Bakı Şəhəri Xətai Rayon Məhkəməsi Qətnamə — İş №2(011)-1888/2021

Azərbaycan Respublikası adından QƏTNAMƏ Bakı şəhəri İş № 2(011)-1888/2021 09.02.2021 BAKI ŞƏHƏRİ XƏTAİ RAYON MƏHKƏMƏSİ Hakim Əliyev Şəhriyar İbrahim oğlu, İddiaçı "xxxx" Məhdud Məsuliyyətli Cəmiyyətinin Cavabdeh qarşı borcun ödənilməsi tələbi barədə kiçik iddiaya dair işə sadələşdirilmiş icraat qaydasında baxaraq müəyyən etdi: İddiaçı "xxxx" MMC Cavabdeh qarşı iddia ərizəsi ilə məhkəməyə müraciət edərək, 103,64 manat əsas borcun, 15,55 manat cərimə borcunun və 20 manat ödənilmiş dövlət rüsumunun, 0,40 manat ödənilmiş dövlət rüsumu ilə bağlı xidmət haqqının Cavabdeh alınaraq "xxxx" MMC-yə ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, “OKTAVİA GROUP MMC” ilə Cavabdeh arasında bağlanmış Nisyə-alqı satqı müqaviləsinə əsasən, cavabdeh 342 manat dəyərində nisyə aldığı malın dəyərini müqaviləyə əlavə olan Ödəniş cədvəlinə uyğun olaraq hər ay ödəmək şərtilə 6 ay müddətinə ödəməyi öhdəsinə götürüb, “OKTAVİA GROUP MMC” ilə "xxxx" MMC arasında imzalanan Faktorinq müqaviləsi və həmin müqaviləyə əlavə olunan Sazişə əsasən “OKTAVİA GROUP MMC”-nin Cavabdeh qarşı olan 342 manat məbləğindəki tələb hüququ "xxxx" MMC–yə keçmişdir, tələb hüququnun "xxxx" MMC–yə keçməsi barədə Nisyə-alqı satqı müqaviləsi üzrə Alıcıya müvafiq bildiriş təqdim edilmişdir, cavabdeh müqavilənin şərtlərini pozaraq öhdəliyini vaxtında və lazımi qaydada icra etməmişdir, yaranmış borcla bağlı cavabdehə xəbərdarlıq göndərilmiş, lakin o öhdəliyini icra etməkdən yayınmışdır. Cavabdehin iddiaçının tələbinə dair əsaslandırılmış etirazı məhkəməyə daxil olmamışdır. Məhkəmə işin materiallarını araşdıraraq hesab edir ki, iddia tələbi əsaslı olduğundan təmin edilməlidir. Belə ki, iş materiallarından görünür ki, “OKTAVİA GROUP MMC” ilə Cavabdeh arasında 10.02.2020-ci il tarixdə ALT000299 saylı Nisyə Alqı-satqı müqaviləsi bağlanmışdır, müqaviləyə əsasən Nisyə Alqı-Satqı müqaviləsinə 1 saylı Əlavədə göstərilən malı müştəriyə satmış, o isə malı müqavilədə nəzərdə tutulmuş şərtlərlə qəbul etmişdir. İş materiallarında olan 10.02.2020-ci il tarixli ALT000299 saylı Nisyə Alqı-Satqı müqaviləsinə 1 saylı Əlavədən görünür ki, Cavabdeh nisyə məbləği 342 manat olan WATERFALL 185/65/r14 markalı malı 0 manat ilkin ödənişlə, 6 ay müddətinə, aylıq ödənişi 57 manat olmaq şərti ilə almışdır. İş materiallarında olan 10.02.2020-ci il tarixli əşyaların təhvil-təslim aktından görünür ki, WATERFALL 185/65/r14 markalı mal Cavabdeh tam qüsursuz halda təhvil verilmişdir. İş materiallarından görünür ki, “OKTAVİA GROUP MMC” ilə "xxxx" MMC arasında 20.02.2019-cu il tarixli R-14/19 saylı Faktorinq müqaviləsi və R-14/19 saylı 26.02.2019-cu il tarixli Faktorinq müqaviləsinə əlavə olunan 29.02.2020-ci il tarixli R-14/19-0030 nömrəli Saziş bağlanmışdır. Bu Müqavilə və ona əlavə olunan Sazişə əsasən tələb hüququ "xxxx" MMC-yə keçmişdir. İş materiallarından görünür ki, Cavabdeh “OKTAVİA GROUP MMC” ilə bağlanan 10.02.2020-ci il tarixli ALT000299 saylı müqavilədən irəli gələn pul tələbinin hamısının "xxxx" MMC-yə güzəşt edilməsi barədə bildiriş təqdim edilmişdir. İş materiallarında olan maliyyə arayışından görünür ki, Cavabdeh 18.12.2020-ci il tarixə 10.02.2020-ci il tarixli ALT000299 saylı müqavilə üzrə borcu əsas məbləğ üzrə borcu 103,64 manat, cərimə borcu 15,55 manat olmaqla, cəmi borcunun məbləği 119,19 manat təşkil edir. İş materiallarında olan hesabdan çıxarışdan görünür ki, Cavabdeh 