Bakı Şəhəri Suraxanı Rayon Məhkəməsi Qərardad — İş №2(010)-2109/2023

Azərbaycan Respublikası adından QƏRARDAD Bakı şəhəri İş № 2(010)-2109/2023 18.07.2023 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı rayon məhkəməsinin hakimi Qafarova Rübabə Nurulla qızının sədrliyi, Rəhimov Bəhlul Qılman oğlunun katibliyi ilə, İddiaçı iştirakı ilə, İddiaçı cavabdehlər Cavabdeh1, Cavabdeh4, Cavabdeh2 və Cavabdeh3m Abbas qızına qarşı “miras paya hüququn tanınması” tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı cavabdehlər Cavabdeh1, Cavabdeh4, Cavabdeh2 və Cavabdeh3m Abbas qızına qarşı “miras paya hüququn tanınması” tələbinə dair iddia ərizəsi ilə məhkəməyə müraciət edərək, X1 vəsiyyətnamə üzrə qalan 2/1 hissəsinin 1/6 (yəni ümumi əmlakın 1/12 (on ikidə bir) hissəsinə hüququnun tanınması barədə qətnamə qəbul edilməsini xahiş etmişdir. İddiaçı iddia ərizəsini belə əsaslandırmışdır ki, Bakı şəhəri, Suraxanı rayonu, Vüqar Bədədov küçəsi, 18 saylı ev iddiaçının mülkiyyətindədir. xx.xx.2002-ci il tarixdə X2 vəsiyyətnamə əsasında Bakı şəhəri, Suraxanı rayonu, Vüqar Bədədov küçəsi, 18 saylı evi İddiaçı adına rəsmiləşdirmişdir. X1 vəsiyyətnamə üzrə qalan 2/1 hissəsinin 1/6 (yəni ümumi əmlakın 1/12 (on ikidə bir) hissə məhrum anasının adında açıq saxlanılmışdır. Məhkəmə iclasında dindirilən İddiaçı iddia tələbini müdafiə edərək, iddiasının təmin edilməsini xahiş etmişdir. İş üzrə cavabdehlər məhkəmə iclasının vaxtı və yeri barədə qanunla nəzərdə tutulmuş qaydada xəbərdar edilməsinə baxmayaraq, üzrlü səbəb göstərmədən məhkəmə iclasına gəlməmiş və gəlməməsinin səbəbi barədə məhkəməyə məlumat verməmişdir. Məhkəmə xatırladır ki, Azərbaycan Respublikası Mülki Prosessual Məcəlləsinin 185.5-ci maddəsinə görə, məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda və ya məhkəmə gəlməmənin səbəblərini üzrsüz hesab etdikdə, yaxud məhkəmə cavabdehin icraatı qəsdən yubandırdığını aşkar etdikdə, işə baxmağa haqlıdır. Bu halda məhkəmə işə iclasa gəlməyən cavabdehlərin iştirakı olmadan baxılmasını mümkün hesab etmişdir. Məhkəmə iş materiallarını nəzərdən keçirib, iddiaçının izahatını dinləyib hesab edir ki, hazırki mülki iş üzrə icraata xitam verilməlidir. Belə ki, məhkəmə müəyyən edir ki, İddiaçı hazırki iddia tələbi ilə anasından qalmış miras əmlak üzərində vərəsəlik hüququnun tanınmasını istəyir. Azərbaycan Respublikası MPM-nin 261.0.1-ci maddəsinə əsasən iş məhkəmədə və ya mülki məhkəmə icraatı qaydasında baxılmalı deyildirsə hakim iş üzrə icraata xitam verir. Qanunvericiliyin sadalanan normasını rəhbər tutaraq məhkəmə hesab edir ki, iş üzrə icraata xitam verilməli və iddiaçıya izah olunmalıdır ki, sözügedən məsələ ilə bağlı müvafiq notariusa müraciət edə bilər. Şərh olunanlara əsasən və Azərbaycan Respublikası Mülki Prosessual Məcəlləsinin 261-264, 267-269-cu maddələrini rəhbər tutaraq, məhkəmə QƏRARA ALDİ: İddiaçı cavabdehlər Cavabdeh1, Cavabdeh4, Cavabdeh2 və Cavabdeh3m Abbas qızına qarşı “miras paya hüququn tanınması” tələbinə dair iddia ərizəsi üzrə mülki işin icraatına xitam verilsin. Qərardaddan şikayət, qərardad tərəfə rəsmi qaydada verildikdən sonra 10 (on) gün müddətində verilə bilər. Sərdlik edən Rübabə Qafarova