Abşeron Rayon Məhkəməsi Qətnamə — İş №2(012)-325/2023

Azərbaycan Respublikası adından QƏTNAMƏ Xırdalan şəhəri İş № 2(012)-325/2023 12.01.2023 ABŞERON RAYON MƏHKƏMƏSİ Hakim Abbasova Məlahət Aslan qızının sədrliyi, Əliyeva Afaq Əkbər qızının katibliyi, Ərizəçi iştirakı ilə, Ərizəçi şəxsin fəaliyyət qabiliyyəti olmayan hesab edilməsi barədə ərizəsi üzrə mülki işə Xırdalan şəhərində, məhkəmənin inzibati binasında açıq məhkəmə iclasında baxaraq, MÜƏYYƏN ETDİ: Ərizəçi atası - xx.xx.1963-cü il təvəllüdlü X3 fəaliyyət qabiliyyəti olmayan hesab edilməsi barədə ərizə ilə məhkəməyə müraciət etmişdir. Ərizə onunla əsaslandırılmışdır ki, ərizəçinin atası - xx.xx.1963-cü il təvəllüdlü X3 psixi qüsurları vardır. Bununla bağlı o, Abşeron rayon Mərkəzi Xəstəxanasında stasionar müalicə də almışdır. Ona şizofreniya, paranoid forma, dərin qüsur halı qoyulmuşdur. Bu əsaslarla Tibbi Sosial Ekspert Komissiyası tərəfindən müddətsiz olaraq əlillik təyin olunmuşdur. Umud Quliyev onunla birlikdə yaşayır. O, öz hərəkətlərini idarə edə bilmədiyindən onun hüquq və mənafeləri ilə bağlı olan hər hansı məsələni həll etmək olmur. Atası yetkinlik yaşına çatmış olduğundan onunla əlaqədar hər hansı məsələnin həlli üçün özünün iştirakı tələb olunur, özünə isə nəyisə etməyi və ya etməməyi izah etmək olmur. Onun bu vəziyyətindən başqalarının sui-istifadə etməklə hüquq və mənafelərini pozması ehtimalı da mövcuddur. Buna görə də atasının fəaliyyət qabiliyyəti olmayan şəxs hesab edilməsi zərurəti yaranmışdır. Məhkəmə iclasında Ərizəçi ərizəsini müdafiə edərək onun təmin edilməsini xahiş etdi. Maraqlı tərəf Abşeron rayon İcra Hakimiyyətinin nümayəndəsi Nümayəndə iştirak etdiyi məhkəmə iclasında ərizənin həll edilməsini məhkəmənin mülahizəsinə buraxdığını bildirdi. Məhkəmə tərəfləri dinləyib, işdə olan hüquqi sənədləri tədqiq edərək toplanmış sübutların məcmusuna hüquqi qiymət verib, belə hüquqi nəticəyə gəlir ki, ərizə əsaslıdır və təmin edilməlidir. İşdə olan 468815 saylı doğum haqqında şəhadətnamənin surətindən görünür ki, X2 atası X5r. İşdə olan Əmək və Əhalinin Sosial Müdafiəsi Nazirliyi TSEK-in sonuncu müayinəyə dair xx.xx.2022-ci il tarixli məlumatdan görünür ki, xx.xx.1963-cü il təvəllüdlü X6 şizofreniya, şizofreniya-paranoid forma, dərin qüsur halı diaqnozu ilə birinci dərəcəli müddətsiz əlildir. Kənar şəxslərin qulluq və nəzarətinə ehtiyacı var. İşdə olan Səhiyyə Nazirliyi Məhkəmə X1 Ambulator Məhkəmə Psixiatrik Ekspertizasının xx.xx.2022-ci il tarixli, 4286 saylı rəyindən görünür ki, xx.xx.1963-cü il təvəllüdü X4 “Şizofreniya. Psixi qüsur halı” xroniki psixi xəstəliyi aşkar olunur. Tibbi sənədlərə və anamnestik məlumatlara əsasən 17 yaşından psixi xəstəlikdən əziyyət çəkir. Şizofrenik pozuntu başlıca olaraq təfəkkür və qavrayışını təhrif olunması, həmçinin qeyriadekvat affektlə müşahidə edilən psixi xəstəlikdir. O, öz psixi vəziyyətinə görə hərəkətlərinin mənasını dərk etmək və onları şüurlu idarə etmək iqtidarına malik deyil. X3 psixi vəziyyətinə görə fəaliyyət qabiliyyəti olmayan şəxs hesab etməyə əsaslar vardır. Mülki Prosessual Məcəllənin 305.1.3-cü maddəsinə əsasən məhkəmə şəxsin məhdud fəaliyyət qabiliyyətli və ya fəaliyyət qabiliyyəti olmayan hesab edilməsi haqqında işlərə xüsusi icraat qaydasında baxır. Həmin Məcəllənin 317.2-ci maddəsinə əsasən məhkəmədə psixi qüsurlarına görə şəxsin fəaliyyət qabiliyyəti olmayan hesab edilməsi haqqında iş, ailə üzvlərinin birgə yaşamasından asılı olmayaraq, yaxın qohumların (valideynlərin, uşaqların, qardaş-bacıların), müvafiq icra hakimiyyəti orqanının, psixiatriya (psixonevroloji) müəssisəsinin ərizəsi üzrə qaldırılır. Həmin Məcəllənin 318.2-ci maddəsinə əsasən şəxsin fəaliyyət qabiliyyəti olmayan hesab edilməsi haqqında ərizədə psixi qüsurun nəticəsində şəxsin öz hərəkətlərinin mənasını anlaya bilməməsini və ya öz hərəkətlərini idarə edə bilməməsini təsdiq edən hallar şərh edilməlidir. Mülki Məcəllənin 28.8-ci maddəsinə əsasən ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər də məhkəmə tərəfindən fəaliyyət qabiliyyəti olmayan sayıla bilər. Onlar üzərində qəyyumluq müəyyənləşdirilir. Fəaliyyət qabiliyyəti olmayan sayılmış fiziki şəxsin adından əqdləri onun qəyyumu bağlayır. Fəaliyyət qabiliyyəti olmayan sayılmış şəxsin bağladığı əqd sonradan qəyyumun razılığı ilə etibarlı hesab edilə bilər. Məhkəmə tərəfindən işin araşdırılan hallarından müəyyən edilir ki, xx.xx.1963-cü il təvəllüdü X4 şizofreniya, psixi qüsur halı xroniki psixi xəstəliyi aşkar olunur. Onun daimi qulluğa ehtiyacı var və hərəkətlərinə nəzarət etmək, öz hərəkətlərinin nəticəsini dərk etmək qabiliyyəti yoxdur. Beləliklə, məhkəmə hesab edir ki, ərizə təmin edilməli, xx.xx.1963-cü il təvəllüdü X6 fəaliyyət qabiliyyəti olmayan şəxs hesab edilməlidir. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220 və 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. xx.xx.1963-cü il təvəllüdü X6 fəaliyyət qabiliyyəti olmayan şəxs hesab edilsin. Qətnamədən rəsmi qaydada verildiyi gündən 1 (bir) ay müddətində Abşeron Rayon Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Hakim: Məlahət Abbasova