Bakı Şəhəri Xətai Rayon Məhkəməsi Qətnamə — İş №2(011)-4224/2021

Azərbaycan Respublikası adından QƏTNAMƏ Bakı şəhəri İş № 2(011)-4224/2021 23.06.2021 BAKI ŞƏHƏRİ XƏTAİ RAYON MƏHKƏMƏSİ Hakim Abbasova Əminə Rauf qızının sədrliyi Səfərzadə Kənan Muxtar oğlunun katibliyi İddiaçı “xxxx” MMC-nin nümayəndəsi X1 iştirakı ilə İddiaçı “xxxx” MMC-nin Cavabdeh qarşı pul tələbi barədə iddia ərizəsinə dair mülki işə açıq məhkəmə iclasında baxaraq, müəyyən etdi: İddiaçı “xxxx” MMC Cavabdeh qarşı 18.04.2019-cu il tarixli müqaviləyə əsasən Hoffmann Led markalı televizor, X3 üçün 262 manat ödənilməmiş hissə, 26 manat cərimə borcu, 31.05.2019-cu il tarixli müqaviləyə əsasən Hoffmann T110 markalı telefon üçün 72 manat ödənilməmiş hissə, 7 manat cərimə borcu, 21.06.2019-cu il tarixli müqaviləyə əsasən Samsung Galaxy A10 markalı telefon və aksesuar üçün 273 manat ödənilməmiş hissə, 27 manat cərimə borcu, 25.07.2019-cu il tarixli müqaviləyə əsasən Samsung Galaxy A30 markalı telefon və aksesuar üçün 580 manat ödənilməmiş hissə, 58 manat cərimə borcu ümumilikdə 1305 manat borc, 30 manat ödənilmiş dövlət rüsumu, cəmi 1335 manat məbləğində pulun Cavabdeh alınaraq “xxxx” MMC-yə ödənilməsi barədə iddia ərizəsi ilə məhkəməyə müraciət etmişdir. Tələb onunla əsaslandırılmışdır ki, cavabdeh “xxxx” MMC ilə 18.04.2019-cu il, 31.05.2019-cu il, 21.06.2019-cu il, 25.07.2019-cu il tarixli müqavilələrə əsasən Hoffmann Led markalı televizor, X3, Hoffmann T110, Samsung Galaxy A10, Samsung Galaxy A30 markalı telefon və aksesuar almış və nəticədə 1305 manat borc yaranmışdır. Cavabdeh müqavilələrin şərtlərini pozmuş və nəticədə 18.04.2019-cu il tarixli müqaviləyə əsasən alqı-satqı qiyməti 396 manat olan Hoffmann Led markalı televizor , X3 üçün ümumilikdə 288 manat olmaqla, ondan 262 manat ödənilməmiş hissə, 26 manat cərimə, 31.05.2019cu il tarixli müaviləyə əsasən alqı-satqı qiyməti 99 manat olan Hoffmann T110 markalı telefon üçün ümumilikdə 79 manat olmaqla, ondan 72 manat ödənilməmiş hissə, 7 manat cərimə, 21.06.2019-cu il tarixli müqviləyə əsasən alqı-satqı qiyməti 420 manat olan Samsung Galaxy A10 markalı telefon və aksesuar üçün ümumilikdə 300 manat olmaqla, ondan 273 manat ödənilməmiş hissə, 27 manat cərimə, 25.07.2019-cu il tarixli müqaviləyə əsasən alqı-satqı qiyməti 689 manat olan Samsung Galaxy A30 markalı telefon və aksesuar üçün ümumilikdə 638 manat olmaqla ondan 580 manat ödənilməmiş hissə, 58 manat cərimə borcu yaranmışdır. Cavabdehin cəmi ödədiyi məbləğ 417 manat təşkil edir. İddiaçı “xxxx” MMC-nin nümayəndəsi məhkəmə iclasında iddia tələbini müdafiə edərək iddianın təmin edilməsini xahiş etmişdir. Cavabdeh məhkəmə iclasının vaxtı və yeri barəsində lazımı qaydada xəbərdar edilməklə məhkəmə iclasına çağırılmış, lakin məhkəmə iclasına gəlməmiş və gəlməməsinin səbəbləri barəsində məhkəməyə məlumat verməmişdir. Azərbaycan Respublikası Mülki Prosessual Məcəlləsinin 185.5-ci maddəsinə əsasən, Məhkəmə işə cavabdehin iştirakı olmadan baxılmasını mümkün hesab etmişdir. Məhkəmə iddiaçının nümayəndəsinin izahatını dinləyib, işin materiallarını araşdıraraq hesab edir ki, iddia əsaslıdır. Buna görə də iddia təmin edilməlidir. Belə ki, iş materiallarından müəyyən olunmuşdur ki, “xxxx” MMC ilə Cavabdeh arasında