Abşeron Rayon Məhkəməsi Qətnamə — İş №2(012)-2865/2021

Azərbaycan Respublikası adından QƏTNAMƏ Xırdalan şəhəri İş № 2(012)-2865/2021 08.06.2021 ABŞERON RAYON MƏHKƏMƏSİ Hakim Məmmədov Elman Tofiq oğlunun sədrliyi, Mirzəzadə Şəbnəm Çingiz qızının katibliyi, İddiaçı, Cavabdeh nümayəndəsi X1 iştirakları ilə, İddiaçı Cavabdehnə qarşı borcun silinməsi tələbinə dair mülki işə 08 iyun 2021-ci il tarixdə Abşeron rayon məhkəməsinin binasında açıq məhkəmə iclasında baxaraq, müəyyən etdi: İddiaçı Cavabdehnə qarşı iddia ərizəsi ilə məhkəməyə müraciət edərək, ünvan 1 abonent kodu-**********00063 olan onun adına hesablanmış 464,40 manat cərimə pulunun silinməsi barədə qətnamə qəbul edilməsini xahiş etmişdir. İddiaçı məhkəməyə iddia tələbinin dəqiqləşdirilməsinə dair ərizə ünvanlayaraq, bildirmişdir ki, Cavabdeh» İstehsalat Birliyi tərəfindən İddiaçı yaşadığı abonent kodu-**********00063 olan, ünvan 1 ünvanında yerləşən fərdi yaşayış evinə quraşdırılmış qaz sayğacına görə 26.08.2019-cu il tarixli, ******* saylı akt ləğv edilsin və həmin akt üzrə hesablanmış 464,40 manat cərimə silinməsi barədə qətnamə qəbul edilməsini xahiş etmişdir. İddiaçı məhkəmə iclasında iddia tələbini müdafiə edərək bildirdi ki, Abşeron rayonu, Saray qəsəbəsi, Z.Bünyadov küçəsiində yerləşən 3 saylı evə dair ƏMDK yanında DƏDRX tərəfindən verilmiş olduğu çıxarış onun adınadır. O, ailə üzvləri ilə birlikdə həmin evdə yaşayır. Onun evinə yerləşdirilmiş sayğac onlar tərəfindən müdaxilə oldunduğu üçün çıxardılmış və ona cərimə tətbiq edilmişdir. 464,40 manat pulu ondan tələb edirlər. Ona bu barədə akt və s. heç bir sənəd təqdim edilməmişdir. Smart tipli qaz kartına pul yükləyən zaman həmin pulun bir hissəsinin kartdan çıxıldığını öyrənmişdir. Bundan sonra o, Cavabdeh İB-nə müraciət etmişdir, ona Abonentin Saldosunu təqdim edərək, cərimə pulu barədə məlumat verdilər. Qəbul edilmiş aktı tələb etdikdə isə, ona təqdim oluna bilməz deyə bildirdilər. Mən hətta Cavabdeh İB-nə mürciət etdikdən sonra ona bildirdilər ki, Departamentə ərizə ilə müraciət etsin, həqiqətləri orada qeyd etsin və tətbiq edilmiş cərimə silinsin. Departament tərəfindən ona cavab məktubu göndərilərək, 464,40 manat borcumun olduğu bir daha qeyd edildi. Onun evi üçün quraşdırılmış sayğac yol kənarındadır. Həmin yolu müxtəlif vətəndaşlar istifadə edir. Köhnə sayğac çıxarılarkən onun iştirakı təmin edilməmişdir. Qeyd etdiklərinə əsasən o, hüquqlarının bərpa olunmasında ötrü məhkəməyə müraciət etmək qərarına gəlmişdir. **********00063 saylı abonent koduna tətbiq edilmiş borc əsassız olduğu üçün silinməlidir. Azərbaycan Respublikasının Konstitusiyası hər kəsin öz hüquq və azadlıqlarını məhkəmələrdə müdafiə edilməsinə zəmanət verir. Qeyd olunanlara əsasən, o, iddia tələbinin təmin olunmasını məhkəmədən xahiş etdi. Cavabdeh nümayəndəsi X2 məhkəmədə izahatında bildirdi ki, İddiaçı iddia ərizəsi ilə Abşeron rayon məhkəməsinə müraciət edərək akt əsasında hesablanmış 464,40 manat dəymiş ziyan məbləğinin silinməsi barədə qətnamə