Bakı Şəhəri Suraxanı Rayon Məhkəməsi Qərardad — İş №2(010)-5789/2024

Azərbaycan Respublikası adından QƏRARDAD Bakı şəhəri İş № 2(010)-5789/2024 28.11.2024 BAKI ŞƏHƏRİ SURAXANI RAYON MƏHKƏMƏSİ Mən, Bakı şəhəri Suraxanı Rayon Məhkəməsinin hakimi Məmmədov Tural Nurulla oğlu İddiaçı Cavabdeh İB-yə qarşı təqdim edilmiş iddia ərizəsini nəzərdən keçirərək, Müəyyən etdim: İddiaçı iddia ərizəsi ilə məhkəməyə müraciət edərək, Cavabdeh İB tərəfindən qaz enerji xətti kəsildiyi üçün məsələnin araşdırılmasında köməklik göstərilməsini və qaz xəttinin bərpa edilməsinin təmin edilməsini xahiş etmişdir. Ərizəni və ona əlavə edilmiş sənədləri nəzərdən keçirib hesab edirəm ki, iddia ərizəsi geri qaytarılmalıdır. Belə ki, hazırki iddia ərizəsi mülki prosessual qanunvericilkdə müəyyən edilmiş formada məhkəməyə təqdim edilməmişdir. Hazırki iddia ərizəsindən görünür ki, iddiaçı hazırki tələbini cavabdeh qismində Cavabdeh İB-yə qarşı təqdim etsə də, lakin iddia ərizəsində cavabdeh qismində qeyd olunan Cavabdeh İB barəsində müvafiq məlumatlar ərizədə qeyd olunmamış və eyni zamanda iddia ərizəsinə tələblə bağlı iş materialları və onların surətləri ərizəyə əlavə edilməmişdir. Halbuki, Azərbaycan Respublikası MPM-nin 149.2.2-ci maddəsinə əsasən iddia ərizəsində iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. Bununla yanaşı, eyni zamada hazırki iddia ərizəsində iddiaçı birbaşa olaraq tələbini qeyd etmiş, mübahisəli məqamların nədən ibarət olduğunu iddia ərizəsində göstərməmiş və eyni zamanda ərizənin “xahiş etdi” hissəsi də mülki prosessual qanunvericiliyin tələblərinə uyğun tərtib edilməmişdir. Azərbaycan Respublikası MPM-nin 151.1-ci maddəsinə əsasən, iddia ərizəsi həmin Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.1.1-ci maddəsinin tələbinə görə, ərizənin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə, hakim ərizəni və ona əlavə olunmuş sənədləri geri qaytarır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Maddələrin tələblərindən aydın olur ki, prosessual qanuvericilik məhkəməyə müraciətin ümumi qaydalarını müəyyən etmişdir. Həmin qaydalara görə məhkəməyə müraciət edərkən ərizəçinin tələbi dəqiq və aydın olmalı, tələbin kimə qarşı yönəldiyi açıq şəkildə bildirilməlidir. Məhkəmə eyni zamanda bildirir ki, ərizəçi qeyd edilmiş nöqsanları aradan qaldırmaqla, yenidən məhkəməyə müraciət edə bilər. Şərh olunanlara əsasən və Azərbaycan Respublikası MPM-nin qeyd edilən maddələrini rəhbər tutaraq, Qərara aldım: İddiaçı Cavabdeh İB-yə qarşı təqdim edilmiş iddia ərizəsi geri qaytarılsın. İddiaçıya izah olunsun ki, qərardadda göstərilən nöqsanlar aradan qaldırıldıqdan sonra ümumi qaydada təkrar məhkəməyə müraciət etmək olar. Qərardaddan onun surəti rəsmi qaydada verildiyi gündən 10 (on) gün müddətində Bakı şəhəri Suraxanı Rayon Məhkəməsinə şikayət verilə bilər. Hakim Tural Məmmədov