Abşeron Rayon Məhkəməsi Qətnamə — İş №2(012)-552/2021

Azərbaycan Respublikası adından QƏTNAMƏ Xırdalan şəhəri İş № 2(012)-552/2021 31.03.2021 ABŞERON RAYON MƏHKƏMƏSİ Hakim Səfiyeva Cəmilə İbrahim qızının sədrliyi, Əliyeva Arzu Siyavuş qızının katibliyi, İddiaçı nümayəndəsi X4, Cavabdeh iştirakı ilə, İddiaçı Cavabdeh qarşı dəymiş zərərin əvəzinin ödənilməsi tələbinə dair iddiası üzrə mülki işə xx xxxx 2021-ci il tarixdə Xırdalan şəhərində, məhkəmənin inzibati binasında açıq məhkəmə iclasında baxaraq, MÜƏYYƏN ETDİ: İddiaçı Cavabdeh qarşı dəymiş zərərin əvəzinin ödənilməsi tələbinə dair iddia ərizəsi ilə məhkəməyə müraciət edərək, Cavabdeh tərəfindən təbii qazdan qeyri-qanuni istifadəyə görə hesablanmış 15.357,80 manat məbləğində dəymiş ziyan, həmçinin 30 manat dövlət rüsumu olmaqla, cəmi 15387,80 manat pulun məcburi qaydada tutularaq İddiaçı ABB Sabunçu filialı, Kod: 805573, VÖEN **********, M/H AZ03NABZ********************, SWİFT İBAZAZ2X, İddiaçı İB, VÖEN **********, İBAN: AZ50İBAZ******************** bank hesabına ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, İddiaçı xx.xx.2020-ci il tarixli, 14/1519 saylı «Qaz paylayıcısı ilə məişət qaz qurğusu istifadəçisi arasında qazın alqı-satqısı barədə» müqavilə əsasında Cavabdeh məxsus fərdi yaşayış evini təbii qazla təchiz edir. Həmin ünvana İddiaçı İB-nin Bakı Regional qazın satışı Departamenti tərəfindən **********22570 nömrəli abonent kodu verilmişdir. Qeyd edilən ünvanda fərdi yaşayış evini təbii qazla təchiz edən qaz xəttinin üzərində qaz sayğacı quraşdırılmışdır.Cavabdeh müqavilənin şərtlərini pozaraq özbaşına olaraq qaz xəttinə qoşulmaqla təbii qazı talamışdır. İddiaçı İB-nin işçiləri tərəfindən küçə qaz xətlərinə, cavabehin fərdi yaşayış evinə quraşdırılmış qaz sayğacına baxış keçirilərkən cavabdehin təbii qazdan qeyri-qanuni istifadə halı aşkar olunaraq aktlaşdırılmış və çəkilişlər aparılmışdır. Həmin aktlara əsasən cavabdeh dəfələrlə sayğacdan kənar qaz istifadə etməklə iddiaçıya ümumilikdə 15357,80 manat ziyan vurmuşdur. Cavabdehə pulun könüllü ödənilməsi təklif olunsa da, cavabdeh heç bir ödəniş həyata keçirməmiş və bu səbəbdən də məhkəməyə müraciət etmək zərurəti yaranmışdır. Məhkəmə iclasında iştirak edən İddiaçı İB-nin nümayəndəsi X6 iddia tələbini müdafiə edərək, iddia ərizəsində qeyd edilənlərə uyğun izahat verdi. Məhkəmənin əvvəlki iclasında cavabdeh iddia tələbini qəbul etməyib izahatına bildirdi ki,iddia tələbində qeyd edilənlər tam əsassızdır.Belə ki, bir neçə dəfə iddiaçı tərəfin əməkdaşları yaşadığı ünvana gəlmişlər istixananın təbii qazla qanunsuz təchizatından şübhələndikləri üçün axtarış aparmışlar, hətta torpaq sahəsinin bu məqsədlə qazıntısını aparmışlar.Belə bir qaz xətti aşkar etməmişlər.Onu da qeyd edir ki, həyətyanı sahəsində bir neçə il bundan qabaq istixana olmuş, oranı da dizel yanacağı ilə qazanxana sistemi ilə qızdırmışlar,orada mövcud olmuşdur, bu təqdim olunan fotoşəkilllərdə də əksini tapmışdır.Bunu orada işləyən şahidləri də təsdiq edə bilər.Tərtib olunan aktlar həqiqəti əks elətdirmir.Ona görə də, hesab edir ki, iddia tələbi əsassızdır. Məhkəmədən iddianın təmin edilməməsini xahiş etdi. Məhkəmə iclasında şahid qismində dindirilən Əsgərli Məhəmməd Əmirastan oğlu ifadəsində bildirdi ki, 2017-ci ildə Nazimin həyətində istixanada işləyib, qeyri-rəsmi əvvəl salyarka istifadə edirdilər,sərf etmədiyi üçün mazutdan istifadə etməyə başladılar. Salyarkanı şəxsən özü alırdı.2019-cu ilin yayınadək işlədilər,sonra işləmədilər.