qəbul edilməsini xahiş etmişdir. İddiaçı məhkəmə qarşısında qaldırdığı iddiası tam əsassızdır və bu səbəbdən də, təmin edilməməlidir. Belə ki, İddiaçı uzun müddət təbii qazdan sayğaca müdaxilə edərək istifadə etməklə Cavabdeh İsatehsalat Birliyinə ziyan vurmuşdur. Bununla əlaqədar əməkdaşlarımız tərəfindən qanuna müvafiq qaydada akt tərtib edilmiş, dəymiş ziyan hesabatı hazırlanmışdır, həmçinin müdaxilə faktını təsdiq edən sayğaca müdaxilə edilməsi haqqında rəy verilmişdir. Cavabdeh əməkdaşları tərəfindən sayğaca baxış keçirilən zaman sayğacın hesablama mexanizminin qazın sərfini qeydə almadığı, sayğacın hesablayıcı mexanizmi hərəkətə gətirən maqnit ötürücünun yararsız olduğu, daxili qulaqcıqlarında əzik-cızıq izlərinin olduğu müəyyən edilmişdir. Bununla da sayğaca müdaxilə faktı öz təsdiqini tapmışdır. Qeyd olunan və əldə olan əsaslı sənədlər İddiaçı təbii qazdan qeyri-qanuni olaraq sayğaca müdaxilə edərək təbii qazı taladığını təsdiq edir. Bununla bağlı dəymiş ziyan hesablanaraq ümumilikdə 464,40 manat həcmində qazın talandığı müəyyən edilmişdir. Qeyd olunanlara əsasən, o, iddianın təmin edilməməsini xahiş etdi. İş materiallarında olan təbii qazdan istifadə qaydalarının pozulması haqqında 26.08.2019-cu il tarixli, ******* saylı aktdan görünür ki, İddiaçı məxsus ünvan 2 ünvanında yerləşən fərdi yaşayış evinə quraşdırılmış abonent kodu **********0211 olan sayğaca baxış keçirilən zaman aşkar olunmuşdr ki, sayğacın hesablama mexanizmi qazın sərfini qeydə almır. Sayğac açılaraq daxilinə baxış keçirildi və sayğacın hesablayıcı mexanizmi hərəkətə gətirən maqnit ötürücü yararsızdır, daxili qulaqcıqlarında əzik-cızıq izləri var. İş materiallarında olan 26 yanvar 2021-ci il tarixli sənəddən görünür ki, aparılan araşdırma zamanı müəyyən olunmuşdur ki, İddiaçı məxsus mənzilin Sumqayıt abonenti (Abonent kodu: **********0211) olarkən hesab kodunda 464,40 manat borcu olmuşdur. Abşeron xidmət sahəsi ərazisindən qaz aldığı üçün yeni **********00063 saylı abonent kodu açılaraq borc həmin koda köçürülmüşdür. İş materiallarında olan İddiaçı məxsus abonentin saldosundan görünür ki, İddiaçı ümumilikdə 464,40 manat borc hesablanmışdır. Məhkəmə tərəfləri dinləyib, işin bütün hallarının məcmusuna hərtərəfli, tam və obyektiv baxaraq, iş üzrə sübutları qiymətləndirərək hesab edir ki, İddiaçı Cavabdehnə borcunun silinməsi tələbinə dair iddiası təmin edilməlidir. Belə ki, iş materiallarından göründüyü kimi Cavabdeh tərəfindən əsassız olaraq 26.08.2019-cu il tarixli, ******* saylı akt tərtib edilərək İddiaçı məxsus mənzilin Sumqayıt abonenti (Abonent kodu: **********0211) olarkən hesab kodunda 464,40 manat borcu hesablanmış,sonradan İddiaçı Abşeron xidmət sahəsi ərazisindən qaz aldığı üçün yeni **********00063 saylı abonent kodu açılaraq borc həmin koda köçürülmüşdür. Məhkəmə bununla bağlı qeyd edir ki, qanunla və qaz istismarı qaydalarına uyğun olaraq İddiaçı və ondan əvvəlki abunəçi istifadə etdiyi qazın sərfiyyatını hesablayan sayğacın mühafizəsini həyata