Bakı Şəhəri Xətai Rayon Məhkəməsi Qətnamə — İş №2(011)-2053/2025

Azərbaycan Respublikası adından QƏTNAMƏ Bakı şəhəri İş № 2(011)-2053/2025 20.06.2025 BAKI ŞƏHƏRİ XƏTAİ RAYON MƏHKƏMƏSİ Hakim Əliyev Şəhriyar İbrahim oğlunun sədrliyi, Bəndəliyev Zaur Taleh oğlunun katibliyi, Ərizəçi, Maraqlı şəxs Bakı şəhəri Xətai rayon İcra Hakimiyyətinin başçısı yanında “Qəyyumluq və Himayəçilik Komissiyası”nın nümayəndəsi X2 iştirakları ilə, Ərizəçi Bakı şəhəri Maraqlı şəxs başçısı yanında “Qəyyumluq və Himayəçilik Komissiyası” maraqlı şəxs qismində cəlb edilməklə “şəxsin fəaliyyət qabiliyyəti olmayan hesab edilməsi” tələbi barədə ərizəsi üzrə mülki işə məhkəmənin inzibati binasında, açıq məhkəmə iclasında baxaraq, müəyyən etdi: Ərizəçi ərizə ilə məhkəməyə müraciət edərək, xx.xx.2005-ci il təvəllüdlü əkiz oğlanlarının- X5 və X3 fəaliyyət qabiliyyəti olmayan hesab edilməsinə dair qətnamə qəbul edilməsini məhkəmədən xahiş etmişdir. Məhkəmə iclasında Ərizəçi ərizəsini müdafiə edərək izahatında bildirdi ki, o, halhazırda F 71.1 ortadərəcəli əqli gerilik davranış pozuntuları xəstələri olan xx.xx.2005-ci il təvəllüdlü ekiz oğlanlarına- X5 və X6 baxır, oğulları doğulandan Autizm, Kanner sindromu, Ağır kəmağıllılıq, Kəskin imbesillik, kobud davranış və nitq pozuntuları nəticəsində öz hərəkətlərinin mənalarını başa düşmürlər, özlərini idarə etmirlər. Övladları 19 yaşında olmalarına baxmayaraq, əmək qabiliyyətsizdirlər, heç bir yerdə işləmirlər və daima qulluğa ehtiyacları vardır, onlar daima oun nəzarətinə ehtiyac duyurlar. Sonda Ərizəçi ərizənin təmin edilməsini məhkəmədən xahiş etdi. Məhkəmə iclasında maraqlı şəxs Bakı şəhəri Xətai rayon İcra Hakimiyyətinin başçısı yanında “Qəyyumluq və Himayəçilik Komissiyası”nın nümayəndəsi X7 ərizənin təmin edilməsinə etiraz etmədiyini bildirdi və iş üzrə Azərbaycan Respublikası Səhiyyə Nazirliyi Məhkəmə Psixiatrik Ekspertiza Mərkəzinin müvafiq rəyinin əsas götürülməsini xahiş etdi. Məhkəmə, ərizəçinin və maraqlı şəxsin nümayəndəsinin izahatlarını dinləyərək, iş materiallarını araşdıraraq hesab edir ki, ərizə təmin edilməlidir. Belə ki, iş materiallarında olan AA seriyalı, ******* nömrəli Şəxsiyyət vəsiqəsinin surətindən görünür ki, X9 xx.xx.2005-ci il tarixində anadan olmuşdur, doğum yeri Azərbaycan Respublikasıdır. İş materiallarında olan AZ-İ seriyalı, 16667 nömrəli Doğum haqqında Şəhadətnamənin surətindən görünür ki, X9 xx.xx.2005-ci il tarixində Bakı şəhərində anadan olmuşdur, onun atası X10, anası Ərizəçidır. İş materiallarında olan AA seriyalı, ******* nömrəli Şəxsiyyət vəsiqəsinin surətindən görünür ki, X11 xx.xx.2005-ci ildə Azərbaycan Respublikasında anadan olmuşdur. İş materiallarında olan AZ-İ seriyalı, 716666 nömrəli Doğum haqqında Şəhadətnamənin surətindən görünür ki, X11 xx.xx.2005-ci il tarixində Bakı şəhərində anadan olmuşdur, onun atası X10, anası Ərizəçidır. İş materiallarında olan “Tibbi Ərazi Bölmələrini İdarəetmə Birliyi“ X16 “Bakı Baş Səhiyyə Mərkəzi“ X16 7 nömrəli Şəhər Poliknikası tərəfindən verilmiş arayışdan görünür ki, xx.xx.2005-ci il təvəllüdlü X9 2023-cü il tarixindən (a/k 127/2023) F71.1 ortadərəcəli əqli gerilik davranış pozuntusu ilə psixiatr müşahidəsindədir. İş materiallarında olan “Tibbi Ərazi Bölmələrini İdarəetmə Birliyi“ X16 “Bakı Baş Səhiyyə Mərkəzi“ X16 7 nömrəli Şəhər Poliknikası tərəfindən verilmiş arayışdan görünür ki, xx.xx.2005-ci il təvəllüdlü X11 2023-cü il tarixindən (a/k 128/2023) F71.1 ortadərəcəli əqli