Bakı Şəhəri Xətai Rayon Məhkəməsi Qətnamə — İş №2(011)-8307/2021

Azərbaycan Respublikası adından QƏTNAMƏ Bakı şəhəri İş № 2(011)-8307/2021 02.12.2021 BAKI ŞƏHƏRİ XƏTAİ RAYON MƏHKƏMƏSİ Hakim Mehrəliyev Sərdar Bəşərəddin oğlunun sədrliyi, Xəlilzadə Cəfər Həmid oğlunun katibliyi, İddiaçı, cavabdehin nümayəndəsi X7 iştirakı ilə İddiaçı cavabdeh X1rşı “aktın ləğvi və borcun silinməsi tələbinə dair” iddia ərizəsi üzrə mülki işə açıq məhkəmə iclasında baxaraq M Ü Ə Y Y Ə N E T D İ: İddiaçı cavabdeh X1rşı “aktın ləğvi və borcun silinməsi tələbinə dair” iddia ərizəsi ilə məhkəməyə müraciət edərək X4 “Təbii qazdan istıfadə qaydalarının pozulması haqqında” 30.09.2021-ci il tarixli, ******* saylı aktının ləğv edilməsi və həmin akt əsasında ünvan 1 ünvanına (abonent kodu: **********01500) hesablanmış 216 manat borcun silinməsi barədə qətnamə çıxarılmasını xahiş etmişdir. İddiaçı iddia tələbini onunla əsaslandırmışdır ki, ailəsi ilə birlikdə yuxarıda qeyd edilən ünvanda yaşayır. Yaşadığı fərdi evində quraşdırılmış qaz sayğacı onun mərhum anası X2 adına rəsmiləşdirilib və anam vəfat etdiyi üçün 15.10.2021-ci il tarixində Sabirabad ASAN xidmət mərkəzində ad dəyişikliyi edərək abonent kodunu və qaz sayğacını öz adına rəsmiləşdirmişdir və xeyli vaxtdır ki, təbii qazdan istifadə edir, verilmiş bildirişlərə əsasən qazın dəyərini ödəyir.(Ölüm aktı əlavə edilir) 21.09. 2021-ci ildə qaz idarəsinin işçiləri gəlib sayğacı açaraq özləri ilə apardılar. Həmin gün də qaz sayğacının çıxarılması, quraşdırılması və istismarı haqqında ******* saylı akt tərtib etdilər. Həmin qaz sayğacını açarkən ona heç bir məlumat verilməmişdir. Darvazanın qarşısına keçəndə qaz sayğacının yanında qaz idarəsinin əməkdaşlarının qaz sayğacının dəyışdırıdıklərını görmüş və soruşduqda bildirdilər ki,sayğacın istismar müddəti bitdiyi üçun yeni sıfırdan qaz sayğacı ilə əvəzlənir. O da şahidi oldu ki, yeni qaz sayğacı quraşdırılıb və aktı oxumadan imza etdi. Çıxarılan qaz sayğacı dəyişdirilərkən gəldikləri avtomobilin baqajına açıq şəkildə tullayaraq apardılar. Təxmini 1 ay sonra evə bildiriş veriləndə borcunun artdığını görmüş və soruşduqda bildirdi ki, sayğaca müdaxilə nəticəsində Saatlı qaz idarəsinin əməkdaşları 30.09.2021-cı ıl tarixində ******* saylı akt tərtib edərək 216 manat cərimə yazmışlar. Qeyd olunan aktı imza etməmişdir. Halbuki nə o, nə də ailə üzüvləri hal-hazıradək sayğaca heç bir müdaxilə etməmişdir. Buna baxmayaraq əsasız olaraq 216 manat cərimə hesablamışlar. Qaz sayğacı yaşadığı evdən 40 metır aralıdır və sayğaca nəzarət etmək imkanı yoxdur .Təqsiri olmadan qaz sayğacına dəymiş ziyana görə cərimə ödəməli deyil. Məhkəmə iclasında İddiaçı iddia ərizəsində göstərilənlərə uyğun izahat verərək təmin olunmasını xahiş etdi. Məhkəmə iclasında cavabdehin nümayəndəsi X9 iddia tələbinin təmin edilməməsini xahiş etdi. Məhkəmə tərəflərin izahatını dinləyib, məhkəməyə təqdim olunan sübutları tədqiq edib, hesab edir ki, iddia tələbi təmin edilməlidir. Belə ki, iş materiallarına