Abşeron Rayon Məhkəməsi Qərardad — İş №2(012)-1558/2021

Azərbaycan Respublikası adından QƏRARDAD Xırdalan şəhəri İş № 2(012)-1558/2021 28.01.2021 ABŞERON RAYON MƏHKƏMƏSİ Mən, Abşeron Rayon Məhkəməsinin hakimi Əhmədov Habil Yunis oğlu, Ərizəçi hüquqi əhəmiyyəti olan faktın müəyyən edilməsi barədə ərizəsini nəzərdən keçirib, MÜƏYYƏN ETDİM: Ərizəçi hüquqi əhəmiyyəti olan faktın müəyyən edilməsi barədə ərizə ilə məhkəməyə müraciət edərək, JN-746A nömrəli şəhadətnamədə hüquq sahibi “X5” nun, şəxsiyyət vəsiqəsində qeyd edilən “X6” ilə, hüquq sahibi “X7”nun, AR-in vətəndaşının ölüm haqqında şəhadətnaməsində qeyd edilən “X8” ilə, hüquq sahibi “X15”nun, AR vətəndaşının şəxsiyyət vəsiqəsində qeyd edilən “X16” ilə, hüquq sahibi “X9”nın, şəxsiyyət vəsiqəsində qeyd edilən “X10” ilə, hüquq sahibi “X17”nun, şəxsiyyət vəsiqəsində qeyd edilən “X18” ilə, hüquq sahibi “X11”nın, şəxsiyyət vəsiqəsində qeyd edilən “X12” ilə eyni şəxs olması faktına dair qətnamə qəbul edilməsini xahiş etmişdir. Həmin ərizə Azərbaycan Respublikasının Mülki Prosessual Məcəlləsinin (bundan sonra MPM) 149-cu maddəsi ilə müəyyən edilmiş tələblərə cavab vermir. Azərbaycan Respublikası MPM 307.2.5-ci maddəsinə əsasən məhkəmə şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddə göstərilən adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsi barədə işlərə baxır. Qanundan göründüyü kimi Ərizəçi JN-746A nömrəli şəhadətnamədə göstərilən adı, atasının adı və ya soyadı şəxsiyyəti təsdiq edən sənəddə göstərilən adı, atasının adı və ya soyadı ilə düz gəlmədiyi halda həmin şəhadətnamənin X1, X2, X13, X3, X14, X4 məxsus olması faktının müəyyən edilməsini xahiş etmək əvəzinə, JN-746A nömrəli şəhadətnamədə hüquq sahibi “X5” nun, şəxsiyyət vəsiqəsində qeyd edilən “X6” ilə, hüquq sahibi “X7”nun, AR-in vətəndaşının ölüm haqqında şəhadətnaməsində qeyd edilən “X8” ilə, hüquq sahibi “X15”nun, AR vətəndaşının şəxsiyyət vəsiqəsində qeyd edilən “X16” ilə, hüquq sahibi “X9”nın, şəxsiyyət vəsiqəsində qeyd edilən “X10” ilə, hüquq sahibi “X17”nun, şəxsiyyət vəsiqəsində qeyd edilən “X18” ilə, hüquq sahibi “X11”nın, şəxsiyyət vəsiqəsində qeyd edilən “X12” ilə eyni şəxs olması faktına dair qətnamə qəbul edilməsini xahiş etmişdir. Bu isə iddia ərizəsinin qanunla nəzərdə tutulmuş forma və məzmununa uyğun deyildir. Eyni zamanda Ərizəçi öz adından yalnız özünün hüquqlarının müdafiəsi üçün məhkəməyə müraciət etmək hüququ vardır. Digər şəxlərin adından müraciət etmək hüququ isə onun özünə deyil, həmin şəxslərə aiddir ki, hər bir şəxs öz hüquqlarının müdafisəsi üçün ayrı-ayrılıqda öz adlarından bir ərizədə müraciət etmək hüquqları vardır. Azərbaycan Respublikası MPM-nin; 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim ərizəni və ona əlavə edilmiş sənədləri geri qaytarır. Ona görə də məhkəmə hesab edir ki, ərizə və ona əlavə olunmuş sənədlər geri qaytarılmalıdır. Eyni zamanda məhkəmə qeyd edir ki, Azərbaycan Respublikası Mülki Prosessual Məcəlləsinin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 149, 150, 152,1,1, 263, 264, 267 və 268-ci maddələrini rəhbər tutaraq, QƏRARA ALDİM : Ərizəçi hüquqi əhəmiyyəti olan faktın müəyyən edilməsi barədə ərizəsi və ona əlavə edilmiş sənədlər ərizəçiyə geri qaytarılsın. Ərizəçiyə izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad tərəfə rəsmi qaydada verildiyi gündən sonra 10 gün müddətində ondan Abşeron rayon Məhkəməsinə şikayət verilə bilər. Hakim: Habil Əhmədov