bağlanmış 18.04.2019-cu il tarixli, 00619569 saylı müqaviləyə əsasən “xxxx” MMC Hoffmann Led markalı televizor, X3 satmış və cavabdeh həmin əşyaya ödəniş cədvəli üzrə 18 ay müddətində hər ay 22 manat məbləğində olmaqla və 0 manat ilkin ödəniş etməklə, cəmi 396 manat ödəməyi öhdəsinə götürmüşdür. “xxxx” MMC ilə Cavabdeh arasında bağlanmış 31.05.2019-cu il tarixli, 00692427 saylı müqaviləyə əsasən “xxxx” MMC Hoffmann T110 markalı telefon satmış və cavabdeh həmin əşyaya görə ödəniş cədvəli üzrə 11 ay müddətində hər ay 9 manat məbləğində olmaqla və 0 manat ilkin ödəniş etməklə, cəmi 99 manat ödəməyi öhdəsinə götürmüşdür. Həmin müqavilələrə əsasən məhsullar qüsursuz olaraq cavabdehə təhvil verilmişdir. “xxxx” MMC ilə Cavabdeh arasında bağlanmış 21.06.2019-cu il tarixli, 00734648 saylı müqaviləyə əsasən “xxxx” MMC Samsung Galaxy A10 markalı telefon, aksesuar satmış və cavabdeh həmin əşyaya görə ödəniş cədvəli üzrə 20 ay müddətində hər ay 21 manat məbləğində olmaqla və 0 manat ilkin ödəniş etməklə, cəmi 420 manat ödəməyi öhdəsinə götürmüşdür. Həmin müqavilələrə əsasən məhsullar qüsursuz olaraq cavabdehə təhvil verilmişdir. “xxxx” MMC ilə Cavabdeh arasında bağlanmış 25.07.2019-cu il tarixli, 00804409 saylı müqaviləyə əsasən “xxxx” MMC Samsung Galaxy A30 markalı telefon və aksesuar satmış və cavabdeh həmin əşyaya görə ödəniş cədvəli üzrə 18 ay müddətində hər ay 36 manat məbləğində olmaqla və 41 manat ilkin ödəniş etməklə, cəmi 689 manat ödəməyi öhdəsinə götürmüşdür. Həmin müqavilələrə əsasən məhsullar qüsursuz olaraq cavabdehə təhvil verilmişdir. İşin materiallarında olan 08.04.2021-ci il tarixli maliyyə arayışına və ödəniş cədvəlindən görünür ki, cavabdehin 18.04.2019-cu il tarixli müqavilə üzrə 262 manat əsas, 26 manat cərimə, cəmi 288 manat; 31.05.2019-cu il tarixli müqavilə üzrə 72 manat əsas, 7 manat cərimə; cəmi 79 manat; 21.06.2019-cu il tarixli müqavilə üzrə 273 manat əsas, 27 manat cərimə, cəmi 300 manat; 25.07.2019-cu il tarixli müqaviləyə üzrə 580 manat əsas, 58 manat cərimə, cəmi 638 manat məbləğində borcu vardır. İşin materiallarından müəyyən olunur ki, iddiaçı cavabdehə borcunu ödəməsinə, borcun ödənilmədiyi təqdirdə məhkəməyə müraciət edərək iddia qaldırılacağına dair məktub göndərmişdir. İddia ərizəsinə əlavə edilmiş ödəniş qəbzindən görünür ki, iddiaçı tərəfindən məhkəmədə iddia qaldırmaq üçün 30 manat məbləğində dövlət rüsumu ödənilmişdir. Sadalanan xüsusatlara əsasən məhkəmə hesab edir ki, cavabdeh tərəflər arasında bağlanmış müqavilə əsasında iddiaçıdan nisyə mal(lar) almaq hüququna malik olduğu kimi, eyni zamanda həmin mal(lar)ın qiymətini ödəməli olmasına dair vəzifələrin daşıyıcısı olmuşdur. Cavabdeh isə göstərilən müqavilə əsasında nisyə mal almasına dair hüququndan istifadə etmiş, lakin həmin mal(lar)ın dəyərini ödəməli olmasına dair vəzifəsini yerinə yetirməmişdir. Buna görə də iddiaçı göstərilən müqavilənin şərtlərinin icrasını tələb etməkdə haqlıdır. Belə ki, Azərbaycan Respublikası Mülki Məcəlləsinin 567-ci maddəsinə əsasən alqısatqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə həyata keçirməlidir. Həmin Məcəllənin 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Qeyd edilən Məcəllənin 442-ci maddəsinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Göstərilən