Bakı Şəhəri Səbail Rayon Məhkəməsi Qərardad — İş №2(009)-870/2021

Azərbaycan Respublikası adından QƏRARDAD Bakı şəhəri İş № 2(009)-870/2021 26.02.2021 BAKI ŞƏHƏRİ SƏBAİL RAYON MƏHKƏMƏSİ Mən, Səbail rayon Məhkəməsinin hakimi Bağırova Mədinə Ağacavad qızı, İddiaçı cavabdehlər «X1 Mərkəzi» MMC və Cavabdeh2 ASC-ə qarşı hərracın və onun hüquqi nəticələrinin etibarsız hesab edilməsi barədə iddia ərizəsini və ərizəyə əlavə olunmuş sənədləri nəzərdən keçirərək, MÜƏYYƏN E T D İ M: İddiaçı cavabdehlər «X1 Mərkəzi» MMC və Cavabdeh2 ASC-yə qarşı iddia ərizəsi ilə məhkəməyə müraciət edərək Cavabdeh2 ASC-nin ünvan 1 ünvanındakı xüsusi mülkiyyətində olan ev mülkünün açıq hərracda alqı-satqı müqaviləsinin rəsmiləşdirilməsinə səbəb olmuş «X1 Mərkəzi» tərəfindən keçirilmiş protokolun, hərracın yekunları üzrə əmlakın alqı-satqısı barədə müqavilənin və onun hüquqi nəticələri etibarsız hesab edilməsi barədə qətnamə çıxarılmasını xahiş etmişdir. İddiaçı iddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikası MPM-nin 149.2.3-cü maddəsinə əsasən, iddia ərizəsində iddiaçının tələbi, onun öz tələblərini əsaslandırdığı hallar, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Həmin Məcəllənin 149.2.5-ci maddəsinə görə, ərizəyə əlavə edilən sənədlərin siyahısı göstərilməlidir. İddia ərizəsindən görünür ki, iddiaçının öz tələblərini əsaslandırdığı hallara dair sənədlər (hərracın nəticələri haqqında protokolun və s.sənədlərin surəti) iddia ərizəsinə əlavə edilməmişdir. Azərbaycan Respublikası MPM-nin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.1.1-ci maddəsinə görə, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə iddia ərizəsi və ona əlavə olunmuş sənədlər geri qaytarılır. Adı çəkilən Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsaslanaraq və Azərbaycan Respublikası MPM-nin 152-ci maddəsini rəhbər tutaraq, Q Ə R A R A A L D İ M: İddiaçı cavabdehlər «X1 Mərkəzi» MMC və Cavabdeh2 ASC-ə qarşı hərracın və onun hüquqi nəticələrinin etibarsız hesab edilməsi barədə iddia ərizəsi və ərizəyə əlavə olunmuş sənədlər geri qaytarılsın. İddiaçıya izah olunsun ki, qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüquqları vardır. Qərardaddan 10 (on) gün müddətində Səbail rayon Məhkəməsinə şikayət verilə bilər. Hakim Mədinə Bağırova