual Məcəlləsinin 31.1-ci maddəsinə əsasən aidiyyət qaydalarının pozulmasına yol verilmir. Həmin Məcəllənin 44.2 və 44.2.2-ci maddələrinə əsasən iş həmin məhkəmədə baxıldığı zaman onun aidiyyət qaydalarının pozulması ilə icraata qəbul edildiyi aşkar olarsa məhkəmə işi başqa məhkəmədə baxılmağa verir. Həmin Məcəllənin 45.4-cü maddəsinə əsasən bir məhkəmədən digərinə göndərilən iş, onun göndərildiyi məhkəmə tərəfindən baxılmağa qəbul edilməlidir. Məhkəmələr arasında ərazi aidiyyətinə dair mübahisələrə yol verilmir. Azərbaycan Respublikası Ali Məhkəmənin 10 aprel 2015-ci il tarixli, 4 nömrəli “İnzibati və mülki hüquq münasibətlərindən irəli gələn mübahisələrin məhkəmə aidiyyətinə dair” qərarına əsasən Azərbaycan Respublikası Konstitusiya Məhkəməsi "Azərbaycan Respublikası Mülki Prosessual Məcəlləsinin 30-cu maddəsinin şərh edilməsinə dair" 28 mart 2013-cü il tarixli Qərarında qeyd etmişdir ki, "Məhkəmə aidiyyəti ədalət mühakiməsinin həyata keçirilməsi zamanı şəxsin hüquqlarının və qanuni maraqlarının əsas prosessual təminatlarından biri kimi qəbul olunur. (...) hüquq və azadlıqların məhkəmə təminatı hüququ ilk növbədə, qanunla müəyyən edilmiş müvafiq yurisdiksiyalı məhkəmələr tərəfindən işə baxılmasını nəzərdə tutur. (...) Məhkəmə icraatının növündən asılı olaraq məhkəmə prosesi xüsusi prinsiplər və prosessual qaydalara müvafiq aparılır. Bu prinsip və prosessual normalara riayət edilməsi mübahisənin ixtisaslaşdırılmış qaydada ədalətli həll edilməsinə şərait yaradır. Məhz ona görə mübahisəyə müvafiq məhkəmə aidiyyəti qaydasında baxılması konstitusion baxımdan ciddi əhəmiyyət kəsb edir. Yuxarıda göstərilənlərə əsasən məhkəmə hesab edir ki, mülki iş baxılması üçün ərazi aidiyyətı üzrə Sumqayıt şəhər Məhkəməsinə göndərilməlidir. Şərh olunanları və Azərbaycan Respublikası MPM-nin 35, 44, 45, 309.1, 263-264, 268-ci maddələrini rəhbər tutaraq Q ƏRARA ALDİ: Ərizəçi ərizəsi üzrə mülki iş baxılması üçün ərazi aidiyyətı üzrə Sumqayıt şəhər Məhkəməsinə göndərilsin. Qərardaddan 10 gün müddətində Bakı şəhəri Sabunçu Rayon Məhkəməsinə şikayət verilə bilər. Hakim Tahirə Əsədova