Bakı Şəhəri Suraxanı Rayon Məhkəməsi Qərardad — İş №2(010)-4553/2020

Azərbaycan Respublikası adından QƏRARDAD Bakı şəhəri İş № 2(010)-4553/2020 07.10.2020 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı Rayon Məhkəməsinin hakimi Mahmudova Təranə Nəriman qızı İddiaçı cavabdeh “Cavabdeh” İstelsalat Birliyinə qarşı “yeni abonent kodu ilə təmin edilmə” tələbinə dair məhkəməyə daxil olmuş kiçik mübahisələr üzrə iddia ərizəsinin məhkəmə icraatına götürülməsi mümkünlüyünə baxaraq, müəyyən etdi: İddiaçı cavabdeh “Cavabdeh” İstelsalat Birliyinə qarşı “yeni abonent kodu ilə təmin edilmə” tələbinə dair (kiçik iddialara dair işlər üzrə sadələşdirilmiş icraat qaydasında) iddia ərizəsi ilə məhkəməyə müraciət edərək, ilk dəfə abonent kodunu aldığı zaman dövlət rüsumunu ödədiyini nəzərə alaraq Cavabdeh İB tərəfindən yeni abonent kodu ilə təmin edilməyi barədə qərar qəbul edilməsini xahiş etmişdir. Təqdim edilmiş ərizəni və ona əlavə edilmiş sənədləri nəzərdən keçirərək məhkəmə hesab edir ki, qətnamənin çıxarılması üçün verilmiş ərizə Azərbaycan Respublikası Mülki Prosessual Məcəlləsinin tələblərinə riayət edilmədən verilmişdir. Azərbaycan Reslublikası Mülki Prosessual Məcəlləsinin 284-4.1.2-ci maddəsinə əsasən məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından verilmiş tələb bu Məcəllənin 284-1-ci maddəsinə uyğun deyildirsə imtina edir. Həmin Məcəllənin 284-1-ci maddəsinə əsasən mülki işlər üzrə iddianın qiyməti iki min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. İddiaçı cavabdeh “Cavabdeh” İstelsalat Birliyinə qarşı “yeni abonent kodu ilə təmin edilmə” tələbinə dair ərizəsindən görünür ki, iddiaçı yeni abonent kodu ilə təmin edilməyi barədə qərar qəbul edilməsini məhkəmədən xahiş edir. Göründüyü kimi verilmiş tələb bu Məcəllənin 284-1-ci maddəsinə uyğun deyildir. Məhz bu səbəbdən də məhkəmə, hazırda İddiaçı cavabdeh “Cavabdeh” İstelsalat Birliyinə qarşı “yeni abonent kodu ilə təmin edilmə” tələbinə dair kiçik mübahisələr üzrə iddia ərizəsininin qəbul olunmasından imtina edir. Azərbaycan Respublikası Mülki Prosessual Məcəlləsinin 284-4.2-ci maddəsinə əsasən, bu Məcəllənin 284-4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. Həmin Məcəllənin 284-4.3-cü maddəsinə əsasən ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanır. Qeyd olunanlara əsasən və Azərbaycan Respublikasının Mülki Prosessual Məcəlləsinin 263-264, 266-268, 284-cü maddələrini rəhbər tutaraq qərara aldı: İddiaçı cavabdeh “Cavabdeh” İstelsalat Birliyinə qarşı “yeni abonent kodu ilə təmin edilmə” tələbinə dair kiçik mübahisələr üzrə iddia ərizəsinin qəbul edilməsindən imtina edilsin. İddiaçıya izah edilsin ki, ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanır. Qərardaddan şikayət verilə bilməz. Hakim Təranə Mahmudova