Abşeron Rayon Məhkəməsi Qərardad — İş №2(012)-5364/2022

Azərbaycan Respublikası adından QƏRARDAD Xırdalan şəhəri İş № 2(012)-5364/2022 20.12.2022 ABŞERON RAYON MƏHKƏMƏSİ Hakim Abbasova Məlahət Aslan qızının sədrliyi, Əliyeva Afaq Əkbər qızının katibliyi ilə, İddiaçı Heydər Əliyev adına X1 cavabdeh "xxxx" Birgə Müəssisəsinə qarşı özbaşına inşa edilmiş tikilinin sökülməsi barədə iddia ərizəsinə dair mülki işə Xırdalan şəhərində, məhkəmənin inzibati binasında açıq məhkəmə iclasında baxaraq, MÜƏYYƏNETDİ: İddiaçı Heydər Əliyev adına X3 cavabdeh "xxxx" Birgə Müəssisəsinə qarşı özbaşına inşa edilmiş tikilinin sökülməsi barədə iddia ərizəsilə məhkəməyə müraciət edərək, cavabdeh "xxxx" Birgə Müəssisəsi tərəfindən Abşeron rayonu, Hökməli qəsəbəsi, Atyalı adlanan ərazisindən keçən hissəsində NEZ-ə məxsus DŞ-500 mm-lik yerüstü dizel boru kəmərindən təqribən 47 metr ara məsafədə, DŞ 250 mm-lik nafta xəttindən isə təqribən 43 metr ara məsafəsində tikilmiş yarımçıq tikilinin neft boru xəttlərinin mühafizə hissəsinə düşən hissəsinin sökülməsi barədə qətnamə çıxarılmasını xahiş etmişdir. İddiaçı Heydər Əliyev adına X3 məhkəməyə ərizə ilə müraciət edərək, iddia ərizəsinin və ona əlavə edilmiş sənədlərin geri qaytarılmasını və iddia ərizəsinin baxılmamış saxlanılmasını xahiş etmişdir. Məhkəmə iclasının vaxtı və yeri barədə lazımi qaydada məlumatlandırılmasına baxmayaraq tərəflər məhkəmə iclasında iştirak etməmiş və səbəbləri barədə heç bir məlumat verməmişlər. Məhkəmə işə tərəflərin iştirakı olmadan baxılmasını mümkün hesab etmişdir. Azərbaycan Respublikası Mülki Prosessual Məcəlləsinin 259.0.11-ci maddəsinə əsasən, iddia ərizəsinin qaytarılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanılır. Məhkəmə hesab edir ki, qeyd olunanlara əsasən iddiaçının iddia ərizəsinin geri qaytarılması barədə ərizəsi təmin edilməli, həmin ərizə əsasında iddia ərizəsi baxılmamış saxlanılmalı və iddia ərizəsi ona əlavə edilmiş sənədlərlə birlikdə iddiaçıya geri qaytarılmalıdır. Bundan başqa, işdən görünür ki, iddiaçı Heydər Əliyev adına X3 hazırki iddia ərizəsini verərkən müvafiq ödəmə sistemi vasitəsilə 3073 saylı ödəniş tapşırığı ilə Abşeron Rayon Məhkəməsinə iddia ərizəsinin verilməsi üçün 100 manat məbləğində dövlət rüsumunu xx.xx.2022-ci ildə ödəmişdir. Azərbaycan Respublikası Mülki-Prosessual Məcəlləsinin 114.1.3-cü maddəsinə əsasən, bu Məcəllə ilə nəzərdə tutulmuş əsaslarla ərizə geri qaytarılarsa, dövlət rüsumu geri qaytarılır. “Dövlət rüsumu haqqında” Azərbaycan Respublikası Qanununun 5.1.2-ci maddəsinə əsasən, ərizələr (şikayətlər) qaytarıldıqda və ya ərizə baxılmamış saxlanıldıqda, habelə notariat əməliyyatlarının icrasından imtina edildikdə dövlət rüsumu geri qaytarılır. Məhkəmə hesab edir ki, qeyd olunanlara əsasən, iddiaçının iş üzrə ödəmiş olduğu 100 manat məbləğində dövlət rüsumu da ona geri qaytarılmalıdır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 263, 264, 267 və 268-ci maddələrini rəhbər tutaraq, məhkəmə QƏRARAALDİ: İddiaçı Heydər Əliyev adına X1 iddia ərizəsinin qaytarılması və mülki işin baxılmamış saxlanması barədə ərizəsi təmin edilsin. İddiaçı Heydər Əliyev adına X1 cavabdeh "xxxx" Birgə Müəssisəsinə qarşı özbaşına inşa edilmiş tikilinin sökülməsi barədə iddia ərizəsi baxılmamış saxlanılsın və iddia ərizəsi əlavə olunmuş sənədlərlə birlikdə iddiaçıya qaytarılsın. İddiaçı Heydər Əliyev adına X1 hazırki mülki iş (2(012)-5364/2022 saylı mülki iş) üzrə ödəmiş olduğu 100 manat məbləğində dövlət rüsumu (3073 saylı ödəniş tapşırığı) dövlət büdcəsinin vəsaiti hesabından iddiaçı Heydər Əliyev adına X2 (VÖEN **********) qaytarılsın. Qərardaddan qərardadın rəsmi qaydada verildiyi gündən 10 (on) gün müddətində Abşeron Rayon Məhkəməsinə şikayət verilə bilər. Hakim: Məlahət Abbasova