Bakı Şəhəri Suraxanı Rayon Məhkəməsi Qərardad — İş №2(010)-560/2021

Azərbaycan Respublikası adından QƏRARDAD Bakı şəhəri İş № 2(010)-560/2021 25.08.2021 BAKI ŞƏHƏRİ SURAXANI RAYON MƏHKƏMƏSİ Hakim Mahmudova Təranə Nəriman qızının sədrliyi, Məhkəmə iclas katibi X1 qızının katibliyi, İddiaçı və onun nümayəndəsi Nümayəndə iştirakları ilə, İddiaçı Cavabdeh qarşı “payların naturada ayrılması” tələbinə dair mülki işə açıq məhkəmə iclasında baxaraq, müəyyən etdi: İddiaçı Cavabdeh qarşı “payların naturada ayrılması” tələbinə dair iddia ərizəsi ilə məhkəməyə müraciət etmişdir. İş üzrə məhkəmə baxışı iclası 25 avqust 2021-ci il tarixə, saat 11:05-ə təyin edilmişdir. İddiaçı məhkəmə iclasında ərizə təqdim edərək mülki işin baxılmamış saxlanılmasını və sənədlərin əsillərinin ona geri qaytarılmasını xahiş etdi. İddiaçının nümayəndəsi Nümayəndə iddia tələbini müdafiə edərək bildirdi ki, cavabdeh Bakı şəhəri Suraxanı rayonu, Əmircan qəsəbəsi, Oktyabr küçəsi, 8 nömrəli evin özünə aid olan ½ hissəsini iddiaçıya satmış və aralarında bununla bağlı alqı-satqı müqaviləsi bağlanmışdır. Hazırda onun sahəsi böyük olduğu üçün həmin əraziyə ünvan verilmir, o isə həmin ərazini nəvəsinə bağışlamaq istəyir. Həmin mülki iş üzrə ekspertiza təyin olunmuş və ekspert torpağa baxış keçirtdiyi zaman ərazidə artıq bölgü aparıldığını və faktiki olaraq bölünmüş bir ərazinin yenidən paylara bölünməsinin mümkün olmadığını bildirmişdir. O, həmin əraziyə ünvan verilməsini istədiyini və bu səbəbdən mülki işin baxılmamış saxlanılmasını xahiş etdi. Məhkəmə iclasının vaxtı və yeri barədə lazımi qaydada xəbərdar edilmiş cavabdeh məhkəmə iclasında iştirak etməmiş və mülki işə mahiyyəti üzrə baxılmasını xahiş etməmişdir. Azərbaycan Respublikası Mülki-Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdehlər işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Şərh olunanlara əsasən və Azərbaycan Respublikası Mülki Prosessual Məcəlləsinin 259, 263-264-cü maddələrini rəhbər tutaraq, məhkəmə qərara aldı: İddiaçı Cavabdeh qarşı “payların naturada ayrılması” tələbinə dair iddia ərizəsi baxılmamış saxlanılsın. Qərardaddan, qərardad rəsmi qaydada verildikdən sonra 10 (on) gün müddətində Bakı şəhəri Suraxanı Rayon Məhkəməsinə şikayət verilə bilər. Sədrlik edən Təranə Mahmudova