İşlədikləri vaxt İddiaçı gələnlər bir şey tapmadılar, hətta qazıntı da apardılar bir şey tapmadılar. Məhkəmə iclasında şahid qismində dindirilən Məmmədzadə Məmmədrza Fəxrəddin oğlu ifadəsində bildirdi ki, Nazimə məxsus istixanada qızdırıcı peçlərə nəzarət edirdi.2017-2018-ci illərdə istixana işləyib.2019-cu ilin yayında işlər dayandı,ildə iki dəfə əkin olurdu.Qızdırıcı kimi yağ aparatından istifadə olunurdu, qaz idarəsindən gələn əməkdaşlar axtarış apardılar, qanunsuz qoşulma aşkar etmədilər, hətta qazıntı da apardılar bir şey tapmadılar. Məhkəmə tərəflərin izahatını, şahidlərin ifadələrini dinləyib, təqdim olunmuş sübutlara qiymət verərək hesab edir ki, iddia tələbi aşağıdakı əsaslara görə qismən təmin edilməlidir. Belə ki, iş materiallarında olan İddiaçı ilə Cavabdeh arasında bağlanmış xx.xx.2020-ci il tarixli, 14/1519 saylı «Qaz paylayıcısı ilə məişət qaz qurğusu istifadəçisi arasında qazın alqı-satqısı barədə» müqavilənin 2.3.2, 2.3.3 və 2.3.4-cü bəndlərində göstərilmişdir ki, bu Müqavilənin və “Qazdan istifadə Qaydaları”nın, qaz qurğularına dair lahiyə və istismar sənədlərinin tələblərinə, təqsirli hərəkətləri (hərəkətsizliyi), habelə bu Müqavilə üzrə müəyyən edilmiş vəzifələrinin icra edilməməsi nəticəsində “paylayıcı”ya dəymiş zərərin əvəzini ödəmək “istehlakçı”nın vəzifəsidir. İşin materiallarında olan İddiaçı İB-nin Bakı RQSQ-nin nümayəndələri tərəfindən tərtib edilmiş təbii qazdan istifadə qaydalarının pozulması haqqında xx.xx.2020-ci il tarixli, ******* saylı sonuncu aktdan müəyyən edilir ki, ünvan 2ində (abonent kodu: **********22570) yaşayan istehlakçı Cavabdeh sayğacdan kənar xətlə təbii qazdan qeyri-qanuni istifadə etməsi müəyyən edilmiş, Cavabdeh həmin aktı imzalamamışdır. İşin materiallarında olan xx xxxx 2020-ci il tarixli abonentin saldo cədvəlindən və işin materialarından müəyyən edilir ki, Cavabdeh barəsində xx.xx.2019-cu il tarixdən başlayaraq İddiaçı İB-nin əməkdaşları tərəfindən 8 dəfə akt tərtib olunmuş, sonuncu dəfə xx.xx.2020-ci il tarixli, ******* saylı akt əsasında ona 86,40 manat məbləğində ziyan hesablanmışdır. Azərbaycan Respublikası Nazirlər Kabinetinin xx xxx 2011-ci il tarixli, 80 saylı qərarı ilə təsdiq edilən “Qazdan istifadə qaydaları”nın 6.5-ci bəndinə əsasən, qaz paylayıcısı qanunsuz xətti dərhal qazpaylayıcı şəbəkədən ayırmaqla qazın verilişini dayandırmalı və dəymiş zərərin ödənilməsini qanunvericiliyə uyğun olaraq həmin şəxsdən tələb etməlidir. Azərbaycan Respublikasının Mülki Məcəlləsinin 21.1-ci maddəsində göstərilmişdir ki, zərərin əvəzinin ödənilməsini tələb etmək hüququna malik olan şəxs ona vurulmuş zərərin əvəzinin tam ödənilməsini tələb edə bilər, bu şərtlə ki, qanunda və ya müqavilədə zərərin əvəzinin daha az miqdarda ödənilməsi nəzərdə tutulmasın. Həmin Məcəllənin 21.2-ci maddəsində göstərilmişdir ki, zərər dedikdə, hüququ pozulmuş şəxsin pozulmuş hüququnu bərpa etmək üçün çəkdiyi və ya çəkməli olduğu xərclər, əmlakından məhrum olması və ya əmlakının zədələnməsi (real zərər), habelə hüququ pozulmasaydı, həmin