əlavə olunmuş X4 “Təbii qazdan istıfadə qaydalarının pozulması haqqında” 30.09.2021-ci il tarixli, ******* saylı aktının surətindən müəyyən olunur ki, İddiaçı yaşadığı evdə quraşdırılmış sayğacın giriş membranı deşıcı alətlə deşildiyinə görə dəymiş ziyanın hesablanması qərara alınmışdır. X2 aktı imzalamaqdan imtina etdiyi göstərilmişdir. AZ-ÇÇ seriyalı029556 saylı ölüm haqqında şəhadətnamənin surətindən görünür ki, X6 19.12.2019-cu il tarixdə vəfat etmişdir. X4 Salyan RQSD-nin 30.09.2021-ci il tarixli qərarının surətindən müəyyən olunur ki, 30.09.2021-ci il tarixli, ******* saylı akta və “Azəriqaz" İB-ntn Metrologiya Departamentinin sayğacların müayinəsi laboratoriyasının 30.09 2021-cı il tarixli MSK 29/1710-03878-1 nömrəli rəyinə əsasən G-4 markalı 10357833 №-li sayğaca baxış keçirilmiş, sayğacın giriş membranı deşıcı alətlə deşildiyi üçün ünvan 1 ünvanına (abonent kodu: **********001500) 2160 m3 qaz itkisi hesablanmış və ödənilməsi qərara alınmışdır. (2160 m3 x 0,10 manat = 216 manat) Məhkəməyə təqdim olunan abonentin saldosundan müəyyən olunur ki, İddiaçı akt üzrə tələb olunan qaz sərfiyyatına görə borc 216 manat təşkil edir. Məhkəmə qeyd edir ki, Azərbaycan Respublikası Konstitusiyasının 60-cı maddəsinə əsasən hər kəsin hüquq və azadlıqlarının məhkəmədə müdafiəsinə təminat verilir. Təbii qazın ölkədaxili tariflərinin tənzimlənməsi barədə Azərbaycan Respublikasının Tarif (Qiymət) Şurasının 28.11.2016-cı il tarixli 18 nömrəli qərarının 2.3-cü bəndinə əsasən, həmin əlavənin cədvəl bölməsinin 4.1.1-ci və 4.1.2-ci şərtlərində illik istehlak həcmi dedikdə təbii qazın bir təqvim ili ərzindəki istehlak həcmi nəzərdə tutulur və həmin tariflər 01.01.2017ci il tarixdən qüvvəyə minir. Azərbaycan Respublikası Nazirlər Kabinetinin Qazdan istifadə Qaydalarının təsdiq edilməsi haqqında 12.05.2011-ci il tarixli 80 saylı qərarının 1.3.-cü bəndinə əsasən qaz paylayıcısı tərəfindən istehlakçının qazla təchiz edilməsi qazın alqı-satqı müqaviləsinə əsasən həyata keçirilir. Həmin müqaviləyə qaz paylayıcısı ilə istehlakçı arasında qazpaylayıcı şəbəkənin balans mənsubiyyəti sərhədini müəyyən edən akt (1 nömrəli əlavə) əlavə edilir. Həmin Qaydaların 4.2-ci bəndinə əsasən qaz sayğacı ilə təchiz edilmə onun quraşdırılması və dəyişdirilməsi fiziki şəxs olan istehlakçıya münasibətdə qaz paylayıcısı hesabına, hüquqi şəxs olan istehlakçıya münasibətdə isə öz vəsaiti hesabına həyata keçirilir. Həmin qaydaların 4.8-ci bəndinə əsasən fiziki şəxs olan istehlakçıların qaz sayğaclarının işlək vəziyyətdə saxlanmasına görə cavabdehliyi qaz paylayıcısı hüquqi şəxslərin qaz sayğaclarının işlək vəziyyətdə saxlanmasına görə cavabdehliyi isə özləri daşıyırlar. Həmin Qaydaların 5.2.-ci bəndinə əsasən qaz paylayıcısı istehlakçıya verdiyi qazın dəyərini yalnız qaz sayğacının göstəricilərinə əsasən tam hesablamalıdır və hər ay istehlakçıya hesab təqdim etməlidir (göndərməlidir). İstehlakçı tərəfindən qazın hesabı tam ödənildikdən sonra, qaz paylayıcısı tərəfindən yol verilmiş səhvə görə düzgün hesablanmamış qazın dəyərinin qaz paylayıcısı istehlakçı tərəfindən ödənilməsini tələb edə bilməz. Həmin Qaydaların 5.6.