Bakı Şəhəri Səbail Rayon Məhkəməsi Qərardad — İş №2(009)-543/2023

Azərbaycan Respublikası adından QƏRARDAD Bakı şəhəri İş № 2(009)-543/2023 02.02.2023 BAKI ŞƏHƏRİ SƏBAİL RAYON MƏHKƏMƏSİ Hakim Abdullayev Şahin Zülfüqar oğlunun sədrliyi ilə , Ərizəçi maraqlı şəxs Azərbaycan Respublikası Daxili İşlər Nazirliyinin Daxili Qoşunlarına qarşı hüquqi əhəmiyyətli faktın müəyyən edilməsi tələbinə dair xüsusi icraat qaydasında verdiyi ərizəsinə baxaraq… MÜƏYYƏN ETDİ: Ərizəçi maraqlı şəxslər Azərbaycan Respublikası Daxili İşlər Nazirliyinin Daxili Qoşunlarına qarşı hüquqi əhəmiyyətli faktın müəyyən edilməsi tələbinə dair ərizə ilə məhkəməyə müraciət edərək onun xx.xx.1989-cu il tarixdən xx.xx.1993-cü il tarixədək Daxili İşlər Nazirliyinin Daxili Qoşunlarında xidmətdə olması barədə faktın müəyyən edilməsinə dair qətnamə qəbul edilməsini xahiş etmişdir. Hakim iş materillarını araşdırıb qeyd edir ki, ərizəçi tərəfindən irəli sürülmüş tələbə məhkəmə qaydasında baxılmalı olmadığından, iddianın yolverilməzliyinə görə ərizənin icraata qəbul edilməsindən imtina edilməlidir. Hakim qeyd edir ki, Azərbaycan Respublikası Ali Məhkəməsi Plenumunun «Hüquqi əhəmiyyətli olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında» xx.xx.2019-cu il tarixli 03 saylı qərarının 14-cü bəndinə əsasən məhkəmələr nəzərə almalıdırlar ki, müvafiq qanunvericiliklə başqa qaydada müəyyən edilməsi nəzərdə tutulan hərbi xidmət keçmə, döyüş əməliyyatlarında iştirak etmə, döyüşlərdə yaralanma, müharibə iştirakçısı, müharibə veteranı kimi tanınma, əmək qabiliyyətinin itirilməsinin səbəb və dərəcəsi, əlilliyin baş verməsi anı və əlillik qrupları, xəstəyə qulluq etmə, yaşın müəyyən edilməsi, eləcə də, hər hansı təhsil müəssisəsini bitirmə kimi hüquqi əhəmiyyətli faktların məhkəmə qaydasında müəyyən edilməsi yolverilməzdir. Hakim həmçinin qeyd edir ki, ərizəçinin müəyyən edilməsi xahiş etdiyi hüquqi faktın məhkəmə qaydasında müəyyən edilməsi nəzərdə tutulmayıb və bu səbəbdən həmin ərizəyə məhkəmə qaydasında baxıla bilməz. Ərizədə müəyyən edilməsi xahiş olunan məsələnin həlli müvafiq icra hakimiyyəti orqanlarının səlahiyyətinə aiddir. Əgər icra hakimiyyəti orqanının vəzifəli şəxsi həmin halın təsdiq və müəyyən edilməsinin qeyri-mümkünlüyü barədə müraciətə müsbət cavab verməzsə, bu hal müvafiq inzibati məhkəmənin araşdırma predmeti ola bilər. Hakim həmçinin qeyd edir ki, ərizəçi həmin faktın müəyyən edilməsini ona nə üçün lazım olmasını ərizədə göstərməmişdir. AR MPM-nin 310-cu maddəsinə əsasən ərizədə həmin faktın müəyyən edilməsinin ərizəçiyə nə məqsəd üçün lazım olduğu göstərilməlidir. AR MPM-nin 153.2.1-ci maddəsinə əsasən ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə, hakim iddianın yolverilməzliyinə görə iddia ərizəsini qəbul etməkdən imtina edir. Həmin Məcəllənin 153.3-cü maddəsinə əsasən hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında baxılmalı deyildirsə, iddiaçının hansı orqana müraciət etməli olmasını orada göstərir. Hakim qeyd edir ki, ərizəçiyə müvafiq məsələnin həlli ilə bağlı maraqlı şəxs qismində göstərdiyi müvafiq icra hakimiyyəti orqanlarına müraciət etməsi, həmin məsələnin müsbət həllindən imtina edildiyi təqdirdə müvafiq inzibati məhkəməsinə müraciət etmək hüququ izah edilməlidir. Şərh olunanlara əsasən və AR MPM-nin 153-cü madədsini rəhbər tutaraq, məhkəmə… QƏRARA ALDİ: Ərizəçi maraqlı şəxs Azərbaycan Respublikası Daxili İşlər Nazirliyinin Daxili Qoşunlarına qarşı hüquqi əhəmiyyətli faktın müəyyən edilməsi tələbinə dair xüsusi icraat qaydasında verdiyi ərizəsinin məhkəmə icraatına qəbulu, qərardadın əsaslandırıcı hissəsində göstərilənlər nəzərə alınmaqla yolverilməz hesab olunsun və ərizə sənədlərlə birlikdə geri qaytarılsın. Ərizəçiyə müvafiq məsələnin həlli ilə bağlı maraqlı şəxs qismində göstərdiyi müvafiq icra hakimiyyəti orqanlarına müraciət etməsi, həmin məsələnin müsbət həllindən imtina edildiyi təqdirdə müvafiq inzibati məhkəməsinə müraciət etmək hüququ izah edilsin. Qərardaddan 10 gün müddətində Səbail rayon Məhkəməsinə şikayət verilə bilər. Qeyd: Şikayət elektron sistem vasitəsi ilə verilmədikdə AR MPM-nin 363.1.5-ci maddəsinə əsasən geri qaytarılacaqdır. Hakim: Şahin Abdullayev