şəxsin adi mülki dövriyyə şəraitində əldə edəcəyi gəlirlər (əldən çıxmış fayda) başa düşülür. Həmin Məcəllənin 385.1-ci maddəsinin tələblərinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Məhkəmə iş üzrə toplanmış və tədqiq edilmiş sübutlara qiymət verərək hesab edir ki, iddiaçı tərəf ziyan vurma faktının mövcudluğu barədə məhkəməyə hər hansı mötəbər sübut təqdim edə bilməmişdir, təqdim olunan aktlar isə göründüyü kimi birtərəfli qaydada, yəni istehlakçının iştirakı olmadan tərtib edilmişdir. İşin məhkəmə baxışında cavabdehin izahatından və onun təqdim etdiyi şahidlərinin ifadələrinə əsasən müəyyən edilir ki, cavabdehin həyətyanı sahəsində istixanada 2017-ci ildən, 2019-cu ilin yayınadək işləmişlər.İstixanada təbii qazdan istifadə olunmamışdır.,dizel yanacağından qazanxana ilə istifadə olunmuşdur.Bu barədə foto şəkillər iş materiallarındadır. Həmçinin, cavabdehin izahatı və şahidlərin ifadələrindən göründüyü kimi İddiaçıın əməkdaşları həmin ünvanda yerli baxış və qazıntı aparmalarına rəğmən orada təbii qazdan qeyri-qanuni istifadə aşkar etməmişlər. Bununla belə, işin materiallarından göründüyü kimi, tərtib olunan aktlar həmçinin, istixanadan istifadə olunmadığı 2019-cu ilin yayından sonrakı dövrləri də əhatə etdiyindən, Cavabdeh yaşadığı (abonent kodu: **********22570) ünvan 2i ünvanında fərdi yayaşıyış evində sayğacdan kənar qaz xəttinin aşkar olunması ilə əlaqədar “Qazdan istifadə qaydaları”nın pozulması faktı cavabdeh tərəfindən mübahisələndirilsə də, bunu təsdiq edən sübutlar təqdim etmədiyindən və həmin fakt üzrə İddiaçı tərəfindən itirilmiş təbii qazın dəyərinə görə borc hesablandığından, lakin buna baxmayaraq iddiaçı tərəfindən hərəkətsizlik edilərək borc məbləğinin artmasına şərait yaradıldığından iddia qismən əsaslı hesab edilməli, xx.xx.2020-ci il tarixli, ******* saylı sonuncu akt əsasında 86,40 manat ziyan olaraq Cavabdeh tutulub iddiaçıya ödənilməlidir. İddiaçı iddia tələbinin digər hissəsini əsaslandıran sübutları məhkəməyə təqdim etməmişdir. Ona görə də, həmin hissələrdə iddia təmin edilməməlidir. Azərbaycan Respublikası Mülki Prosessual Məcəlləsinin 107-ci maddəsində göstərilir ki, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Azərbaycan Respublikasının Mülki Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Hazırki iş üzrə məhkəmə xərcləri iddia ərizəsinin verilməsinə görə 30 manat dövlət rüsumundan ibarətdir. Məhkəmə hesab edir ki, iddia tələbi qismən təmin edildiyindən iddia ərizəsinin verilməsinə görə ödənilmiş 30 manat dövlət rüsumunun 10 manat hissəsi cavabdehdən tutulmalıdır. Qeyd olunanlara əsaslanaraq və Azərbaycan Respublikası Mülki Prosessual Məcəlləsinin 216-220,227-ci və 360-cı maddələrini rəhbər tutaraq, məhkəmə QƏT ETDİ: İddia qismən təmin edilsin. Cavabdeh təbii qazdan istifadəyə görə hesablanmış ziyan olaraq 86,40 manat məbləğində pul və dövlət rüsumu üçün 10 manat tutularaq İddiaçı ABB Sabunçu filialı, Kod: 805153, VÖEN **********, M/H AZ03NABZ********************, SWİFT İBAZAZ2X, İddiaçı İB, VÖEN **********, İBAN: AZ50İBAZ******************** bank hesabına ödənilsin. İddia qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Abşeron rayon məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Sədrlik edən: Cəmilə Səfiyeva