qanunvericilik aktı normalarına əsasən məhkəmə hesab edir ki, iddiaçı ödənilməmiş məbləğlərin qaytarılmasını tələb etməkdə haqlıdır. Buna görə də iddianın həmin hissəsi əsaslıdır. Odur ki, iddianın qeyd edilən hissəsi təmin edilməlidir. Məhkəmə iddiaya tərəflər arasında bağlanılmış nisyə alqı-satqı müqavilələri üzrə hesablanmış cərimələrin cavabdehdən tutularaq iddiaçıya ödənilməsi hissəsində qiymət verərək, belə qənaətə gəlir ki, iddia qeyd edilən hissədə əsaslıdır. Belə ki, Azərbaycan Respublikası Mülki Məcəlləsinin 462-ci maddəsinə əsasən, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. Müqavilənin tərəfləri dəbbə pulunun miqdarını sərbəst müəyyənləşdirə bilərlər və bu, mümkün zərərdən çox ola bilər. Həmin Məcəllənin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Məhkəmə işin faktiki halları və əsas borcun məbləği nəzərə alaraq hesab edir ki, iddiaçı tərəfindən tələb edilən cərimə məbləği əsas borc məbləğinə mütənasib olduğundan tələb edilən məbləğdə müəyyən edilməsini məqsədəmüvafiq sayır. Məhkəmə həmçinin iddianın 30 manat məbləğində dövlət rüsumunun cavabdehdən alınmasına dair hissəsini də araşdıraraq hesab edir ki, iddianın bu hissəsi də əsaslıdır. Belə ki, Azərbaycan Respublikası Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Göstərilən qanunvericilik aktı normalarına əsasən məhkəmə hesab edir ki, məhkəmə xərcləri iddianın təmin edilmiş hissələrinə müvafiq olaraq tərəflərə aid edilməli olduğundan, məhkəmə xərcinə daxil olan dövlət rüsumu cavabdehə aid edilməli və buna görə də iddiaçı tərəfindən ödənilmiş dövlət rüsumu cavabdehdən alınaraq iddiaçıya ödənilməlidir. Belə ki, Azərbaycan Respublikası Mülki Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 216-220-ci maddələrini rəhbər tutaraq məhkəmə qət etdi: İddia təmin edilsin. İddiaçı “xxxx” MMC ilə Cavabdeh arasında bağlanılmış 18.04.2019-cu il tarixli, 00619569 saylı müqaviləyə üzrə əsas borca görə 262 (iki yüz altmış iki) manat, cərimə borcuna görə 26 (iyirmi altı) manat, cəmi 288 (iki yüz səksən səkkiz) manat məbləğində pul vəsaiti Cavabdeh alınaraq İddiaçı MMC-yə ödənilsin. İddiaçı “xxxx” MMC ilə Cavabdeh arasında bağlanılmış 21.06.2019-cu il tarixli, 00734648 saylı müqavilə üzrə əsas borca görə 273 (iki yüz yetmiş üç) manat, cərimə borcuna görə 27 (iyirmi yeddi) manat, cəmi 300 (üç yüz) manat məbləğində pul vəsaiti Cavabdeh alınaraq “xxxx” MMC-yə ödənilsin. İddiaçı “xxxx” MMC ilə Cavabdeh arasında bağlanılmış 25.07.2019-cu il tarixli, 00804409 saylı müqavilə üzrə əsas borca görə 580 (beş yüz səksən) manat, cərimə borcuna görə 58 (əlli səkkiz) manat, cəmi 638 (altı yüz otuz səkkiz) manat məbləğində pul vəsaiti Cavabdeh alınaraq “xxxx” MMC-yə ödənilsin. İddiaçı “xxxx” MMC ilə Cavabdeh arasında bağlanılmış 31.05.2019-cu il tarixli, 00692427 saylı müqavilə üzrə əsas borca görə 72 (yetmiş iki) manat, cərimə borcuna görə 7 (yeddi) manat, cəmi 79 (yetmiş doqquz) manat məbləğində pul vəsaiti Cavabdeh alınaraq “xxxx” MMC-yə ödənilsin. 30 (otuz) manat məbləğində dövlət rüsumu Cavabdeh alınaraq “xxxx” MMC-yə ödənilsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində Bakı şəhəri Xətai Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən: Əminə Abbasova