gerilik davranış pozuntusu ilə psixiatr müşahidəsindədir. İş materiallarında olan Azərbaycan Respublikası Səhiyyə Nazirliyi 2 nömrəli X1 Həkim Psixiatr Komissiyası tərəfindən verilmiş Rəydən görünür ki, Həkim Psixiatr Komissiyasının qərarı ilə X5 uşaq autizmi, kanner sindromu, ağır kəmağıllılıq, kəskin imbesillik, kobud davranış və nitq pozuntuları ilə daima kənar şəxslərin himayəsinə ehtiyacı olduğu müəyyən olunmuşdur. İş materiallarında olan Azərbaycan Respublikası Səhiyyə Nazirliyi 2 nömrəli X1 Həkim Psixiatr Komissiyası tərəfindən verilmiş Rəydən görünür ki, Həkim Psixiatr Komissiyasının qərarı ilə X3 uşaq autizmi, kanner sindromu, ağır kəmağıllılıq, kəskin imbesillik, kobud davranış və nitq pozuntuları ilə daima kənar şəxslərin himayəsinə ehtiyacı olduğu müəyyən olunmuşdur. İş materiallarında olan Azərbaycan Respublikası Səhiyyə Nazirliyi “Məhkəmə Psixiatrik Ekspertiza Mərkəzi”nin xx.xx.2025-ci il tarixli, 1572 saylı rəyindən görünür ki, xx.xx.2005-ci il təvəllüdlü X8 uşaq autizmi kanner sindromu, ağır dərəcəli əqli geriliklə müəyyən edilir. X11 öz hərəkətlərinin mənasını anlaya və öz hərəkətlərini şüurlu şəkildə idarə etmək iqtidarında deyildir. Buna görə də X11 tam fəaliyyət qabiliyyəti olmayan şəxs hesab edilməlidir. İş materiallarında olan Azərbaycan Respublikası Səhiyyə Nazirliyi “Məhkəmə Psixiatrik Ekspertiza Mərkəzi”nin xx.xx.2025-ci il tarixli, 1573 saylı rəyindən görünür ki, xx.xx.2005-ci il təvəllüdlü X4 uşaq autizmi kanner sindromu, ağır dərəcəli əqli geriliklə müəyyən edilir. X9 öz hərəkətlərinin mənasını anlaya və öz hərəkətlərini şüurlu şəkildə idarə etmək iqtidarında deyildir. Buna görə də X9 tam fəaliyyət qabiliyyəti olmayan şəxs hesab edilməlidir. İş materiallarından görünür ki, Ərizəçi tərəfindən xx.xx.2025-ci il tarixində iddia ərizəsinin verilməsinə görə 100 manat məbləğində dövlət rüsumu ödənilmişdir. Məhkəmə tərəfindən iş materialları əsasında müəyyən olunmuşdur ki, Ərizəçi fəaliyyət qabiliyyəti olmayan hesab edilmələri nəzərdə tutulan xx.xx.2005-ci il təvəllüdlü əkiz uşaqlar X9 və X5 anasıdır, xx.xx.2005-ci il təvəllüdlü X8 uşaq autizmi kanner sindromu, ağır dərəcəli əqli geriliklə müəyyən edilir. X11 öz hərəkətlərinin mənasını anlaya və öz hərəkətlərini şüurlu şəkildə idarə etmək iqtidarında deyildir. Buna görə də X11 tam fəaliyyət qabiliyyəti olmayan şəxs hesab edilməlidir. xx.xx.2005-ci il təvəllüdlü X4 uşaq autizmi kanner sindromu, ağır dərəcəli əqli geriliklə müəyyən edilir. X9 öz hərəkətlərinin mənasını anlaya və öz hərəkətlərini şüurlu şəkildə idarə etmək iqtidarında deyildir. Buna görə də X9 tam fəaliyyət qabiliyyəti olmayan şəxs hesab edilməlidir. Bununla belə, xx.xx.2005-ci il təvəllüdlü X9 və xx.xx.2005-ci il təvəllüdlü X5 fəaliyyət qabiliyyəti olmayan hesab edilməsini istisna edən hallar məhkəmə tərəfindən müəyyən olunmadı. Azərbaycan Respublikasının Mülki Məcəlləsinin 28.8-ci maddəsinə əsasən, ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər məhkəmə tərəfindən fəaliyyət qabiliyyəti olmayan sayıla bilər. Onlar üzərində qəyyumluq müəyyənləşdirilir. Fəaliyyət qabiliyyəti olmayan sayılmış fiziki şəxsin adından əqdləri onun qəyyumu bağlayır. Fəaliyyət qabiliyyəti olmayan sayılmış şəxsin bağladığı əqd sonradan qəyyumun razılığı ilə etibarlı hesab edilə bilər. Həmin Məcəlləninn 28.9-cu maddəsinə əsasən, fəaliyyət qabiliyyəti olmayan sayılmış şəxsin sağaldığı və ya sağlamlıq vəziyyətinin xeyli yaxşılaşdığı halda məhkəmə onu