Bakı Şəhəri Xətai Rayon Məhkəməsi Qərardad — İş №2(011)-6888/2021

Azərbaycan Respublikası adından QƏRARDAD Bakı şəhəri İş № 2(011)-6888/2021 06.10.2021 BAKI ŞƏHƏRİ XƏTAİ RAYON MƏHKƏMƏSİ Hakim Əliyev Şəhriyar İbrahim oğlunun sədrliyi, Bəndəliyev Zaur Taleh oğlunun katibliyi ilə, “Bakı Fransız Liseyi” Təhsil X1rşı “pul” tələbinə dair mülki işə məhkəmənin inzibati binasında, açıq məhkəmə iclasında baxaraq, müəyyən etdi: “Bakı Fransız Liseyi” Təhsil Kompleksi iddia ərizəsi ilə məhkəməyə müraciət edərək, “Bakı Fransız Liseyi” Təhsil Kompleksi və Rauf Əliyev arasında bağlanmış 133 saylı, 24.06.2020-ci il tarixli “Təhsilin təşkili müqaviləsi”nə əsasən 13170 manat borcun, 80 manat vəkil xərcinin və 30 manat ödənilmiş dövlət rüsumunun, cəmi 13280 manatın birdəfəlik şəkildə cavabdeh Rauf Əliyevdən tutularaq iddiaçı “Bakı Fransız Liseyi” Təhsil Kompleksinə ödənilməsi barədə qətnamə qəbul edilməsini məhkəmədən xahiş etmişdir. Tərəflərə məhkəmə iclasının yeri və vaxtı barədə qabaqcadan lazımi məlumat verilsə də, onlar məhkəmə iclasında iştirak etməmiş və iştirak etməmələri barədə məhkəməyə məlumat verməmişlər. Məhkəmə iş materiallarını nəzərdən keçirərək hesab edir ki, iddia ərizəsi baxılmamış saxlanmalıdır. Belə ki, 04.10.2021-ci il tarixində iddiaçı “Bakı Fransız Liseyi” Təhsil Kompleksinin nümayəndəsi və vəkili Vəkil Xətai Rayon Məhkəməsinə ərizə təqdim edərək iddia ərizəsi üzrə tələb olunan borc məbləği üzrə ödəniş edildiyindən mülki işin baxılmamış saxlanmasını, iddia ərizəsi və ona əlavə edilmiş sənədlərin geri qaytarılmasını məhkəmədən xahiş etmişdir. Azərbaycan Respublikasının Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanır. Göstərilən qanunvericilik aktı normasına əsasən məhkəmə hesab edir ki, iddiaçı ərizənin qaytarılması barədə ərizə verdiyindən və cavabdeh işin mahiyyəti üzrə həll olunmasını tələb etmədiyindən ərizə baxılmamış saxlanmalıdır. Qeyd olunanlara əsasən və Azərbaycan Respublikasının Mülki Prosessual Məcəlləsinin 259, 263, 264 və 268-ci maddələrini rəhbər tutaraq, məhkəmə qərara aldı: “Bakı Fransız Liseyi” Təhsil X1rşı “pul” tələbinə dair iddia ərizəsi baxılmamış saxlansın. Qərardaddan 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Şəhriyar Əliyev