Azərbaycan Respublikası adından QƏRARDAD Bakı şəhəri İş № 2(010)-1811/2024 23.02.2024 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı Rayon Məhkəməsinin hakimi Mahmudova Təranə Nəriman qızı Ərizəçi “oğlunun onun himayəsinə və qəyyumluğuna verilməsi”nə məhkəməyə daxil olmuş ərizəsinin məhkəmə icraatına götürülməsinin mümkünlüyünə baxaraq, məhkəmə aşağıdakı qərarı qəbul etdi. Ərizəçinin tələbi
1. Ərizəçi “oğlunun onun himayəsinə və qəyyumluğuna verilməsi”nə dair ərizə ilə məhkəməyə müraciət edərək, oğlunun xəstəliyini nəzərə alaraq onun himayəsinə və qəyyumluğuna verilməsi barədə qətnamə çıxarılmasını xahiş etmişdir.
Tətbiq edilən hüquq
2. Azərbaycan Respublikası Mülki-Prosessual Məcəlləsi
Maddə 153. İddianın yolverilməzliyinə görə iddia ərizəsini qəbul etməkdən imtina 153.2. Hakim aşağıdakı hallarda iddianın yolverilməzliyinə görə iddia ərizəsini qəbul etməkdən imtina edir: 153.2.1. ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə. 153.3. Hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında və ya mülki məhkəmə icraatı qaydasında baxılmalı deyildirsə, iddiaçının hansı orqana və ya məhkəməyə müraciət etməli olmasını orada göstərir. 153.4. Ərizəni qəbul etməkdən imtina haqqında qərardad ərizəyə əlavə olunmuş bütün sənədlərlə birlikdə ərizəçiyə rəsmi qaydada verilməlidir. 153.5. Ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. 153.6. İddia ərizəsini qəbul etməkdən imtina barədə qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi ilk gündən verilmiş hesab edilir. Maddə 305. Məhkəmənin xüsusi icraat qaydasında baxdığı işlər 305.1. Məhkəmə xüsusi icraat qaydasında aşağıdakı işlərə baxır: 305.1.3. şəxsin məhdud fəaliyyət qabiliyyətli və ya fəaliyyət qabiliyyəti olmayan hesab edilməsi haqqında.
Məhkəmənin mövqeyi
3. Məhkəmə ərizəni və ona əlavə edilmiş sənədləri nəzərdən keçirib hesab edir ki, ərizənin icraata qəbul edilməsindən imtina olunmalıdır.
4. Belə ki, ərizədən və ərizəyə əlavə olunmuş sənədlərdən görünür ki, Ərizəçi oğlunun xəstəliyini nəzərə alaraq onun himayəsinə və qəyyumluğuna verilməsi barədə qətnamə çıxarılmasını xahiş etmişdir.
5. Məhkəmə qeyd edir ki, məhkəmə qaydasında xüsusi icraat qaydasında yalnız şəxsin məhdud fəaliyyət qabiliyyətli və ya fəaliyyət qabiliyyəti olmayan hesab edilməsi haqqında işlərə baxılır. Qəyyumluğun təyin edilməsi isə müvafiq icra hakimiyyəti orqanlarının səlahiyyəti dairəsindədir. Bu səbəbdən hazırki tələbə məhkəmə qaydasında baxılması mümkün deyil və ərizəçi “şəxsin məhdud fəaliyyət qabiliyyətli və ya fəaliyyət qabiliyyəti olmayan hesab edilməsi” faktının müəyyən edilməsi barədə tələblə məhkəməyə müraciət etməlidir.
Məhkəmənin gəldiyi nəticə
6. Təsvir edilənlərə əsasən məhkəmə hesab edir ki, Ərizəçi “oğlunun onun himayəsinə və qəyyumluğuna verilməsi”nə müəyyən edilməsinə dair ərizəsinin icraata qəbul edilməsindən imtina edilməli və ərizəçiyə “şəxsin məhdud fəaliyyət qabiliyyətli və ya fəaliyyət qabiliyyəti olmayan hesab edilməsi” faktının müəyyən edilməsi barədə tələblə məhkəməyə müraciət etmək hüququnun olduğu izah edilməlidir.
7. Qeyd olunanları nəzərə alaraq və Azərbaycan Respublikası Mülki Prosessual Məcəlləsinin 153, 263, 264 və 268-ci maddələrini rəhbər tutaraq məhkəmə,
qərara aldı :
Ərizəçi “oğlunun onun himayəsinə və qəyyumluğuna verilməsi”nə dair ərizəsinin icraata qəbul edilməsindən imtina edilsin. Ərizəçiyə izah edilsin ki, “şəxsin məhdud fəaliyyət qabiliyyətli və ya fəaliyyət qabiliyyəti olmayan hesab edilməsi” faktının müəyyən edilməsi barədə tələblə məhkəməyə müraciət etmək hüququ vardır. Qərardaddan, qərardad tərəfə rəsmi qaydada verildikdən sonra 10 gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Suraxanı Rayon Məhkəməsinə şikayət verilə bilər.