fəaliyyət qabiliyyətli sayır. Onun üzərində müəyyənləşdirilmiş qəyyumluq məhkəmə qərarına əsasən ləğv edilir. Azərbaycan Respublikasının Mülki Prosessual Məcəlləsinin 305.1.3-cü maddəsinə əsasən, şəxsin məhdud fəaliyyət qabiliyyətli və ya fəaliyyət qabiliyyəti olmayan hesab edilməsi haqqında işlərə məhkəmə xüsusi icraat qaydasında baxır. Həmin Məcəllənin 317.2-ci maddəsinə əsasən, məhkəmədə psixi qüsurlarına görə şəxsin fəaliyyət qabiliyyəti olmayan hesab edilməsi haqqında iş, ailə üzvlərinin birgə yaşamasından asılı olmayaraq, yaxın qohumların (valideynlərin, uşaqların, qardaşbacıların), müvafiq icra hakimiyyəti orqanının, psixiatriya (psixonevroloji) müəssisəsinin ərizəsi üzrə qaldırılır. Həmin Məcəllənin 319-cu maddəsinə əsasən, hakim işi məhkəmədə baxmağa hazırlayarkən şəxsin psixi pozuntusu haqqında kifayət qədər məlumat olduqda onun psixi vəziyyətini müəyyən etmək üçün məhkəmə-psixiatriya ekspertizası təyin edir. Fəaliyyət qabiliyyəti olmayan hesab edilməsi haqqında iş qaldırılmış şəxs açıq surətdə ekspertizadan boyun qaçırdıqda, məhkəmə psixiatrın iştirakı ilə məhkəmə iclasında şəxsin məcburi olaraq məhkəmə-psixiatriya ekspertizasına göndərilməsi haqqında qərardad çıxara bilər. Həmin Məcəllənin 320.2-ci maddəsinə əsasən, şəxsin fəaliyyət qabiliyyəti olmayan hesab edilməsi haqqında işə məhkəmə qəyyumluq və himayəçilik orqanının nümayəndəsinin məcburi iştirakı ilə baxır. Fəaliyyət qabiliyyəti olmayan hesab edilməsi haqqında işinə baxılan şəxs, səhhəti yol verirsə, məhkəmə iclasına çağırılır. Həmin Məcəllənin 321.2-ci maddəsinə əsasən, şəxsin fəaliyyət qabiliyyəti olmayan hesab edilməsinə dair məhkəmə qətnaməsi fəaliyyət qabiliyyəti olmayan hesab edilən şəxs üzərində qəyyum təyin etmək üçün əsasdır. Beləliklə, məhkəmə tədqiq edilmiş sübutlara hüquqi qiymət verərək hesab edir ki, ərizə təmin edilməli, xx.xx.2005-ci il təvəllüdlü X9 və xx.xx.2005-ci il təvəllüdlü X11 fəaliyyət qabiliyyəti olmayan hesab edilməli, onların üzərində qəyyum təyin edilməsi Bakı şəhəri Xətai rayon İcra Hakimiyyəti Qəyyumluq və Himayəçilik Komissiyasına həvalə edilməlidir. Məhkəmə, məhkəmə xərclərinə münasibətdə isə hesab edir ki, Ərizəçi tərəfindən ödənilmiş dövlət rüsumu onun özünə aid edilməlidir. Azərbaycan Respublikasının Mülki Prosessual Məcəlləsinin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmin Məcəllənin 119.1-ci maddəsinə əsasən, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Həmin Məcəllənin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Həmin Məcəllənin 306.2-ci maddəsinə əsasən, xüsusi icraat işləri ərizəçilər tərəfindən qaldırılır, ərizəçinin və maraqlı şəxsin iştirakı ilə məhkəmədə baxılır. Qeyd olunanlara əsaslanaraq və Azərbaycan Respublikası Mülki Prosessual Məcəlləsinin 216-220 və 317-321-ci maddələrini rəhbər tutaraq məhkəmə qət etdi: Ərizə təmin edilsin. xx.xx.2005-ci il təvəllüdlü X11 və xx.xx.2005-ci il təvəllüdlü X9 fəaliyyət qabiliyyəti olmayan hesab edilsin. Fəaliyyət qabiliyyəti olmayan hesab edilmiş xx.xx.2005-ci il təvəllüdlü X3 və X5 üzərində qəyyum təyin edilməsi Bakı şəhəri Xətai rayon İcra Hakimiyyətinin başçısı yanında Qəyyumluq və Himayəçilik Komissiyasına həvalə edilsin. Ödənilmiş dövlət rüsumu ərizəçinin özünə aid edilsin. Qətnamədən rəsmi qaydada verildiyi gündən 1 ay müddətində Bakı şəhəri Xətai Rayon Məhkəməsi vasitəsi ilə Bakı Apellyasiya Məhkəməsinin Mülki Kollegiyasına apellyasiya şikayəti verilə bilər. Sədrlik edən: Şəhriyar Əliyev