10.02.2020-ci il tarixli ALT000299 saylı müqavilə üzrə ödəniş məbləği 240 manat, əsas borcdan silinmə 238,37 manat, cərimə borcundan silinmə 1,65 manat, əsas borcdan qalıq 103,64 manat, cərimə borcu 15,55 manat olmaqla, cəmi borcunun qalığı 119,19 manat təşkil edir. Güzəşt olunan tələb 342 manat təşkil edir. İş materiallarından görünür ki, "xxxx" MMC 18.12.2020-ci il tarixdə Cavabdeh 169,63 manat qalıq borcunu 3 gün müddətində ödəməsinə dair bildiriş göndərmişdir. İş materiallarında olan 25.12.2020-ci il tarixli ********* saylı dövlət rüsumunun ödənilməsi haqqında mədaxil qəbzindən görünür ki, "xxxx" MMC tərəfindən 20 manat məbləğində dövlət rüsumu, 0,40 qəpik xidmət haqqı ödənilmişdir. Məhkəmə tərəfindən iş materialları əsasında müəyyən olunmuşdur ki, “OKTAVİA GROUP MMC” ilə Cavabdeh arasında WATERFALL 185/65/r14 markalı mala dair 10.02.2020-ci il tarixli ALT000299 saylı Nisyə alqı-satqı müqaviləsi bağlanmış, müqaviləyə əsasən satıcı müqavilə üzrə nəzərdə tutulmuş öhdəliyini icra edərək əşyanı alıcıya təhvil vermişdir, “OKTAVİA GROUP MMC” ilə "xxxx" MMC arasında bağlanmış müqavilə və sazişə əsasən tələb hüququ "xxxx" MMC-yə keçmişdir, alıcı Cavabdeh müqavilə üzrə üzərinə düşən öhdəliyi lazımınca icra etməməklə müqavilənin şərtlərini pozmuşdur. Hazırda cavabdehin iddiaçıya olan əsas borcu 103,64 manat, cərimə borcu 15,55 manat olmaqla, ümumilikdə 119,19 manat təşkil edir. Belə olan halda məhkəmə hesab edir ki, iddiaçı göstərilən müqavilənin şərtlərinin icrasını və ödənilməmiş məbləğin qaytarılmasını tələb etməkdə haqlıdır. Bununla belə, iddia tələbi üzrə cavabdehin müqavilə öhdəliklərinin yerinə yetirilməsini istisna edən hallar məhkəmə tərəfindən müəyyən edilmədi. Azərbaycan Respublikasının Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə görə əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Azərbaycan Respublikasının Mülki Məcəlləsinin 443.1-ci maddəsinə əsasən, öhdəliyini icra etməyən borclu kreditora dəymiş zərərin əvəzini ödəməyə borcludur. Beləliklə, məhkəmə iş üzrə təqdim edilmiş sübutları məcmu halında qiymətləndirərək hesab edir ki, iddia tələbi təmin edilməli, 103,64 manat əsas borc, 15,55 manat cərimə borcu Cavabdeh alınaraq "xxxx" MMC -yə ödənilməlidir. Ödənilmiş dövlət rüsumuna münasibətdə isə məhkəmə hesab edir ki, məhkəmə xərcləri iddianın təmin edilmiş hissələrinə müvafiq olaraq tərəflərə aid edilməli olduğundan, iddia təmin edildiyindən və cavabdehin dövlət rüsumu ödəməsini istisna edən hallar məhkəmə tərəfindən müəyyən olunmadığından 20 manat məbləğində dövlət rüsumu, 0,40 qəpik dövlət rüsumunun ödənilməsi ilə bağlı xidmət haqqı cavabdehə aid edilməli və cavabdehdən alınaraq iddiaçıya ödənilməlidir. Azərbaycan Respublikasının Mülki Prosessual Məcəlləsinin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Qeyd olunanlara əsasən və Azərbaycan Respublikasının Mülki Prosessual Məcəlləsinin 284-1, 284-5, 284-6, 360-cı maddələrini rəhbər tutaraq, məhkəmə qət etdi: İddia tələbi təmin edilsin. Cavabdeh 103,64 manat əsas borc, 15,55 manat cərimə borcu və dövlət rüsumunun əvəzi olaraq ödənilmiş 20 manat, dövlət rüsumunun ödənilməsi ilə bağlı ödənilmiş xidmət haqqı 0,40 manat məbləğində pul tutularaq "xxxx" Məhdud Məsuliyyətli Cəmiyyətinə ödənilsin. Qətnamədən, onun rəsmi qaydada verildiyi gündən 1 (bir) ay müddətində, Bakı şəhəri Xətai Rayon Məhkəməsi vasitəsi ilə Bakı Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim: Şəhriyar Əliyev