Azərbaycan Respublikası adından QƏRARDAD Bakı şəhəri İş № 2(011)-8330/2023 03.11.2023 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Samirə Eyvazova Əli qızı İddiaçı Cavabdehnə qarşı “borcun silinməsi” tələbinə dair iddia ərizəsini və ona əlavə olunmuş sənədləri araşdırıb, MÜƏYYƏN ETDİ:
1. İddiaçı Cavabdehnə qarşı “borcun silinməsi” tələbinə dair iddia ərizəsi ilə məhkəməyə müraciət etmişdir.
2. İddiaçı xx.xx.2023-cü il tarixli aktın ləğv edilməsi və akt əsasında hesablanmış borcun silinməsi barədə qətnamə qəbul edilməsini xahiş etmişdir.
Tətbiq edilən hüquq:
3. Azərbaycan Respublikası Mülki Prosessual Məcəlləsi: 149.1. İddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. 149.2. Ərizədə aşağıdakılar göstərilməlidir: 149.2.3. iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb. 151.1. iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. 152.1.1. iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. 152.1.5. müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. 152.4. iddia ərizəsinin qaytarılması nöqsanlar aradan qaldırıldıqdan sonra ikinci dəfə məhkəməyə müraciət etmək hüququ izah olunur.
Məhkəmənin mövqeyi:
4. Məhkəmə ərizəni və ona əlavə edilmiş sənədləri nəzərdən keçirib hesab edir ki, ərizə geri qaytarılmalıdır.
5. Mülki prosessual qanunvericiliyin tələbinə əsasən iddiaçı iddia ərizəsində tələbinin əsası kimi istinad etdiyi fakt və hallar və onları təsdiq edən sübutları ərizəyə əlavə etməlidir. Lakin ərizə “borcun silinməsi” ilə bağlı olsa da, iddia ərizəsinə tələbin əsası kimi istinad edilən heç bir fakt və halı təsdiq edən sübutlar əlavə edilməmiş, iddia tələbinin mahiyyəti ilə bağlı olmayan sənədlər əlavə etməklə kifayətlənilmişdir. Bu isə iddia ərizəsinin forma və məzmununa dair mülki prosessual qanunvericiliyin tələblərinin pozulmasıdır. (§3) Mülki prosessual qənaət prinsipinin tələbinə əsasən iddiaçı tələbinin əsaslı olduğunu sübut edən halları təsdiq edən əsaslı sübutları iddia ərizəsinə əlavə etməklə məhkəməyə müraciət etməlidir.
6. Eyni zamanda iddiaçı hazırki iddia ərizəsi üzrə tələbini dəqiq və konkret ifadə etməmişdir. İddiaçı məhkəmədən xx.xx.2023-cü il tarixli aktın ləğv edilməsi və akt əsasında hesablanmış borcun silinməsi barədə qətnamə qəbul edilməsini xahiş etmişdir. İddia tələbi borcun silinməsi olsa da, dəqiq olaraq akt əsasında hesablanmış nə qədər borcun silinməsinin xahiş edilməsi ərizədə göstərilməmişdir. Bu isə iddia tələbinin dəqiq və konkret olması ilə bağlı mülki prosessual qanunvericiliyin tələblərinin pozulması kimi qiymətləndirilməlidir.
7. Qeyd olunanlara əsasən məhkəmə hesab edir ki, iddiaçının iddia ərizəsi geri qaytarılmalıdır.
8. Məhkəmə iddiaçıya, lazımi sənədləri əlavə etdikdən və qərardadda qeyd edilən nöqsanlar aradan qaldırıldıqdan sonra məhkəməyə yenidən müraciət etmək hüququnun olmasını izah edir.
9. Şərh olunanlara əsaslanaraq və Azərbaycan Respublikasının MPM-nin 152, 263- 264-cü maddələrini rəhbər tutaraq,
QƏRARA ALDİ:
1. İddiaçı Cavabdehnə qarşı “borcun silinməsi” tələbinə dair iddia ərizəsi və ona əlavə edilmiş sənədlər geri qaytarılsın.
2. İddiaçıya lazımi sənədlər əlavə edildikdən və qərardadda qeyd edilən nöqsanlar aradan qaldırıldıqdan sonra hazırkı iddia ərizəsi ilə bağlı məhkəməyə yenidən müraciət etmək hüququnun olması izah olunsun.
3. Qərardaddan rəsmi qaydada verildiyi gündən 10 (on) gün müddətində Bakı şəhəri Xətai Rayon Məhkəməsinə (“Elektron məhkəmə” informasiya sistemində yaradılan kabinetdən elektron qaydada) şikayət verilə bilər.
Hakim: Samirə Eyvazova