Bakı Şəhəri Suraxanı Rayon Məhkəməsi Qərardad — İş №2(010)-2612/2021

Azərbaycan Respublikası adından QƏRARDAD Bakı şəhəri İş № 2(010)-2612/2021 19.04.2021 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı Rayon Məhkəmənin hakimi Miriyeva Səlimə Miri qızı, İddiaçı Cavabdeh qarşı “pul” tələbinə dair iddia ərizəsi və ona əlavə edilmiş sənədlərə baxaraq, M Ü Ə Y Y Ə N E T D İ: İddiaçı Cavabdeh qarşı “pul” tələbinə dair iddia ərizəsi ilə Bakı şəhəri Suraxanı Rayon Məhkəməsinə müraciət edərək məhkəmədən Cavabdeh “KATV 1” əmtəə nişanı ilə fəaliyyət göstərən İddiaçı MMC-nin kabel şəbəkəsinə müvafiq müqavilə bağlamadan qanunsuz qoşulma nəticəsində 11 manat 40 qəpik abunə haqqı qismində vurulmuş zərərin, hüquqi xidmətləriin göstərilməsi və qrafik üzrə keçirilən nəzarət baxışı zamanı binaların yoxlanılması üçün 150 manat, iddia ərizəsi verilərkən ödənilmiş 20 manat dövlət rüsumunun, ümumilikdə 181 manat 40 qəpik məbləğində pulun tutulub İddiaçı MMC-yə ödənilməsini xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, ərizə məhkəməyə təqdim edilərkən iddia ərizəsinin forması və məzmunu ilə bağlı Azərbaycan Respublikasının Mülki Prosessual Məcəlləsinin (bundan sonra MPM) tələbləri pozulduğundan iddia ərizəsi və ona əlavə edilmiş sənədlər iddiaçıya geri qaytarılmalıdır. Belə ki, iddia ərizəsinə əlavə edilmiş cavabdehin qeydiyyat yeri barədə DİN-in BPQMİ-nin MAPS Şöbəsi tərəfindən verilmiş arayış 2019-cu il tarixlidir və müvafiq orqanın möhürü ilə təsdiq edilməmişdir. Digər tərəfdən, iddia ərizəsinə müvafiq MKİS tərəfindən verilmiş yaşayış yeri barədə arayış əlavə edilsə də həmin arayış 2015-ci il tarixlidir. Cavabdehin qeydiyyat yerinin müəyyən edilməsi işə ərazi aidiyyəti üzrə hansı məhkəmədə baxılmasının müəyyən edilməsi üçün vacib olduğundan “Elektron məhkəmə” informasiya sistemi vasitəsilə vətəndaşın şəxsiyyət vəsiqəsi haqqında məlumat əldə edilməsi məqsədilə sorğu edilmiş, Cavabdeh barəsində sistemdə heç bir məlumat aşkar edilməmişdir. Bu vəziyyətdə cavabdehin qeydiyyat yerini müəyyən etməyə imkan verən mötəbər sənədin iddia ərizəsinə əlavə edilməsi işin ərazi aidiyyətinin müəyyən edilməsi baxımından xüsusi əhəmiyyət daşıyır. Belə ki, MPM-in 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Bundan başqa, iddia ərizəsinin xahiş hissəsində fikir tamamlanmamış, cümlə yarım qalmışdır. Bu isə iddia ərizəsinin tərtibatında qeyri-dəqiqliyə yol verildiyini göstərir. Göründüyü kimi iddia ərizəsi məhkəməyə təqdim edilərkən yuxarıda qeyd edilən pozuntulara yol verilmişdir. MPM-in 152.1.1-ci maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Bu Məcəllənin 152.1.3-cü maddəsinə əsasən əgər iş ərazi aidiyyatı üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Beləliklə, mülki prosessual qanunvericiliyin yuxarıda göstərilən tələblərinə əsasən məhkəmə hesab edir ki, iddia ərizəsi və ona əlavə edilmiş sənədlər geri qaytarılmalıdır. Şərh olunanlara əsasən və Azərbaycan Respublikasının MPM-in 149-152-ci maddələrini rəhbər tutaraq, QƏRARA A L D İ: İddiaçı Cavabdeh qarşı “pul” tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah edilsin ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 gün müddətində Bakı şəhəri Suraxanı Rayon Məhkəməsinə şikayət verilə bilər. Hakim Səlimə Miriyeva