-cı bəndinə əsasən qaz paylayıcısı hər bir istehlakçının adına qazın alqı-satqı müqaviləsi bağlandığı gündən fərdi hesab açır və istehlakçıya qaz sayğacının göstəricilərini qeyd etmək üçün üzləşmə kitabçası verir (5 nömrəli əlavə). Həmin qaydaların 6.1-ci bəndinə əsasən qaz paylayıcısı tərəfindən aşağıdakı hallarda qazın verilməsini dayandıra bilər: istehlakçının müvafiq müraciəti olduqda, təmir-profilaktika və qəza işləri görüldükdə, o cümlədən baş verən yanğın və ya qaz sızmasının qarşısı alındıqda, istehlakçının qaz qurğusunun Azərbaycan Respublikası Nazirlər Kabinetinin müəyyən etdiyi dövlət standartlarının tələblərinə cavab vermədikdə, qaz paylayıcısının istehlakçıya verdiyi qazın sayğacla müəyyənləşdirilən hesabı istehlakçıya qaz paylayıcısı tərfindən təqdim edildikdən sonra bir ay müddətində tam ödənilmədikdə, qaz paylayıcısı ilə müqavilə bağlanmadıqda, məhkəmənin qərarı ilə. Məhkəmə araşdırması zamanı tədqiq olunmuş sübutlarla müəyyən olunmuşdur ki, iddiaçının evinə quraşdırdığı sayğacın yararsız olmasını müəyyən edən cavabdeh, 30.09.2021-ci il tarixli, ******* saylı aktına əsasən istehlakçıya qaz sərfiyyatına görə dəymiş ziyan hesablanmalı olmasını müəyyən etmiş, 30.09.2021-ci il tarixli qərarına əsasən ziyanın 216 manat olmasını müəyyən etmişdir. Göründüyü kimi, iddiaçının evində öz vəsaiti hesabına qaz sayğacını quraşdırmaq, onun normal qaydada işləməsinə nəzarət etmək cavabdehin vəzifəsi olduğu halda o, öz vəzifələrini yerinə yetirdikdən sonra istehlakçıya qarşı qanunsuz və əsassız akt tərtib edib bu akt əsasında qərar qəbul etməklə qanunsuz tələb irəli sürmüş, yəni istehlakçının təqsirini sübuta yetirmədən ondan itirilmiş qaz sərfiyyatına görə pul vəsaiti tələb etmişdir. Ona görə də məhkəmə iddiaçının hesablanan borcun silinməsinə dair tələblərini əsaslı hesab edib təmin edir. Azərbaycan Respublikası MPM-nin 119.1-ci maddəsinə əsasən məhkəmə xərcləri ödənilmiş iddia tələbinin məbləğinə münasib olaraq işdə iştirak edən şəxslərə aid edildiyindən, məhkəmə hesab edir ki, ödənilməli olan dövlət rüsumu cavabdehə aid edilməlidir. Azərbaycan Respublikası Mülki-Prosessual Məcəlləsinin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Şərh olunanlara əsasən və Azərbaycan Respublikası MPM-nin 216-220-ci maddələrini rəhbər tutaraq, məhkəmə QƏT ETDİ: İddia təmin edilsin. X4 “Təbii qazdan istıfadə qaydalarının pozulması haqqında” 30.09.2021-ci il tarixli, ******* saylı aktı ləğv edilsin və həmin akt əsasında İddiaçı yaşadığı ünvan 1 ünvanına (abonent kodu: **********01500) qaz itkisinə görə hesablanmış 216 (iki yüz on altı) manat borcun silinməsi cavabdeh X5 həvalə edilsin. X3 dövlət rüsumuna görə 30 (otuz) manat dövlət nəfinə tutulsun. Qətnamədən rəsmi qaydada verildiyi gündən bir ay müddətində Xətai Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Sədrlik edən Sərdar Mehrəliyev