keçirmək öhdəliyi daşımadığından, həmin sayğacın kənar müdaxilələrdən qorunması, həmçinin sayğaclarının işlək vəziyyətdə saxlanılmasına görə cavabdehliyi qaz paylayıcısı, yəni iş üzrə cavabdeh olan Cavabdeh İB X3 Sahəsi daşıdığından mübahisələndirilən akt üzrə müdaxilə olunması iddia olunan qaz sayğacının yararsız vəziyyətə düşməsinə görə iddiaçı məsuliyyət daşıya və buna görə hər hansı zərər əvəzinin ödənilməsi ondan tələb edilə bilməz. Bundan əlavə məhkəmədə cavabdehin nümayəndəsi etirazının əsaslarını sübut edə bilməmiş və sayğacın İddiaçı tərəfindən müdaxilə edilməsini təsdiq edə biləcək hər hansı mötəbər sübutu məhkəməyə təqdim etməmişdir. Azərbaycan Respublikasının Nazirlər Kabinetinin 12 may 2011-ci il tarixli 80 saylı Qərarı ilə təsdiq edilmiş "Qazdan istifadə Qaydaları"nın 4.6-cı bəndinə əsasən qaz sayğaclarının üzərində SMPDK-nın və qaz paylayıcısının plombu olmalıdır. "Qazdan istifadə Qaydaları"nın 4.7-ci bəndinə əsasən sayğacların üzərində olan plomblar kənar müdaxilələrdən qorunmaq üçün müvafiq örtüklə örtülməli (fiziki şəxs olan istehlakçıların sayğacları qaz paylayıcısı tərəfindən) və sayğac göstəricisinə sərbəst şəkildə baxılmasına imkan olmalıdır. "Qazdan istifadə Qaydaları"nın 4.8-ci bəndinə əsasən fiziki şəxs olan istehlakçıların qaz sayğaclarının işlək vəziyyətdə saxlanılmasına görə cavabdehliyi qaz paylayıcısı, hüquqi şəxslərin qaz sayğaclarının işlək vəziyyətdə saxlanılmasına görə cavabdehliyi isə özləri daşıyırlar. Ona görə də məhkəmə yuxarıda qeyd olunan qanunvericilik normalarına istinad edərək hesab edir ki, ünvan 1 ünvanında yerləşən fərdi yaşayış evinə quraşdırılmış təbii qaz sayğacının yararsız vəziyyətə düşməsinə görə heç bir məsuliyyət daşımağından 464,40 manat məbləğində hesablanmış cərimə silinməlidir. Bundan başqa Cavabdeh tərəfindən itirilmiş qazın bərpası üçün 26.08.2019-cu il tarixli, ******* saylı akt əsasında abonentə 464,40 manat məbləğ hesabladığından, yuxarıda qeyd olunan hüquqi mövqeyə görə həmin məbləğin mövcud qanunvericiliyə uyğun hesablanmaması nəticəsinə gəlindiyindən, məhkəmə sözügedən aktı da əsassız hesab edərək ləğv edilməsi nəticəsinə gəlir. Azərbaycan Respublikası MPM-in 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikası MPM-in 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinə əsasən, məhkəmə öz qətnaməsini yalnız məhkəmə iclasında tədqiq olunmuş sübutlara əsaslandırır. Qeyd edilənlərə əsasən və Azərbaycan Respublikası MPM-nin 216-220-ci maddələrini rəhbər tutaraq, məhkəmə qət etdi: İddia təmin edilsin. Cavabdeh tərəfindən İddiaçı yaşadığı abonent kodu-**********00063 olan, ünvan 1 ünvanında yerləşən fərdi yaşayış evinə quraşdırılmış qaz sayğacına görə 26.08.2019-cu il tarixli, ******* saylı akt ləğv edilsin və həmin akt üzrə hesablanmış 464,40 manat cərimə silinsin. Qətnamə rəsmi qaydada verildiyi gündən bir ay müddətində Abşeron rayon məhkəməsi vasitəsi ilə Azərbaycan Respublikası Sumqayıt Apellyasiya Məhkəməsinə apellyasiya şikayəti verilə bilər. HAKİM: ELMAN MƏMMƏDOV